موقفي من اللي بتعمله جبهة تحرير تيجراي مش مهم عندي . كده كده دول برضه يظلوا أثيوبيين وده شأن داخلي .. المهم إننا نعرف أمورنا إحنا عاملة إزاي .. ونعرف دورنا كشعب ونفهم دور قيادات بلدنا (كل واحد في مكانه) علشان تبقى الأمور واضحة لينا كلنا بشكل قاطع ومن غير تضارب .
مبدئيًا كده . أي مواطن عادي (زي حالاتنا) :
-
1) عنده معلومات عادية معلنة متاحة إعلاميًا - بس معندوش المعلومات الحيوية أو السرية أو الوثائقية اللي تعرفها المؤسسات المختصة (وبالتالي المواطن مايقدرش يوجه تعليمات). الموضوع زي المثل اللي بيقول (التلميذ حتى لو شاطر مايقدرش يشتغل مدرس)
-
1) عنده معلومات عادية معلنة متاحة إعلاميًا - بس معندوش المعلومات الحيوية أو السرية أو الوثائقية اللي تعرفها المؤسسات المختصة (وبالتالي المواطن مايقدرش يوجه تعليمات). الموضوع زي المثل اللي بيقول (التلميذ حتى لو شاطر مايقدرش يشتغل مدرس)
2) على أساس القاعدة الأولى . المواطن بيكون شايف أبعاد على مستوى نظره .. لكن الجهات المختصة بما إنها عندها معلومات أكتر .. هتشوف أبعاد أكتر
(مثال : اللي واقف على الأرض بيشوف الشارع على مستوى نظره .. لكن اللي واقف فوق برج هيشوف الشارع بتاعه وشوارع بعد منه كمان بمسافة)
(مثال : اللي واقف على الأرض بيشوف الشارع على مستوى نظره .. لكن اللي واقف فوق برج هيشوف الشارع بتاعه وشوارع بعد منه كمان بمسافة)
3) المواطن بيشوف القضية مركزة على سد أثيوبيا ، فبيقول حل على حسب رؤيته . ماشي مفيش مشكلة، بس المشكلة إنه مش شايف الأبعاد المترتبة على خطواته اللي بيقترحها بشكل كاف . هو بيتكلم عن قرارات بتاخدها مؤسسات مجتمعة لخطورتها وكأنها قرار شخص واحد . لازم المواطن يعرف إن الموضوع مش قرار فرد
4) تحركات مصر تحديدًا لازم تتدرس وبعناية .. هي مش مسئولة عن 100 مليون مصري جوه مصر وملايين بره مصر بس .. لأ دي مسئولة عن توازن وتأمين المنطقة كلها من الإنهيار + إستثمارات دولية بحكم وجودها المستقر والشريف كضامن لنجاحها . ماينفعش كل ده يتحرك علشان كلمة قالها مواطن مش مسئول ولامختص
يبقى كده عرفنا إن الجهات المسئولة هي اللي بتتخذ القرار واللي بتاخد قرار التفاوض أو الشكوى أو الضغط أو التعاون أو الدفاع .
-
أي مواطن عادي ولو حتى شاطر في مجاله مهما درس ومهما توقع أو تنبأ بالتحليلات .. مايقدرش يبقى مصيب في كل شئ . لأنه مش بيملك الملفات اللي عند المختصين أكيد
-
أي مواطن عادي ولو حتى شاطر في مجاله مهما درس ومهما توقع أو تنبأ بالتحليلات .. مايقدرش يبقى مصيب في كل شئ . لأنه مش بيملك الملفات اللي عند المختصين أكيد
بس إيه المواقف اللي ممكن تكون إختصاص المواطن؟
-
1) يتابع الأمور أول بأول .. علشان يفهم ويفهم غيره ويخليه متابع زيه كمان
2) يرد على الإشاعات والتشكيكات إما بالمعلومة اللي يعرفها أو بالمنطق اللي يفسر الأمور .. فيه نوعية مش هتقتنع غير بالأمر الواقع ، دي سيبكم منها . مفيش منها أمل
-
1) يتابع الأمور أول بأول .. علشان يفهم ويفهم غيره ويخليه متابع زيه كمان
2) يرد على الإشاعات والتشكيكات إما بالمعلومة اللي يعرفها أو بالمنطق اللي يفسر الأمور .. فيه نوعية مش هتقتنع غير بالأمر الواقع ، دي سيبكم منها . مفيش منها أمل
3) أي خطوة تقدر تظهر إن القيادات المصرية مش لوحدها وهي بتتحرك دي من إختصاص المواطنين .. حتى الرئيس السيسي قالها في الأول خالص لما قال فيما معناه .. إنه يقدر يواجه بينا كل التحديات .. وفي موضوع السد الأثيوبي قال فيما معناه إننا اللي هنعمل .. لأن الموضوع يخصنا كلنا
طول ماإحنا ثابتين الأمور هتبقى بخير بإذن الله . بس المهم إن العالم يحس بده ، هو على الأرجح شايف الدولة وقوتها .. بس مش شايفنا كشعب ، إثيوبيا عمالة تشحت دعم من جواها علشان تبينه للعالم ومعتمدة على طمع دول المنابع إنها تقف في صفها علشان يتشجعوا ويعملوا زيها .. ناس غريبة الصراحة
جاري تحميل الاقتراحات...