رتبها

ثريد فيه معلومة، وقصة، وفايدة مجانية، نقول بسم الله… 🤲🏻
فيه نوعين للإعلان: الأول اسمه Push وفيه يطلع لك الإعلان في كل مكان حولك، وهو النوع الغالب المعروف📺📻📡…
النوع الثاني من الإعلان
…
…

يسمونه Pull وفكرته انه يخليك تقدر تبحث عن الخدمة لما تحتاجها، مثل دليل الصفحات الصفراء حق زمان، اللي كانت الخدمات التجارية مرتبة فيه بحسب نوعها…📒
طبعا الحين مع وجود خاصة البحث في النت، صار فيه تداخل بين النوعين عند المعلنين🔍
يعني:
..
..

المعلن يظهر لك إعلانه في كل الوسائل، وفي نفس الوقت لو كان شاطر ومزبط موقعه بشكل كويس، احتمال كبير تقدر توصل للمنتج اذا بحثت عنه في جوجل أو إذا دخلت موقع التاجر نفسه.
ولكن: 🤔
..
..

المشكلة انه مواقع البحث عشان تظهر منتجك فيها، هو عملية ليست في متناول الكثيرين، وما يتقنها غالبا إلا الشركات الاحترافية اللي يوظفون متخصصين بمبالغ كبيرة حتى يوصلوهم للمطلوب.💸
الحين جا دور القصة، متذكرين قلنا لكم فيه قصة؟
القصة بدأت عام ٢٠٠٩
..
..

كنت جالس أتصفح صحيفة (المبوبة) وللي ما يعرفها، كانت صحيفة أسبوعية متخصصة فقط لنشر الإعلانات التجارية.
لفت نظري إعلان يقول:
"نقوم بإصلاح صدمات سيارتك بدون سمكرة وبدون إعادة بوية" 🚘
طبعا الحين الشي هذا معروف، بس في ٢٠٠٩ كانت هالخدمة عظيمة جدا…
ليش؟
..
..

لأنه زمان كان لو سيارتك انصدمت صدمة بسيطة وتأثر فيها بودي السيارة، بتدخل في إزعاج سمكرة، وإعادة صبغ، وغالبا القطعة المصبوغة ما بيكون لونها ١٠٠٪ مثل لون السيارة، بتبان عيب في السيارة وبتصير قيمة السيارة عند بيعها نازل بسبب هالعيب..🚔
يعني الإعلان كان يحل مشكلة حلوة
ولكن
..
..

أنا كشخص قرأت الإعلان، الآن وقت قراءته ما أحتاج هالخدمة، طيب اذا احتجتها بعدين هل حيكون سهل أتذكر مين يقدم الخدمة؟ 🤔 حاولت ألاقي حل تقني لهالموضوع:
"لما أنا فعليا أحتاج أشتري شي معين، كيف أقدر ألاقي أفضل وأقرب مين يبيعه لي؟"
وقررت التالي:
..
..

حجزت موقع اسمه AdsBasket يعني بالعربي "سلة الإعلانات" وكان المبدأ (يقولون لا تضع البيض كله في سلة واحدة🥚، ولكننا سنحاول وضع الإعلانات كلها في سلة واحدة)
وبديت بخطوتين،
برمجة محرك بحث خاص بالأنشطة التجارية، واشتركت في كل الصحف اليومية السعودية🗞
..
..

وظفت ناس يقومون بقراءة الصحف اليومية، يستخرجون أي إعلان فيها ويدخلونه في الموقع، بعد مرور سنة كان في قاعدة البيانات عشرات الآلاف من الخدمات التجارية،
ومنهم أصحاب خدمة السمكرة، (تقدرون تبحثون وتشوفونهم الآن 😁)
وغير كذا؟ الجاي أحسن…
..
..

موقع سلة الإعلانات مجاني بالكامل، يقدر أي شخص يدخل ويضيف بياناته، ايش يبيع، ويحط أي عدد من الكلمات المفتاحية عشان لو أحد بحث عنه يطلع في النتيجة.. 🔎
طبعا مو بس كذا…
..
..

الموقع حاليا وبعد عملية إعادة برمجة كاملة صارت في ٢٠١٦، صار يدعم التصفح من الجوال، وإضافة الموقع الجغرافي للنشاط، وطبعا يقدر صاحب الإعلان يعدل عالإعلان في أي وقت، يضيف صور📸، وحتى يضيف كوبون خصم خاص 🧮عشان يسوق منتجاته ويتميز عن منافسيه…
..
..

مرة من المرات أثثت مكتب تجاري بالكامل باستخدام البحث في سلة الإعلانات، جبت شركة نظافة 🪣 نظفت المكتب، جبت شركة مكافحة حشرات 🐜، جبت شركة ستاير ، وجبت شركة أثاث مكتبي 💺🪑، كله بالبحث والاتصال بدون ما أطلع من المكتب…
..
..

التقنية حلوة جدا لما تساعد الناس، ولما تكون سبب في زيادة رزقهم وتحسين معيشتهم وتسهيل حياتهم، عندي عقدة من الإعلانات المزعجة اللي تطلع لك في كل مكان وهدفها بس إغرائك بشراء مالاتحتاجه وسحب مدخراتك😤، وأعتقد فكرة انك تبحث عن ما تحتاجه فعليا، بتوفر عليك كثير أموال أنت أحق فيها.
..
..

مازال الموقع يعمل، ومازال مجاني، ومازلت أصرف عليه على أمل يوم من الأيام يكون سبب في رزق يأتيني مثل ما حاولت أكون سبب في رزق الناس، وصلى الله وسلم على نبي الرحمة، ولاتنسوا تشوفوا الموقع:
adsbasket.com

www.adsbasket.com

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة