( #نساند_دولتنا_لنحمي_نيلنا )
ده مش هاشتاج للترند .. ده شعار عام على شكل هاشتاج علشان يبقى أسهل في البحث لما أحتاج أضيف أفكار مثلاً
-
الشعار ركز على فكرة (مساندة الدولة : علشان يبقى واضح للجميع . أي تحركات فردية عفوية هدفها الأساسي دعم التحرك الرسمي من قيادات الدولة)
★هدفنا واحد

1) المصريين يوضحوا الحقيقة لسكان العالم
-
★المصري اللي عايش بره مصر لازم يكلم كل اللي حواليه إن إثيوبيا بتتعدى بتصرفاتها + إن مشروع السد مش للتنمية
-
★اللي بيعرفوا إنجليزي كويس لازم يعلقوا تعليقات في كل صفحة أجنبية أو موقع إخباري أجنبي يوضح فيه إن إثيوبيا بتتعدى حدودها .

2) المصريين يوضحوا للعالم بأساليب مبتكرة رفضهم للتعنت الإثيوبي
-
★مواقع التواصل خلت العالم قرية صغيرة .. يبقى نوصل صوتنا بصور أو كاريكاتيرات معبرة أو فيديوهات صغيرة سريعة تفضح البلطجة الإثيوبية .. فاكرين التريقة على نشيد (صليل الصوارم)؟ دمرت الحالة تمامًا .. فاهمين قصدي؟ .

3) الشعب يتحول إلى هيئة دفاع دبلوماسي
-
- أي إشاعة يترد عليها بأدب وإحترام (من غير شتايم)
- أي مغالطات يترد عليها بالحقائق والأدلة
- أي محاولات كسر مجاديف تتقابل بخطوات عملية كتأكيد على عدم اليأس وإننا هنبذل كل جهدنا علشان نقدم مساعدة لقيادات بلدنا إن الشعب خط ظهره الحصين

دول 3 عناوين أساسية للحالة اللي لازم نتحول لها بما إننا داخلين على (التخزين الجزئي الثاني الأحادي) وطالما ده تم بدون إتفاق ملزم يبقى مرفوض ..
-
أنا كمصري برفض الخطوة دي وبأكد على رفضي للتخزين الجزئي الأول اللي تم أحادي برضه .