فيه حاله عندنا فالحضانه كانت مولوده ٢٩ اسبوع والحالات دي عموما مش بيكون فيها امل اوي بس بنحاول ..اتحطت علي تنفس صناعي لفتره طويله بدون تحسن وخلال الفتره دي دخلت في تسمم بالدم وده خلي هيموجلوبينها يقع وتحتاج دم والصفايح كانت ٩٠٠٠ ! (الطبيعي من ١٠٠٠٠٠) ودخلت كذا مره فنزيف من الرئه
وتوقف بالقلب كذا مره وترجع تاني بعد ما نشتغل عليها .. غير انها دخلت في مشكله خطيره جدا فالامعاء nec فوسط كل ده البنت دي باباها مكانش بيسال عليها خالص ولا حد من اهلها نهائي مهما نكلمه ييجي عشان البنت محتاجه حاجات وحالتها خطيره ولا بيسال ( الله اعلم بظروفه يعني)
واحنا مش كل حاجه متوفره عندنا يعني بنحتاج الاهل يوفروا حاجات من بره للاسف مش متوفره فالمستشفي .. من ضمنها البنت فصيلتها o-ve ودي كان صعب تتوفر وهي كل شويه بتحتاج تنقل دم .. كل مره كان الدم بيتوفر لوحده ما نعرفش ازاي من ضمنها مره كنت موجوده ورحت بنك الدم ومالقيتش
فجاه لقيت بتاع بنك الدم بيبعتلي انه فيه لسه مريض حالا جاله كيس من نفس الفصيله وانه يقدر يفصلنا منه الشويه اللي هي محتاجاهم (٥٠ سم تقريبا ) مع ان فحالات زي دي الاهل بيفضلوا يلفوا كتير لحد ما يلاقوا اي فصيله نادره .. لكن دي معرفش امورها كانت بتتحل ازاي !
كانت محتاجه صفايح وبرضه دي مش متوفره عندنا والاهل بيشتروها بمبلغ وبيروحوا يجيبوها بنفسهم فجأه حد متكفل بالحاله وبقي عندنا جزء فالتبرعات اسمه (حاله بنت فلانه) واللي فيه تقريبا كان بيبقي اكتر من اللي فالتبرعات كلها .. سبحان الله !
بعد شويه كان لازم تاخد تغذيه وريديه ودي الاهل بيروحوا يجيبوها من القصر العيني كل يومين طب لو الفلوس اتوفرت مين هيروح كل يومين يجيب !
والد حاله جنبها يعرف الموضوع ويتكفل يجيبلها كل مره معاه وهو بيجيب لابنه
والد حاله جنبها يعرف الموضوع ويتكفل يجيبلها كل مره معاه وهو بيجيب لابنه
بعد فتره كبيره من المحاولات البنت بتتحسن شويه بشويه رغم كل ده .. اتفصلت من التنفس الصناعي ل سيباب وشويه بقت علي اكسجين شويه كمان واتفصلت من الاكسجين واخيرا بتتنفس طبيعي .. بدات ترضع بانبوبه تغذيه وشويه شويه بقت بترضع عادي لحد ماوصلت لرضعه كامله .. وزنها بدا يزيد ( كانت ١.٢٠٠ جم)
شويه بعد كتير من المضادات الحيويه ال crp يقل لحد ما بقي نيجاتيف الحمد لله .. ومقعدينها بس دلوقتي عشان تزيد فالوزن شويه كمان مش اكتر
بدانا نفكر البنت لازم تعمل فحص قاع عين ولو خرجت لاهلها بالشكل ده مش هيهتموا ولا هيتابعوها والمستشفي عزل وعيادات الرمد مش شغاله 😓 فجأه تحصل الحادثه الشهيره بتاعت البيبي اللي فقد بصره والناس تلتفت للموضوع فييجي دكتور فالجامعه يقول انه متبرع للكشف عالحالات عندنا
ويجيلها مخصوص يعمل الفحص ولما لقي ان فيه بدايات مشكله جالها تاني لحد ما الحمد لله عينها اتحسنت ❤️
و بجملة اللطف من ربنا تدخل حاله عندنا وتتحسن بسرعه وامه ماكانتش شافته فجايه وجيباله لبس حلو اوي بس مقاسه صغير لان الولد كان ماشاء الله حجمه كبير تقوم سايبه اللبس كله للبنت دي والغريبه انه لونه بينك و كإنه بناتي مش اولادي خالص .. حسيت ان ربنا هو اللي باعتهولها
وغيرها وغيرها من الحاجات اللي ربنا ساعد فيها البنت دي
اللي عايزه اقوله اني وقفت كده وشوفت رزق ربنا لما بيحب يدي حد بييسر كل السبل للعطاء ده حتي لو احنا كبشر مش شايفين ان فيه امل !
الحمد لله رزقها بشفاء مكناش متوقعينه انما كنا بنتمناه وعلاج ودكاتره من كل التخصصات اللي احتاجتها
اللي عايزه اقوله اني وقفت كده وشوفت رزق ربنا لما بيحب يدي حد بييسر كل السبل للعطاء ده حتي لو احنا كبشر مش شايفين ان فيه امل !
الحمد لله رزقها بشفاء مكناش متوقعينه انما كنا بنتمناه وعلاج ودكاتره من كل التخصصات اللي احتاجتها
وفلوس وتغذيه و حب وعطف من كل اللي يشوفها ده حتي اللبس ربنا رزقها بيه سبحانه ❤️
وهي الضعيفه المريضه بدون اهل وبدون اي شيء حرفيا لا حول ليها ولا قوه لكن معاها رب كريم اوي و رزاق بيرزقنا من دون اي تحايل وعطفه وكرمه بيفوقوا كل التوقعات .. الحمد لله 🙏❤️
وهي الضعيفه المريضه بدون اهل وبدون اي شيء حرفيا لا حول ليها ولا قوه لكن معاها رب كريم اوي و رزاق بيرزقنا من دون اي تحايل وعطفه وكرمه بيفوقوا كل التوقعات .. الحمد لله 🙏❤️
ازاي نشيل هم مستقبل وازاي نحس بنقص او حرمان واحنا شايفين صور كرمه ورحمته و تدبيره للامور الكبيره والصغيره فكل مكان حوالينا !
يارب سبحانك ! 🙏❤️ والحمد لله علي كل شيء المنع والعطاء لان حتي فمنعه عطاء كبير ورحمه ❤️
يارب سبحانك ! 🙏❤️ والحمد لله علي كل شيء المنع والعطاء لان حتي فمنعه عطاء كبير ورحمه ❤️
جاري تحميل الاقتراحات...