بنات ودي أقولكم عن فكرة حلوة اقترحتها على قروبنا ، بشوال تحديداً بعد العيد بدت نوبات الطفش والتحلطم وصرنا نقول لبعض انا والبنات يلا بنطلع نغير جو وكالعادة في الرياض نروح مطاعم وكوفيهات ف حسيت بملل ورتابة من الطلعات اللي كذا ، اللي بس نطلع ناكل ونرجع " الحمدلله على النعمة " 💕
اقترحت عليهم قلت وش رايكم ننظم جدول رحلات كل وحده تخطط لنا على رحلة كاملة من وإلى وتجي القروب تكتب لنا بنات رحلتنا الجاية للمكان الفلاني بنطلع الساعة الفلانية ورح تحتاجون يكون معاكم ميزانية من كذا إلى كذا ، وشرطنا الأساسي بكل رحلة يكون فيها عنصر متعة + وحبذا تجربة او خبرة جديدة💡
وبالأخير نطلع الرحلة الفايزة ولهم جائزة 😂 ، عشان يكون فيه تنافس بالرحلات وحماس للتخطيط .. المهم طبقوها بتنبسطون والله تغيير عن الطلعات والجمعات المعتادة وانا بقترح لكم اماكن 🙆🏼♀️❤️
وانتم اذا اكتشفتوا اماكن جديدة فيها متعة او تجارب جديدة حطوها هنا 📍❤️
فزز هوا @Fizzhawa أكبر نطيطة هوائية بالرياض للنساء والأطفال عادي بنات واولاد ، تجربة ممتعة وتفرغين طاقة سلبية فيها مسبح كور وملعب سلة وطايره وألعاب مختلفه ، وحلاتها تكونون قرووب عشان تطاقون 😂
هذي الأسعار وشخصياً انصحكم بنص ساعة كافية أحس وسعرها كويس 👍🏻
للبنات اللي حابين يجربون فروسية ، هذا نادي فروسية نسائي يجنن بالجنادرية ❤️ اسمه نادي الفارسة للسيدات مكانه عند الاسطبلات ، المكان حلو وفيه جلسات وكوفي ويسمحون لك تجيبين قهوتك وشاهيك واكلك معك
ناسية الأسعار كم بس أذكر الدخول مع تجربة ركوب الخيل وتعلمك المدربة ماتجاوز ٨٠ ريال ، وعندهم كلاسات للي حابه تشترك وتتدرب عندهم 🐎
جاري تحميل الاقتراحات...