نعمل أيه لو جواز سفرنا ضاع وأحنا مسافرين برة ؟ 👇
١- لازم دايما يبقي عندنا صورة من جواز سفرنا على الموبايل + صور لكل الفيزا اللى موجودة على الباسبور ولو نقدر كمان يبقي أفضل لو كمان صورة أختام الدخول ( ممكن مع كل سفرية نحفظ صورة ختم الدخول ونمسحها بعد ما السفرية تخلص )
٢- بتعملو Police Report في أقرب قسم شرطة للمكان اللى ضاع فيه جواز السفر أو فى المكان اللى اكتشفتو فيه ان جواز السفر ضاع وبتاخدو صورة منة ورقية ودا متاح في كل الأماكن تقريبا اللى بتعمل Reports
٣- لو جواز السفر ضاع في أول أيام السفر , تقدرو تكملو رحلتكم عادى بدون مشاكل بعد ما بتاخدو صورة ال Police Report وقبل السفر على طول بتقدرو تكملو باقي الإجراءات
٤- قبل السفر ب ٢٤-٤٨ ساعة بتتوجهو للقنصلية / السفارة في البلد اللي أنت فيها وخدو بالكم أن مش دايما القنصلية أو السفارة متاحة فى البلد اللى انت متواجد فيها وهيبقي مطلوب منكم تسافرو لمكانها مع مراعاة أيام الأجازات الاسبوعية ( السبت والأحد ) من كل أسبوع + الأجازات الرسمية
٥- جمعنا ليكم جميع السفارات والقنصليات المصرية برة مصر في العالم كلة وهتلاقوها فى اللينك دا urtravelhelper.com
عناوينهم وأرقام تليفوناتهم وأماكن تواجدهم
عناوينهم وأرقام تليفوناتهم وأماكن تواجدهم
٦- هتتوجة للقنصلية معاك الآتى :
أ- صورة ال Police Report
ب- صورة / صورتين شخصيتين
ج - تذكرة سفرك ولازم تبقي دايركت مش ترانزيت
د - صورة الفيزا بتاعتك اللى دخلت بيها البلد ويفضل الختم كمان
أ- صورة ال Police Report
ب- صورة / صورتين شخصيتين
ج - تذكرة سفرك ولازم تبقي دايركت مش ترانزيت
د - صورة الفيزا بتاعتك اللى دخلت بيها البلد ويفضل الختم كمان
٧- القنصلية هتصدر ليك مستند أسمه وثيقة سفر زى الصور دى والمستند دا صالح للسفر لمدة شهر فقط وبعض شركات الطيران بترفض السفر بالوثيقة دى فلازم تتأكد من شركة الطيران اللى أنت مسافر عليه ولازم يكون الطيران Direct زى ما قولنا مينفعش ترانزيت
٨- هتتوجة بالوثيقة دى للمطار تسافر بيها وعند وصولك المطار هيتم التحقيق معاك من سلطات المطار او الأمن الوطني للتأكد من اسباب سفرك وأنك سافرت بطريقة شرعية وأن جواز سفرك ضاع فعلا وأنك كان معاك فيزا للسفر وتاريخ سفرك من القاهرة وأن مفيش مشاكل أمنية معاك
٩- مدة صدور الوثيقة بتختلف لكن هيا عمليا مبتاخدش أكتر من ١٠ دقايق ولكن من قنصلية لقنصلية بتختلف ولازم تتواصلو مع القنصلية تعرفو تفاصيل أكتر ولازم تتاكدو من مواعيد سفركم علشان بعض القنصليات بترفض إصدار الوثيقة لو معاد سفركم بعيد
١٠- الوثيقة غير صالحة للسفر لأى مكان فى العالم غير مصر وعلشان كده بعض شركات الطيران لو أنت مسافر ترانزيت بترفض ركوبك الطيارة علشان هتوصل فى نقطه وسيطة قبل وصولك مصر ولازم تكون مسافر مباشرة على أى مطار مصري
خلصنا كل التفاصيل الخاصة بضياع جواز السفر , ولو حد عنده تجربة عايز يشاركها معانا يتفضل أو عنده تفاصيل زيادة او مختلفة نسينا نقولها يتفضل .. انتهى الثريد
جاري تحميل الاقتراحات...