فيه معلومة تقول أن #طوالع السرطان و الأسد ما يحبون العلاقات اللحظية أو حتى العابرة أو قصيرة المدى و مايحبون فكرة الدخول والخروج بالعلاقات بشكل عشوائي لأن يحكم بيتهم السابع زحل "جدي/دلو" وهذا اللي يخليهم ميَّالين للثبات و من أكثر الطوالع تروي في مسائل الشراكة والعلاقات..
ترى زحل بيدعسهم لو دخلوا بعلاقات عشوائية بالمناسبة و مو بس كذا؟ راح يلقنهم دروس قاسية جدًا! لأن ترى اينما يحكم زحل عندك لابد من انك تاخذ مسائله بجدية وتروي وهدوء و إلا سدد لك ضربة مؤلمة؛ لذلك طوالع السرطان والأسد اذا كانوا متلاعبين و كثيري الدخول بالعلاقات راح يدعسهم زحل😂
مهما كانت اتصالات خريطتك و سقوط المواقع ببيتك الخامس وايضًا تواجد زهرتك لابد من انك ترجع للبيت اللي فيه سابعك وتلقي نظرة حقيقية و تشوف حاكمه و طبيعته و تلتزم بطبيعة الحاكم و إلا راح يقلب علاقاتك لجحيم مستعِر و راح يزعزع أمانك، مهم السابع علشان تعرف رسالتك ودورك مع الغير👌🏼.
#الزهرة في الخريطة تدل على الإستحقاق والقيمة اللي تضعها لنفسك و للأخرين لو زهرتك بإتصال سلبي سواء مع بقية مواقعك أو منتحسة فهي دلالة انك تعاني من مشاكل حقيقية مع ذاتك ونفسك وحبك لنفسك وهذا الشيء اللي راح تعكسه لك علاقات حبك
وعلشان تقوي زهرتك لابد من انك تشتغل على استحقاقيتك✨..
وعلشان تقوي زهرتك لابد من انك تشتغل على استحقاقيتك✨..
ايضًا من الأشياء المضحكة اللي تدل على ان زهرتك منتحسة هو ذوقك السيء وشرائك للأشياء بثمن رخيص أو لا يملك قيمة حقيقية😂 يعني فيه علاقة طردية بين جودة الأشياء اللي تختارها وتشتريها و بين جودة علاقاتك واذكر كان فيه منجم يقول من سلة التسوق تعرف نوعية علاقات الشخص بحياته
ومن الأشياء المضحكة بعد ان لو غيرت مستواك المادي والمعيشي راح تتحسن زهرتك مهما كان انتحاسها وايضًا كلما كنت ميَّال لإقتناء ممتلكات بجودة عالية كل ما كانت علاقاتك سليمة ومهما كانت زهرتك قوية لو كنت بطاقة فقر او نقص في المستوى المعيشي او مشترياتك سيئة راح تمر بعلاقات سيئة..
ايضًا لو زهرتك منتحسة الأفضل تروح مقاهي راقية و مطاعم فخمة و فنادق فاخرة ودائمًا تتواجد في اماكن الأغنياء وتقتني منسوجات ذو جودة عالية و احذر من انك تشتري شيء رخيص او تقبل بمنتج مو ممتاز كفاية، هذه الممارسات تقوي الزهرة و تجلب علاقات صحية، طاقة الأموال تحسن جودة علاقاتك👌🏼.
ايضًا لو كان #عطارد عندك منتحس فالأفضل انك تتعلم لغة ثانية غير لغتك الأم و بتلاحظ ان طاقة عطارد عندك بدأت تتحسن وايضًا تتواجد في المكتبات ودور التعليم وتحاول انك توصل لدرجة علمية عالية، ايضًا لو عطاردك منتحس دائمًا صاحب اشخاص معروفين بعلمهم وذكائهم هالشيء راح يحسن عطاردك✨
برضو علشان تقوي عطاردك بالتدريج جرب انك تسوي حمية غذائية أو تلتزم بروتين معين وسجل في النادي الرياضي و دايمًا خلي يومك حافل يعني لا تخليه فارغ أو فاضي، ايضًا اقرأ كتب بإستمرار هالشيء راح يطور من قدرات عطارد عندك وراح يلغي الإنتحاس، ايضًا سافر سافر سافر لا تقعد يا عطارد منتحس.
لو #القمر عندك منتحس او بإتصالات سلبية خليك دايمًا قريب من الأطفال و تبنى طفل أو حتى تزوج وانجب اطفال بتلاقي انك يوم بعد يوم قاعد تعزز امانك النفسي، ايضًا حاول انك تكون طفولي ومارس نشاطات الأطفال وخليك منفتح وتقبل نفسك ومن الأشياء المضحكة انك لو شريت منتجات الأطفال بتقوي القمر😂
ايضًا الطبخ يقوي طاقة القمر عندك، برضو التنظيف والإعتناء بالحيوانات والنباتات راح يقوي طاقة القمر، فلو عندك مشاكل بالطفولة أو رابعك وخامسك منتحس وعندك مشاكل بطفلك الداخلي سوي الممارسات هذه وبتلاقي انك تشافيت، ايضًا ايضًا دايمًا خلي حولك حيوان اليف او طفل او حتى ساعد شخص محتاج🤝
لو #المريخ عندك منتحس او مكون إتصالات سلبية دائمًا مارس الحِنس بشكل مكثف و مستمر واسمح لنفسك ان تحظى بأكبر قدر من النشاط الحِنسي وايضًا اشترك بالنوادي والمعسكرات واي شيء يتطلب عمل جماعي ومجهود بدني عالي، من الأشياء المضحكة ان طاقة الغضب عندك تقوي المريخ لذلك لو كنت بارد اغضب😂
برضو عشان تقوي طاقة المريخ هو بقائك مع الرجال أو بمحيطك الكثير من الذكور سواء انت بنت أو ولد دايمًا حاول انك تكون قريب من الرجال وادخل بأنشطة معهم و هالشيء راح يقوي المريخ بالتالي الأيقو يرتفع و الجرأة وتصير اكثر شجاعة وميل للمواجهة
ومارس انشطة قاسية واطلع من من منطقة امانك.
ومارس انشطة قاسية واطلع من من منطقة امانك.
من المعلومات الجميلة ان #زحل كلنا راح يتفعل عندنا لأن اصلًا زحل قاسي ويبي منك تبذل مجهود وهذا اللي يخلي نتائج و مكافاءات زحل ١٠٠٪ راح تجيك وتحصل عليها عكس المشتري ممكن ىٌموت وانت للحين ما لاحظت وجوده بحياتك، زحل لأنه يحركك ويتعبك بتلاقي نتايجه بشكل أوضح من كل موقع..
لو فعلت بيت #المشتري عندك راح ترتفع فيه ارتفاع مخيف جدًا لدرجة ان ممكن الناس تتكلم عنك وتصير معروف وايضًا راح تكسب مكاسب غير معقولة، لو مثلًا مشتريك بالبيت الثاني وفعلت بيتك الثاني بكل قوة وعزم عادي جدًا تصير ملياردير بعمر صغير، عشان كذا بيت المشتري طاقة مخيفة لكن محتاجة ذكاء.
علشان تفعل طاقة #الثراء بحياتك دايمًا صاحب تجار ورجال اعمال وادخل بعلاقة حب مع أشخاص مستواها المادي المرتفع ودايمًا دايمًا لو عندك شيء تبي تفعله قرب اشخاص منك بارز عليهم الشيء هذا، يعني لو انت عندك مشاكل اجتماعية صاحب اشخاص اجتماعية و محبوبة وهذه نصيحة جدًا مهمة وذكية❤️👌🏼.
حتى المشاهير لو صاحبتهم راح ينقلون لك طاقة الشهرة✨✨✨✨...
بيت #المشتري بخريطتك طاقة غير متزنة يا يكون سبب مشاكلك ويهوي بك للأسفل يا يرفعك و يكون ضربة حظك علشان كذا مع مسائل بيتك المشتري كون حذر و لا تفعله بغباء ودلاخة لأن المشتري متطرف ومرات يسبب لك مشكلات اذا مارسته مسائله بلا وعي منك بشكل خاطئ، لكنه بيعطيك ببذخ بذخ بذخ😥
بيت #المريخ بخريطتك علشان تحد من مشاكله ومتاعبه خليك استراتيجي وفكر وخطط وتعامل مع مسائل البيت بحكمة وذكاء ودائمًا حاول انك تطلع من مشاكله بأقل الخسائر، يتطلب منك بيت المريخ عقل حاد وتخطيط مستمر لأنه البيت اللي تكون فيه جدًا انفعالي وعدواني وتقل طاقة التفكير فيه لذلك فكر فكر...
لمن تحس بألم أو اي احد يجرحك عاطفيًا ويضايقك أو تتعرض لخيبة أمل فورًا روح مارس الأشياء اللي معروف فيها قمرك، مثلًا قمرك جوزاء فورًا اكتب وتواصل واختلط مع الاخرين، لو قمرك ثور تناول الطعام وتسوق لو قوس سافر او اقعد تعلم وهكذا، مارس نشاطات القمر وراح تداوي جرحك بنفسك✨🤝
كزهرة #ثور غالبًا راح تطيح وتنجذب لأشخاص مستواها المادي عالي جدًا وهذا اللي اصلًا يخلي الزهرة في الموقع هذا في محل قوة كذلك لمن تختلط بالأغنياء ترتفع طاقة الزهرة وتصبح علاقاتك بمستوى عالي، مو بس مستوى مادي بتلاقي ان فيه جوانب مزدهرة أو حتى انهم اشخاص استثنائية✨
وكزهرة عقرب غالبًا راح تطيح بأشخاص مكسورة نفسيًا او تعبانة او حتى بتنجذب لهم وهذا اللي يخلي الزهرة منتحسة انهم دايمًا يعطون اهتمام للأشخاص اللي حظوظهم بالحياة قليلة، علشان تحمي مشاعرك دايمًا خليك زي الثور يختار الافضل لا تصير زي العقرب تختار المستضعفين..
ترى اذا ماتدري انت قاعد تنحس #زهرتك بكل مرة تنام بسرير مكسور او تلبس ملابس سيئة او حتى تاكل طعام رديء او حتى تسكن بمنزل متهالك وللأسف لمن تنحس زهرتك راح تكون عرضة للإستغلال والخداع بعلاقاتك والألم وايضًا بتجذب زبالة المجتمع لذلك دايمًا حاول تعيش الحياة بجودة ممتازة(:
ترى حتى لو ملابسك متسخة او حتى سيئة او مرقعة وغيرها راح تدمر مستواك المادي ودايمًا لا ترتدي اي شيء قذر او جودته سيئة، ودايمًا حاول تجدد بملابسك وبكذا تحافظ على طاقة الزهرة وتعيش حياة متزنة👌🏼
من المعلومات المضحكة ايضًا ان كثرة اكلك للحوم يقوي #الشمس عندك وتصير اكثر إعتزاز بنفسك واكثر قوة وظهور وايضًا يخليك عرضة للشهرة، مو بس كذا حتى تعرضك المستمر للشمس وانتقالك من منطقة باردة لحارة يزيد من ثقتك بنفسك ويخليك شخص بعيد عن الإعتماد على الغير، كثر من اللحوم😉
ايضًا الزهرة تنتحس بالعذراء لأنها ميالة للإصلاح والصبر على العيوب وهذا خطا لابد من انك تكون متطلب لذلك زهرات مثل العذراء حتى لو انقطع مثلًا فستان عندهم يرقعونه ويضبطونه وهذا نقيض الزهرة، الزهرة بترميه وتجذب الأفضل😂🤝
انا عطاردي منتحس والحمدلله سويت حساب ونشرت فيه معلومات وهذا خفف من انتحاس عطاردي ولذلك لو انت مثلي دايمًا تعلم وعلم الآخرين معلومات جديدة وخليك شديد الإطلاع وحاول انك تتواصل مع عدد كبير عشان عطاردك يبرز ويخف انتحاسه✨
لاحظوا #الجدي دايمًا يركض لمصالحه الشخصية ويحاول يتقرب من المشاهير والأثرياء ويحب يحيط نفسه بأشخاص مبدعة وموهوبة واصلًا الجدي يحكم بيت الرفعة والعلو والملوك وهذا اللي يخلي الجدي في الاخير ينجح ويوصل لأنه انتقائي ويختار الأفضل و يترفع عن الإختيارات السيئة..
جاري تحميل الاقتراحات...