أول ما فتحت جمعية رسالة كنت لسه
متخرجه قريب وحبيت أجرب العمل الأجتماعي في كفالة يتيم ،كان الزوار
٨٠ %منهم من ابناءقيادات اخوانيه
كانوا شباب عمرو خالد ومن كلية هندسة جامعة القاهرة وكان في اطباء
كانوا منغلقيين جدا وهدفهم الاساسي
ان الاطفال الايتام تطلع نسخ مكررة منهم بافكار اباهتهم

كانوا على درجة عالية من الثقافة
الاخوانية إللى هي لا يجوز لك المناقشة
أو التعقيب ، المهم كنت ضمن ٥ افراد
مسئولين عن كفالة طفل واحد كل واحد
فينا اختاره لوحده بس كنت انا اخر واحده تنضم ، كان من ضمنهم واحد
اخواني وهو الاخ الاكبر للطفل ، اتفقوا
قبل ما انضم مافيش اغاني ولا افلام

مافيش اي شئ يغضب الله ويلهي عن
ذكره ، قلت لهم يا جماعة ده طفل من
حقه يشوف الحياة زي ما شوفناها
ويختار وإلا مش هيكون سوي
ويعرف الغلط والصح ، بالنسبة لهم
كنت عنصر غير مرغوب في وجوده
بس إللى مصبرني الطفل كنت بحبه
وبيحبني جدا وكان بيحبهم برضو
بس معرفتش أكمل في المعاناة دي

يعملوا الشئ واعمل عكسه ، الطفل
صعب على جدا حسيته مشوش وممزق
بين فكرين متعارضين ، واكتشفت بعد
كده أن دي سياسة مع كل الاطفال مش
معاه هو بس الاغاني حرام كان شعار
حسيت الاستمرار في المهزلة جريمة
وانسحبت بعد اكتر من ٣ سنين محاولات ، الأطفال إللى في دور الرعاية
غلابة جدا فوق ما تتصورو