وبصوا ياجماعة .. موقفي كمواطن مصري واضح من موضوع السد الأثيوبي وهلخصه في نقاط :
1) عارف إن إثيوبيا من زمان وهي عايزة تخلي مصر في موقف ضعيف لما تمنع عنها حصتها مياه النيل + يبقى عندها وسيلة ضغط بإغراق مصر إذا تم فتح السد بعد الملئ بكميات مهولة + إستغلال فكرة بيع المياه كذل إضافي

2) عارف إن السد إتبنى في 2011م بطريقة الحرامي اللي بنى مخالف على أرض مش بتاعته وإستغل لما صاحب الأرض إنشغل إنه مايتابعش أرضه .. وقت لما الفوضى ضربت والدولة مكانتش مستقرة علشان تواجه .. وناس كده طلعت وعملت نفسها وفد شعبي ممثل عن الهوجة اللي حصلت وشجعت إثيوبيا على الجريمة دي

3) مرسي العياط وجماعته بوظوا الموضوع زيادة ، كان موجود في إثيوبيا وبعد مامشي ورجع .. أثيوبيا بدأت تحول مجرى النيل وتكمل بناء السد + الإجتماع المعلن اللي بين لنا قد إيه هما ضعاف فكريًا وسياسيًا واللي إدى لأثيوبيا الحجة إن عندها تهديدات خارجية علشان تجمع التمويلات وتكمل جريمتها

4) حاليًا الموضوع بقى في يد إدارة دولة لأول مرة من ساعة ماالسد ده إتبنى .. ومفيش حاجة مستخبية تحت الترابيزة .. كل المواقف معلنة ، والموقف الصح الطبيعي إن الواحد يكون مع بلده وقياداته (وهو مفتح عينيه) طالما القيادات بتتكلم في الأمور بشكل صحيح ومعاها الملفات اللي بتدعم موقفنا .