ثريد مهم
في حالة تزايد الفوضى و النهب الحاصل ده عندي بعض النقاط و النصائح:
اولا القصة دي مسئولية الحكومة الانتقالية مافي كلام...
ثانيا دي بعض نصائح من خبرتي في الحوامة في دول ما آمنه و فيها نهب:

١- ما تشيل اللابتوب و الباك أب بتاعك مع بعض... خلي الباك أب في البيت
٢- حاولو دائما يكون عندكم باك أب في الكلاود ذي قوقل درايف مثلا اذا عندك طريقه
٣- حاولو قدر الامكان ما تمشو براكم خاصة البنات
٤- ما تخت قروشك و بطاقاتك في نفس المكان عشان الحرامي ما بهمو بطاقاتك في شي

٥- ما تخت قروشك في حته واحده و دائمًا خت قروش في جيب صغير عشان ما تنقطع
٦- لو جا زول ينهبك ما تقاوم اصلك عشان حياتك اهم من ممتلكاتك
٧- ما تمرق تلفونك في مكان عام وحاول يكون عندك سماعه سلك ترد بيها لو اضطريت

٨- لو تلفونك اتسرق سواء ابل او اندرويد خش اونلاين و اقفلو و امسح الداتا
٩- ما تتابع تلفونك الاتسرق اونلاين براك لو ما معاك بوليس عشان ده شي خطير و ممكن يعرضك للأذى
نسأل الله السلامه و الامان لكم جميعا ربنا يزيل الهم و الغم و البلاء