فينالدوم لاعب متوسط، جي برشلونة متوسط، مجاش متوسط. الشيء الوحيد الجيد في الصفقة أنها كانت ببلاش ومع راتب عادي، لكن أي راتب كبير حتى لو فري ترانفسير فهي صفقة تعبانة، لذلك عشرة على عشرة من إدارة البارسا في عدم الدخول بمزاد ورفع الراتب المقدم للهولندي المتوسط.

متفهم جدا رغبة كومان في ضم لاعب وسط إضافي، القصة مش فقط بدنيات أو ضغط، ولكن أيضا تسجيل أهداف، لأن ثلاثي وسط برشلونة لا يسجل كثيرا، حتى دي يونج نفسه مسجل 3 أهداف في الليجا، وده رقم قليل.
معظم الفرق المميزة حاليا لاعبي الوسط فيها هدافين، ولنا مثال بالسيتي وجوندوجان

لذلك مكنتش أبدا ضد فكرة فينالدوم، رغم أنه أقل كثيرا من خيارات أخرى، لكن عالأقل مجانا مع راتب قليل، ووقت طلبه زيادة الراتب، أمر بديهي عدم إتمام الصفقة.
رودريجو دي باول على سبيل المثال يعمل منه عشرة، لكن المشكلة في سعره وأنه مش هيجي ببلاش، والأمثلة كتيرة

في حال عدم وجود مقدرة لضم لاعب وسط بنفس المواصفات التي يريدها كومان، أتمنى تجربة جريزمان في المركز 8 ولو مرة، يعني في رسم 3-4-2-1 وقت ما كان بيلعب بميسي وديمبلي وجريزمان أيام إصابة بيكيه، ودي يونج ليبرو،
أنطوان كان مميز في الوسط الهجومي، سواء في الضغط أو التسجيل أو الكرة التانية

بعيدا عن الفنيات بقى، لعيب مش نجم ولا سوبر ستار، نادي بيعرض ضعف الراتب اللي عارضه نادي تاني، والاسم أن كده في قواعد لعب مالي نظيف
هيا دي المنافسة اللي عايزها "اليويفا" ورئيسه، وهاجم بيها بيريز لما نادي بالدوري السوبر، وقالك الكرة للفقراء
الأيام أهي بتثبت أن بيريز كان معاه حق.