طالب بكلية الحاسب و متأخر بخطتك و منقطعة عنك المكافأة ؟ 🧐
تعال اتكلم لك عن تجربتي
السنة الماضية انقطعت عني المكافأة بداية الترم و اضطريت اوفر لنفسي عمل مستقل في وقت فراغي بحيث ما يلهيني عن دراستي، استغليت بعض المهارات كخدمات اقدمها عن بعد

- في البداية واجهتني بعض الصعوبات في اختيار الشي اللي ابي اوفره كخدمة بمقابل و كذلك الوصول للأشخاص المستهدفين حددت البرمجة و تدريسها هدفي تحديداً لغة بايثون، عانيت حتى اوصل لأشخاص و بديت اسوق لنفسي و ركزت على قروبات الجامعات بشكل اكبر

- اول شهر كان فيه لخبطة بديت في خدمة التدريس عن بعد لمجموعات بمقابل مادي كان الإقبال جداً ضعيف لحتى وصلت فترة الميدات و هنا بديت فعلياً مجموعة ورا مجموعة بمقابل كان يمشيني شهر كامل، خصصت الخميس و السبت للمجموعات بتوفير دروس لساعتين كحد اقصى منها ألخص و اراجع معاهم منهجهم

- و كان لحد نهاية الترم بشكل اسبوعي اشتغل، بالترم الأول ما كان فيه ضغط كبير فكنت اقدر انظم وقتي عكس الترم الثاني اللي ما قدرت نظراً لأني منزل مواد ثقيلة بالإضافة لمشروع التخرج، التجربة كانت قصيرة لكن استفدت منها ليس فقط بالجانب المادي كذلك على الجانب الشخصي في اني قدرت ألقى بدائل

- الهدف اللي ابي اوصله انه اذا عندك مهارة استثمرها و اشتغل كفري لانسر بوقت فراغك سواء برمجة، جرافيك ديزاين، ادخال بيانات، كتابة تقارير... الخ، و تذكر انه هذي التجربة لها فوائد كثيرة 👍🏼
انتهى 🌹