يلا تعالوا اديكم معلومات عن زراعة ( ابو سبعين) من تجربة شخصية والتكاليف المالية وبعض النصائح وهل هي مجدية أو لا
والمعلومات دي ما أي زول بيقولا ليكم😉
جيبوا قهوتكم و #يلا_ثريد
والمعلومات دي ما أي زول بيقولا ليكم😉
جيبوا قهوتكم و #يلا_ثريد
بداية راعوا لتاريخ اليوم لأن التكاليف والأسعار بتتغير كل يوم وندخل في الموضوع طوالي
ابو سبعين هو من انواع العلف المعروفة في السودان وما بيحتاج إدارة كتيرة وبيتم حصاده خلال ٧٠ يوم عشان كدة اسمه ابو سبعين ويتم زراعته مرة واحدة يعني زرعت حصدت حتحرت الواطة البعده طوالي
ابو سبعين هو من انواع العلف المعروفة في السودان وما بيحتاج إدارة كتيرة وبيتم حصاده خلال ٧٠ يوم عشان كدة اسمه ابو سبعين ويتم زراعته مرة واحدة يعني زرعت حصدت حتحرت الواطة البعده طوالي
هنا حأذكر تكاليف زراعة فدان واحد :
اولا البذور.. الفدان الواحد بيحتاج شوال الا ربع لشوال و تشتروا من مكان مضمون زي محلات الهندي في بحري والسوق المركزي في كتار بس ديل اكتر ناس معروفين.
الشوال ب ١٥ ألف جنيه..
تاني نجي للسماد بيحتاج الفدان لشوال يوريا أو ماروق حسب الأرض نفسها
اولا البذور.. الفدان الواحد بيحتاج شوال الا ربع لشوال و تشتروا من مكان مضمون زي محلات الهندي في بحري والسوق المركزي في كتار بس ديل اكتر ناس معروفين.
الشوال ب ١٥ ألف جنيه..
تاني نجي للسماد بيحتاج الفدان لشوال يوريا أو ماروق حسب الأرض نفسها
أرضك بتختلف إذا خصبة أو ناقصة عناصر معينة ومتين نخت الماروق في الأول مع البذور ومتين نضيف اليوريا بعد الأنبات دي بتحددها نوعية الأرض بس عموما
الفدان بيحتاج شوال الا ربع لشوال يوريا سعر الشوال ب ٧ونص ألف جنيه
الحاجة التالتة هي تجهيز الأرض في حالة ابو سبعين بنحرث الأرض
الفدان بيحتاج شوال الا ربع لشوال يوريا سعر الشوال ب ٧ونص ألف جنيه
الحاجة التالتة هي تجهيز الأرض في حالة ابو سبعين بنحرث الأرض
( حراتة) بالتاء عشان 😊زي لهجتنا كمزارعين.. المهم انو بيتم حراتة الارض اول وبعدين التقصيب وهي انو التربة تبقى ناعمة وبعدها بيتم تشتيت البذور ومن بعدها تاني يتم عمل السرابات وتقطيع الجداول وخلالها يتم دفن التيراب.
عملية تجهيز الارض دي كدة كاملة ب ١٥ ألف ج للفدان
عملية تجهيز الارض دي كدة كاملة ب ١٥ ألف ج للفدان
البيشتت التيراب يكون خبير عشان ما يشتت ليك مفرق او يكون النباتات قريبة من بعض شديد ودا ما تقلقوا اغلب المزارعين عارفينو كويس وتكلفة تشتيت الشوال قبل سنتين كانت ١٥٠ ج لكن الان بتكون زادت حيكون بين ١٠٠٠ ج ل ١٥٠٠ ج ما عندي فكرة لأن الشتت لينا المزارع شغال بالراتب
كدة تكون خلاص الارض جاهزة وطوالي نبدأ السقية الاولى ( البوغة)
التكاليف الفوق = 39 ألف وقولوا 40 ألف
نجي لتكاليف التشغيل :
السقي : السقي بيختلف حسب مصدر السقي يعني ممكن تسقي بكهرباء او بجاز يعني مولد او ممكن كمان من الترعة في المشاريع وكل واحد له تكلفة براها بس اغلى شي حاليا
التكاليف الفوق = 39 ألف وقولوا 40 ألف
نجي لتكاليف التشغيل :
السقي : السقي بيختلف حسب مصدر السقي يعني ممكن تسقي بكهرباء او بجاز يعني مولد او ممكن كمان من الترعة في المشاريع وكل واحد له تكلفة براها بس اغلى شي حاليا
الجاز 😔 وممكن ما يكون متوفر وتكون اتدبست في الزراعة فاعملوا حسابكم كويس لما تقرروا تزرعوا بالمولد واعرفوا انو التكاليف حتزيد.. ناس الترعة عندهم اتفاق و الكهرباء ما بتفوت ٣ أو ٤ ألف في كل الاحوال.
علما انو ابو سبعين بياخدمن ٥ ل ٧ سقيات
علما انو ابو سبعين بياخدمن ٥ ل ٧ سقيات
٢.العامل : العامل عادة بيكون هو نفسه الحارس والمزارع ودي بتكون اتفاق بينكم اما بالراتب او بالنسبة حسب اتفاقكم والبتناسب معاكم شنو ودي تضاف للتكاليف برضو
خلونا نضع حسابات الكهرباء 2000 ج لأنها هي الشي الثابت حاليا ومتوسط راتب العامل ٣٠ ألف في الشهر
خلونا نضع حسابات الكهرباء 2000 ج لأنها هي الشي الثابت حاليا ومتوسط راتب العامل ٣٠ ألف في الشهر
فالتكلفة التشغيلية بتكون 7000 ج
اذا ً 47 الف جنيه تكلفة الفدان الواحد
ونقول 50 الف
نجي للعائد:
حاليا فدان ابو سبعين بيشتروه التجار منك ب 150 _ 170 الف جنيه
وديل تجار الجملة لانهم ببيعوا قطاعي بأكتر من كدة وبيشتروه منك وهو في المزرعة
اذا ً 47 الف جنيه تكلفة الفدان الواحد
ونقول 50 الف
نجي للعائد:
حاليا فدان ابو سبعين بيشتروه التجار منك ب 150 _ 170 الف جنيه
وديل تجار الجملة لانهم ببيعوا قطاعي بأكتر من كدة وبيشتروه منك وهو في المزرعة
طيب القى التجار وين؟
المتعارف عليه انو اي منطقة عندها تجار معروفين بيشتروا منك تسأل في منطقة المزرعة وبيوروك او ممكن تسأل عنهم عند الناس الببيعو بالقطاعي في الشوارع البيكونوا فارشين القصب والبرسيم يرشدوك للتاجر بتاع الجملة
وفي سوق تاني اللي هم مربين الماشية البيربوا الابقار
المتعارف عليه انو اي منطقة عندها تجار معروفين بيشتروا منك تسأل في منطقة المزرعة وبيوروك او ممكن تسأل عنهم عند الناس الببيعو بالقطاعي في الشوارع البيكونوا فارشين القصب والبرسيم يرشدوك للتاجر بتاع الجملة
وفي سوق تاني اللي هم مربين الماشية البيربوا الابقار
في الحظائر بيحتاجوه كعليقك مالئة وديل بيشتروا كميات من التجار فانت ممكن تبيع ليهم بسعر اقل من تاجر الجملة واعلي من السعر الانت حتبيع بيهو للتاجر و المربين تلقاهم في حلة كوكو والمناطق المعروفة بتربية الابقار وحتى بقية المواشي
في حاجات لازم تنتبهو ليها....
الموسم / يعني تكونوا عارفين انو لما تزرعوا في الخريف الاسعار حتقل لما يطلع القصب كيييف؟
الخريف بيخلي المراعي الطبيعية مليااانة قش ودا بيؤثر طوالي علي الطلب والناس بترعى اغنامها ومواشيها مجانا في المراعي دي بالتالي السعر حيقل.. وفي عرض جديد
الموسم / يعني تكونوا عارفين انو لما تزرعوا في الخريف الاسعار حتقل لما يطلع القصب كيييف؟
الخريف بيخلي المراعي الطبيعية مليااانة قش ودا بيؤثر طوالي علي الطلب والناس بترعى اغنامها ومواشيها مجانا في المراعي دي بالتالي السعر حيقل.. وفي عرض جديد
اللي هو عرض القصب للناس البيزرعوا ابو سبعين مطري ومساحات كبيرة ما بيكون مكلفه غير الحراتة والتيراب فاكيد تكلفته ما حتكون زي الزول الزارع في مزرعة مؤجرة وعنده عمال.... الخ فلازم تنتبهوا كويس للموسم
وكمان تعرفوا انو ابو سبعين بيحب الجو الحار وبينمو كويس لكن في الشتاء بيتم زراعة قصب اسمه المُقد بيشبه شديد بس بينمو كويس في البرد ونفس التكاليف
في نقطة للناس البتأجر مزرعة تكونوا عارفين انو المزرعة لو ما فيها كهرباء حتزرعوا بالجاز وكدة تكلفتكم حتزيد ومافي زول حيشتري منكم بسعر عالي يغطي تكلفتك لان البيحكم السوق والعرض والطلب
حتشوفوا الكلام كتير بس باختصار انت مبتدئ اجر مزرعة فيها سور وبئر وكهرباء وتكون قريبة منك للاشراف وتكلفة فدانك ب ٤٠ ألف
وحتفرحوا بعد الحصاد 🌿
وانتهى الثريد 😊
وحتفرحوا بعد الحصاد 🌿
وانتهى الثريد 😊
يلا بعد عرفتوا المعلومات دي واضربوا العائد في عدد الافدنة الحابين تزرعوها
واكتبوا هل شايفين انها مجدية والا لا
🌱
واكتبوا هل شايفين انها مجدية والا لا
🌱
ملحوظة / ابو سبعين الفي الصور بداية الثريد عمره ٢٥ يوم ودي التكاليف قبل شهر...
جاري تحميل الاقتراحات...