كلمة لفلسطين والفلسطينيين ، دي فرصة تكملوا بناء قضيتكم بجد ، إستفيدوا من المكاسب الداخلية اللي حققتوها وجمعوا نفسكم يد واحدة تحت قيادة واحدة وقوة عسكرية واحدة بإسم (الجيش الفلسطيني).
إحتفالاتكم دي فكرتني بإحتفالاتنا بعد بيان 3 يوليو . تحديات مختلفة هتواجهكم ، مفتاح الحل (الإتحاد)

فرصتكم تثبتوا للعالم سياسيًا أكتر إن الإحتلال قضيته ضعيفة ، فرصتكم تثبتوا إن فلسطين كلها عايزة حقها .. مش عايز أسمع مدن بعينها .. مش عايز أسمع فصائل .. عايز أشوف علم واحد ، فلسطين ، علم فلسطين ، مدن فلسطين ، شعب فلسطين ، جيش فلسطين .. عرب الداخل أفضل نجاح .. إستغلوه وكملوا عليه

إذا جمعتم نفسكم يد واحدة ، العرب كلهم هيقفوا معاكم بجد وبقلب جامد .. خدونا مثال ..
كنا محتلين عقود طويلة ، بفضل ربنا ساندنا اللي حوالينا يتحرر
الإرهاب كان بيضربنا يوميًا ، بفضل ربنا بقينا بنحمي كل اللي حوالينا منه
كنا إقتصاديًا في أصعب ظروف ، بفضل ربنا بقينا نساعد باللي نقدر عليه

السر بعد توفيق ربنا سبحانه وتعالى . إننا مع بعض على الحلوة والمرة ، ساندنا قياداتنا - ساندنا جيشنا - ساندنا أي حاجة تخصنا . عبد الناصر إستلم بلد شعبيًا كان منهك من توترات داخلية وخارجية ، السادات إستلم بلد كانت محتاجة رد إعتبار ، السيسي قال إنه معندوش عصاية سحرية والثلاثة أنجزوا

يلا .. بالتوفيق ياشباب .. تصبحي على خير يافلسطين ..
-
@AlsisiOfficial
بقول لك إيه .. شفت مواقع الأخبار لما إقتطعت جزء تصريح وزير الخارجية في سياق مختلف؟ .. كل ده والقنوات إياها كانت مشغولة بفلسطين .. هيرجعوا تاني يفضوا لنا .. أنا عايز بس أقول لك ربنا يوفقك ، ويصبرنا 😊