من فدائح الـ so called دعاة الدين بتوع "ربنا بيطبطب علينا" إللي إهتمامهم بالإستوديو و أغنية التتر فاق المحتوي (إن وجد)، تصدير نموذج سيكي ميكي للمسلم بإن الدنيا حلوة و ياللا نروح الجنينة و نشبّك إيدينا، و طول ما انت كيوتي توتي فالدنيا بمبي و أوديكي فين يا سعادة+
فالمنتَج للأسف عند أي ابتلاء دنيوي و تمحيص إلهي لعباده هو مسلم جاهل، يا بيسلّم نمر و يلحد، يا بيجادل من غير خِشا. يرفض باستنطاع مقاطعة منتجات فرنسا علشان أكل العيش بدل ما يدوّر هوة علي رزق من مصدر (علي الأقل مش مباشر) لا يسب نبيّه+
فلا عجب إنه يستنكر دفاع الناس عن بيوتها/أراضيها/معتقاداتها لأن دا ضد نموذج المسلم أبو مايّوه إللي خُلق للمتعة و دق الشماسي بعيدا عن الجهاد أبو دم و واوا+
و بالتالي تقييمه للأمور مادي بحت (إن وجد عنده الحد الأدني من النخوة أصلا): أضرب ليه صواريخ خسائرها في الأرواح و الفلوس عندي أكبر بكتير من ما هي عند العدو لما ممكن أعيش كأي "حسين فهمي" هانئ البال+
غايب عن ذهنه تماما جزاء الآخرة، و إن البلاء ممكن يطوّل و مايترفعش في الدنيا و أصحاب الحق ممكن يموتوا من غير مايشوفوا ثمرة عملهم و من غير ما الظالم يتجازي، عادي، لأننا مجموعون ليوم لا ريب فيه، فالمهم السعي مش النتيجة و الحساب يوم الحساب+
الميوعة دي خليتنا نشوف صيغ للدعاء لا تناسب نهائي رجاء عبد لمولاه بحجة طيبة القلب و العفوية، و خليتنا نشوف استسهال في شرح آيات الله، آخرها وصف لجدل فرعون مع سيدنا موسي بالـ "شرشحة"، و هو ما أحسبه لا يليق بنص قرآني منزّه حتي و لو المقصود بيه فرعون الكافر.
و لسة يا ما هانجني...
و لسة يا ما هانجني...
جاري تحميل الاقتراحات...