"لا اوعك تجيب بسة، عندك بنات بالبيت"
"البسس خطر كتير عليكي، بعملوا عقم"
"دكتور بدي اسألك سؤال محرج عشان بنتي *همس*"
ما في حدا منا ما سمع وحدة من العبارات الي فوق وكلنا كبرنا على هاي الجُمل.
ثريد اليوم بخصوص اشي غني عن التعريف، الي هو جرثومة القطط او Toxoplasmosis
"البسس خطر كتير عليكي، بعملوا عقم"
"دكتور بدي اسألك سؤال محرج عشان بنتي *همس*"
ما في حدا منا ما سمع وحدة من العبارات الي فوق وكلنا كبرنا على هاي الجُمل.
ثريد اليوم بخصوص اشي غني عن التعريف، الي هو جرثومة القطط او Toxoplasmosis
اول اشي خلينا نحكي عن هاي الجرثومة.
هالجرثومة عبارة عن كائن احادي الخلية اسمها Toxoplasma gondii او داء المقوسات. وهالجرثومة بتنتقل بين كل ذوات الدم الحار ومن ضمنهم الانسان اكيد.
-شكلهم حلو كتير تحت المجهر 🙃-
هالجرثومة عبارة عن كائن احادي الخلية اسمها Toxoplasma gondii او داء المقوسات. وهالجرثومة بتنتقل بين كل ذوات الدم الحار ومن ضمنهم الانسان اكيد.
-شكلهم حلو كتير تحت المجهر 🙃-
الخبر الجيد بالعادة الناس الي ما عندهم مشاكل بجهازهم المناعي عنده المرض بكون بدون اي اعراض،و جسمهم بقدر يتخلص من المرض وحياتهم بتكمل طبيعي. بس بعض الفئات من الناس بتكون مناعتهم اقل زي مرضى الايدز، كبار السن، الاطفال والحوامل.
هسا الانسان لما ينعدي بكون اخد الجرثومة من مصادر مختلفة ومتعددة ومش شرط يكون عندك بسة بالبيت. لانو ممكن يجي من الخضار والفواكه الي مش مغسولة، من لحمة مش مطبوخة منيح من حيوان مصاب زي الخراف والابقار او من التراب اذا كان ملوث بهالجرثومة.
والناس الي انصابت زي ما حكينا قبل انو ممكن يكون المرض بدون اعراض او اعراض خفيفة زي حرارة وارهاق لكم يوم، وبعدين الشخص بصير عندو مناعة للابد، لكن اذا احد الفئات الي حكينا عنهم فوق انصابوا ممكن تكون الاعراض اشد.
والاشي المهم جدا بهالمرض، انو لو سيدة حملت وهي انصابت زمان بالمرض، ما راح تعمل عقم او يكون في خطر عالجنين. الخطر بكون بس بحالة لما السيدة تمرض لاول مرة وتتعرض للجرثومة وهي حامل. وقتها بكون في خطر على صحة الجنين.
وكمان عفرض لو كان في قطة مصابة بالبيت وممكن تنقل المرض، البسة بس راح تطرح هالجرثومة باخراجها لمدة اسبوعين فقط ضمن كل سنين حياة البسة. لانو حتى القطط بصير عندهم مناعة منه. والاهم انو الجرثومة ما بتنتقل مع شعر البسس يعني اذا لعبت مع بسة وحسست عليها عادي ما راح يصير اشي.
النساء الحوامل عندهم فرص اكتر بانهم ينصابوا بالتوكسوبلازما من الخضار والفواكه، اللحوم النية، والتراب اكثر بكثير من انو تنصاب من قطة. وغير هيك الجرثومة الي بتنزل مع براز القطط بدها تقريبا ٤ ايام خارج الجسم حتى تصير معدية. وما اتوقع حدا ممكن يترك الليتربوكس وسخ لمدة ٤ ايام !
بالنسبة لتشخيص المرض في فحوصات مخبرية سريعة للانسان و للحيوانات بتكشفلنا عن اذا كان هالانسان/ حيوان مصاب حاليا او زمان و صار عندو مناعة او حتى اذا مش مصاب اصلا. والعلاج متوفر فقط بمرحلة لما يكون المرض حاليا قاعد بعمل مشاكل لانو بعد هيك الجسم بعمل مناعة ضده وما في داعي للعلاج.
عشان نحمي حالنا من هالجرثومة، الحل بسيط كتير وهو النظافة بشكل عام. لازم تغسيل اليدين منيح بعد تنظيف اليتربوكس او لمس اي تراب بالحديقة، شارع ، مزرعة .. الخ
مع غسل الفواكه والخضار لانو ممكن يكونو ملوثين ببراز قطة مصابة وكمان تجنب اكل اللحوم النية.
مع غسل الفواكه والخضار لانو ممكن يكونو ملوثين ببراز قطة مصابة وكمان تجنب اكل اللحوم النية.
وشغلة مهمة، بتمنى من الاطباء البشريين قبل ما يحكو معلومة مش متاكدين منها بخصوص هالمرض تراعوا انو في حيوان الي هو روح بالاخر ممكن ينرمي بالشارع بدون ذنب، وانا بحكي هيك لانو انا كثير بشوف ناس حاكيين مع دكتورهم وحكولهم البسس بتعمل عقم !! بس المفروض انت كطبيب تكون عارف انو غلط!
الخلاصة من كل الثريد ما حد يلمس فضلات بسة وبعدها يوكل بدون ما يغسل، وما حد يوكل اشي مش مطبوخ، وغسلوا الخضار والفواكه منيح و راح يصير عندكم عشر ولاد 😂❤️
وخلصنا من هالسيرة.🙃
وخلصنا من هالسيرة.🙃
جاري تحميل الاقتراحات...