اشكالية الطلاق الشفوي
---
شوف الـ Thread
---
شوف الـ Thread
- الانسان منذ بداية الخلق اناني بيحركه مصلحته ، ممكن يعمل اي حاجة في الدنيا في سبيل مصلحته سواء بطريقه اخلاقيه او غير اخلاقيه ، سواء بطريقه قانونيه او غير قانونية
- عايز ابدأ بالاجابة على سؤال مهم
---
الست هتكون لعبه في ايد الراجل عشان كلمه الطلاق ؟
---
مبدأيا كشخص مسلم لازم تفهم ان الاسلام بالكامل دين اساسه الكلام ، بكلمه واحده ممكن تدخل الاسلام بقولك اشهد ان لا اله الا الله و ان محمد رسول الله ، مبروك انت كدا مسلم
---
الست هتكون لعبه في ايد الراجل عشان كلمه الطلاق ؟
---
مبدأيا كشخص مسلم لازم تفهم ان الاسلام بالكامل دين اساسه الكلام ، بكلمه واحده ممكن تدخل الاسلام بقولك اشهد ان لا اله الا الله و ان محمد رسول الله ، مبروك انت كدا مسلم
- داعش اللي بتقتل في ناس ابرياء و كم الارهاب و الافساد في الارض اللي بيعملوه ، لكن مفيش اي مسلم له حق انه يكفرهم برغم كل اللي بيعملوه طالما بيقولوا اشهد ان لا اله الا الله و ان محد رسول الله
- الجواز نفسه في الاسلام بيتم بالكلام ، لان الكلمة عقد ، بمجرد تحقيق شروط الزواج هتقولي لزوجك زوجتك نفسي و هو هيقولك قبلت الزواج مبروك عليكم ، موضوع تسجيل الزواج ده بدأ من ١٠٠ سنه ، جد ابوك و امك مكنش عندهم قسيمه زواج
- ده ياخدنا لاشكاليه تانيه
---
مثال : هنفترض انك كتبت الكتاب و المأذون لسبب ما تأخر في تسجيل عقد الزواج في المحكمة ، هل لو دخلت على مراتك انت كدا زنيت بيها ؟ شرعاً لا هي مراتك لان الزواج صحيح و موضوع التسجيل مش من اساس صحة الزواج اصلا ده مجرد اجراء قانوني لحفظ الحقوق
---
مثال : هنفترض انك كتبت الكتاب و المأذون لسبب ما تأخر في تسجيل عقد الزواج في المحكمة ، هل لو دخلت على مراتك انت كدا زنيت بيها ؟ شرعاً لا هي مراتك لان الزواج صحيح و موضوع التسجيل مش من اساس صحة الزواج اصلا ده مجرد اجراء قانوني لحفظ الحقوق
مثال ٢ : هنفترض ان كتبت كتابك ، و المأذون مات قبل توثيق العقد ، و الزوج توفى في حادثه ، هل يجوز للزوجة الميراث ؟ ، شرعاً يجوز لها لانها زوجته ، قانونا هي مش زوجته و لو حد مين عيلة زوجها معندوش ضمير سهل يمنعها من الميراث لانها قدام القانون مش مراته مقيش ورقه تثبت
- ده ياخدنا لنقطه مهمة و هو الفرق بين الاحكام شرعا و قانونا
---
١- ممكن قانونا تزور اوراق و شهود و تكسب القضية لان القانون بيحكم بالاوراق ، لكن شرعاً و قدام الله انت عملت جريمه
٢- ممكن شرعاً تتجوز صحيح و لها حق الميراث و قانونا مفيش اثبات و ايقي اثبتي حقك في الميراث لو عرفتي
---
١- ممكن قانونا تزور اوراق و شهود و تكسب القضية لان القانون بيحكم بالاوراق ، لكن شرعاً و قدام الله انت عملت جريمه
٢- ممكن شرعاً تتجوز صحيح و لها حق الميراث و قانونا مفيش اثبات و ايقي اثبتي حقك في الميراث لو عرفتي
- الطلاق الشفوي من زمن النبي ﷺ لحد دلوقتي عليه اجماع الامه كلها ماعدا خالد الجندي ، طالما استوفى شروط الطلاق و هي القصد و الاختيار و الصيغة ، بل المصيبة انك لو مينفعش تطلق الا بالطلاق الشفوي ، يعني لو المحكمة طلقت مراتك غصب عنك فهي شرعا مراتك طالما مقولتش انتي طالق
- و هنا ياخدنا لنقطة تانيه ان المشكلة مش الغاء الطلاق الشفوي لان ده حكم الهي مينفعش يتغير مينفعش اغير عدد ركعات الضهر ل ٢ ، فالمشكلة انك لو طلقت مراتك شفوي حتى لو لغيته رسمياً فهي محرمة عليك و اي علاقه هتكون زنا
- ماده ٢ من الدستور المصري ، بتقول ان الشريعه الاسلاميه المصدر الاساسي للتشريع ، يعني المُشرع لازم قوانيه تخدم الشريعه ، ميحطش قوانين تلغي حاجات في الشرع لان ده مش شرع ابوه ، هو ممكن يحط قوانين يضيق و يحجم المشكلة فيها
- المشكلة مش في الطلاق المشكلة في القانون و الاجراءات العقيمة و البيروقراطية بتاعت الدولة ، مثال لحالة خلع الست خلعته في المحكمة و معهاش ورق لسه ، قدام القانون مينفعش تتجوز لكن شرعاً حقها تتجوز
اجتماعياً
----
١- الغاء الطلاق الشفوي مش هيقلل من ان كلمة الطلاق تكون زي اللبانه عند بعض المتشبهين بالرجال ، بالعكس انت لما تلغي الطلاق الشفوي هتكون الكلمة ملهاش لازمة فهتتقال اكتر ما بتتقال ، يعني لو في ذرة خوف ان الكلمة دي لها عواقب ، انت بكل بساطه شيلت الخوف بالغاءك له
----
١- الغاء الطلاق الشفوي مش هيقلل من ان كلمة الطلاق تكون زي اللبانه عند بعض المتشبهين بالرجال ، بالعكس انت لما تلغي الطلاق الشفوي هتكون الكلمة ملهاش لازمة فهتتقال اكتر ما بتتقال ، يعني لو في ذرة خوف ان الكلمة دي لها عواقب ، انت بكل بساطه شيلت الخوف بالغاءك له
- المشكلة في اخواتنا بتوع حقوق الانسان ان نسبه الفقر ٣٢٪ يعني تلت الشعب المصري فقير ، يعني حقوق الانسان بالنسباله رفاهيه ، كل اللي هو عايزه انه ياكل و يشرب و اظن ده بان للاعمى في ازمة كورونا و ان الناس متقدرش تقعد في بيتها و مش فارقه يموتوا من الفيروس المهم انهم يأكلوا ولادهم
- الفقر اشد من الجهل ، فمتجيش تكلمني عن حقوق الانسان بتاعت دول العالم الاول و انت مش قادر تكفي حقوق الانسان الاساسيه زي الاكل و الشرب و العيشه الكريمة
- مشكلة اخواتنا بتوع تويتر اللي عايشين في التجمع و مدينتي ، انهم منفصلين تماما عن واقع المجتمع ، تويتر لا يمثل الا ١-٢٪ من المجتمع ، انزل القرى في المحافظات و شوف الحقيقة بعينك لو فاكر ان الناس هتبطل تطلق شفوي بسبب انك لغيته قانونا ده هيكون نتايجه اوسخ
- المشكلة في الجهل ، اغلب الشعب المصري جاهل حتى لو متعلم ، لان التعليم في مصر كله عارف اخره ، المشكلة في الزوج الجاهل اللي بيستخدم الطلاق زي اللبانه لان مفيش على الاقل حملات توعيه ، يلا اهو يعمل التعليم في وطن ضايع
٢- ده ياخدنا لنقطة اهم و هي الزواج في الاساس ، اغلب الزواج في مصر بيتم بالمظاهر ، واحد عنده فلوس او عربيه او بيصلي في الجامع او او ... و بتنسى اهم حاجة و هي اخلاق اللي قدامك و اللي هتأمنه على بنتك و تأمنيه عليكي
- يعني نسبة كبيره من الزواج في مصر بيكون تسليع للبنت للي يدفع اكتر شبكة بمبلغ و قدره شقه فخمه قايمه بمبلغ و قدره عشان تأمن مستقبلها لو طلقتها و بينسوا اهم حاجة و هو الراجل اللي هتعيش معاه ، هل الراجل ده سوي و محترم اصلاً و تأمن بنتك عليه ؟
٣- الضغوط الاجتماعيه و الاقتصاديه : الطلاق بيكون من اسبابه الضغوط الاقتصاديه على الزوج خصوصاً الفترة الاخيرة و الاجراءت اللي فشخت المواطن الغلبان اقتصاديا ، قليل اللي هيطلق عشان مرتاح و عايش في رفاهيه لان مفيش ضغوط تأثر عليه و ده اللي قاله الازهر في بيانه
٤- الطلاق الشفوي اهانه للمرأة ، مفيش واحدة عندها كرامة خصوصاً مع انتشار الفيمنستات هتقبل تقعد يوم مع واحد قالها انتي طالق و تستنى ورقتها او يطلقها رسمي و قانوني ، فهل لما تلغيه و جوزك يطلقك ١٠٠ مرة هتتحمليها و تستني الورقه ؟
٥- عايز اعرفك ان الذكر المصري اللي بيحلف عليا الطلاق على طول مستنيك تلغي الطلاق الشفوي اصلا ده امنية حياته ، ده وقت ما يكون في مشكلة مع مراته مفيش اسهل من انه يقولها انتي طالق ، كلمة ملهاش اي عواقب و ابقي اثبتي بقا اني طلقتك
٦- لو انت كدولة خايف على الاسرة المصرية ، خلي اهتمامك بالانسان مش بالمشاريع ، البلاد المتقدمة هي اللي الكلام فيها عن قيمة المواطن مش الوطن البلاد المتقدمة بتركز على رفع قيمة المواطن لانه اساس بناء الوطن مش العكس
- اهتم بصحة الانسان و طبق اجراءات احترازيه زي دول العالم اللي قفلت و بطل فبركة في الارقام ، اهتم بالمواطن انه لما يتعب هيلاقي سرير في المستشفي ميكونش شايل الهم و عارف انه هيترمي لو ملوش واسطه او معاه فلوس
- اهتم بتعليم الانسان و طوره ، السعودية ما شاء الله مركزة تركيز رهيب في الموضرع ده و عندهم هدف ٢٠٣٠ و الاهتمام عالي بالتعليم و التكنولوجيا لان ده مستقبلهم ، لكن هيعمل ايه التعليم في وطن صايع
- اهتم بحياة الانسان و كرامته ، طبعا سقف الحريات عندنا عالي جدا و المواطن قيمته عاليه جدا و القطارات مفيش احسن منها في العالم ، و دم المواطن مفيش اغلى منه
٧- من التخلف انك تشوف علاج مشكلة الطلاق في الغاء الطلاق الشفوي ، هل المشكلة اللي بتؤدي للطلاق هو انه شفوي و غير موثق ؟ هل عدد المطلقات هيقل لما يكون موثق و تلغي الشفوي ، ده شئ مش عقلاني اصلاً حل سبب المشكلة مش طريقتها
فهمت ان الحل مش في الغاء الطلاق الشفوي
جاري تحميل الاقتراحات...