#ثريد_يزيد
اختيار المنتج هل هو سهل او صعب؟
طيب خلني اقولك شي، تدري اول منتج يوم اخترته اخذ مني شهر بحث ودراسة المنتج
عشان كذا ابدا لاتتحطم او تستهين بموضوع اختيار المنتج
عطه وقته وحقه فالبحث
لان اختيار منتج ناجح = بزنس ناجح
لكن بعطيك هذي النصائح في اختيار المنتج لربما تفيدك

- ابعد عن المنتجات المنافسة العالية اللي صعب تنافس فيها
- ابعد عن بيع المنتجات اللي عليها براند لان احيان بتضرك اكثر من نفعتها خصوصا لو بدون تصريح
- ابعد عن منتجات التريند اللي حقت كم شهر وخلاص
- اذا ميزانيتك ضعيفه ابعد عن المنتج الوزن عالي عشان تكاليف الشحن
يتبع

- اختر منتج يبيعه اكثر من مورد عشان تقدر تتفاوض بالسعر
- تجنب المنتجات اللي تحس لها مرتجعات كثيرة، لانها راح تخسرك اكثر من انها تربحك
- ابعد عن المنتجات اللي تنباع فترة مواسم بس، لان مشروعك راح يزدهر فترة معينه ويوقف
- لا تبيع منتج عشانه عجبك، بع منتج فعلا الناس تحتاجه

فالنهاية النصائح كثيرة جدا لكن هذي ابرزها
والشخص اللي يقول يزيد وش ابيع؟
الجواب جدا صعب لان الموضوع مب بهذي السهولة
الموضوع ياخذ وقت وبحث ودراسة سلوك المستهلك ومعرفة الجمهور المستهدف
وهناك عوامل كثيرة جدا في اختيار المنتج
فالنهاية خذ وقتك ولاتستعجل حتى لو تقعد شهر فالبحث

والاهم من ذلك ونصيحة بعطيها لك من باب تجربة
اذا ميزانيتك ضعيفه او قليلة ابدا لاتفكر تبيع منتج سعر تكلفته عالي
لانك راح تضطر تجيب كميات قليلة، والمخزون اذا خلص يعتبر مشكلة كبيرة لمشروعك
فا كل ماكانت الميزانية قليلة جب منتجات تكلفة اقل وكميات اكبر👌🏼
ولو تشحن كل شوي متعب جدا