ملاحظات من محاولات التبرع للجمعيات الخيرية من خارج مصر ... ثريد سريع

الجمعية الأولي: بيستعملو خدمة 3rd party لجمع التبرعات. لما دورت لقيت الخدمة دي بتاخد حوالي ٨٪ من قيمة التبرع. نسبة عالية جدا مقارنة ب٢-٣٪ لو الجمعية هي اللي عاملة موقع لم التبرعات. طبعا بناء الموقع دة محتاج خبرات معينة وفلوس بس عالمدي الطويل هيوفر ال٨٪ دي خصوصا لو بالعملة الصعبة.

الجمعية التانية: الموضوع مشي سموذ. الحاجة اللي ممكن تتحسن إضافة عملات أخري للتبرع زي اليورو والاسترليني لأن مكنش في غير دولار. طبعا دي مش مشكلة لأن الفيزا بتسحب اي عملة عادي والبنك بيحول بس يعني دي خاصية مش صعبة وممكن تزود قيمة التبرع (١٠٠ يورو اكتر من ١٠٠ دولار).

الجمعية التالتة: عاملين هما موقع جمع التبرعات زي الجميعة التانية بس كنت كل ما اخش صفحة الدفع بيديني ايرور. الخدمة اللي بيستعملوها عالموقع كانت واقعة.

جدير بالذكر ما بين ٣ ، الأولي الوحيدة اللي كان فيها اوبشن إن التبرع يبقي شهري ، ودي من مميزات استخدام 3rd party انك مش هتحتاج تشغل نفسك بالحاجات دي.