رتبها

ثريد عن بداية تعلقي بصلاة الوتر وكيف قلبت حياتي ١٨٠ درجة عن تجربة، ركعة وحدة كفيلة بتحقيق امنياتك المستحيلة، معجزة الله في أرضه فعلاً...

مرحبًا يا أصحاب، حبيت أنوه على شيء قبل أبدأ بالكتابة، يعلم الله الكلام اللي بقوله لا هو رياء ولا نفاق، وإنّما تجربة خضتها وحبيت انقلها وهدفي حث الناس عليها وتوضيح فضائلها الهائلة.. خلاصة القول: الله اعلم بالنيات، وبسم الله نبدأ:

كنت في السابعة عشر من عمري اي الصف الثاني ثانوي، كانت الدنيا من وجهة نظري تحصيل حاصل، وقاعدتي فيها هي: "العب واستانس في سن مراهقتك وتوب آخر عمرك.."، لين مره كنت طالع ورجعت البيت متأخر والاكيد ان الوقت كان بعد منتصف الليل، شفت اخوي الاصغر مني سنًا، رايح يتوضأ..

سألته ليش رايح تتوضأ، لا يكون فاتتك صلاة العشاء؟ ما رد علي وكمل يتوضأ.. ورجع الغرفة وضحكت عليه وقلت انت اللي مزعجنا بالصلاه والصلاه واخرتها ناسي فرضك.. قالي لا الحمدلله مصليها بس هذي يسمونها صلاة الوتر، وأقلها ركعة واحده.. استحيت من نفسي وماعرفت وين اودي وجهي وقلت الله يثبتك

قمنا اليوم الثاني وللحين منحرج منه وماعرف كيف اكلمه، فطرنا مع بعض وجيت اسأله عن الوتر وليش تقوم وتتعنى عليها عشان ركعة وحده بس .. خذاني عند ابوي وشرح لي كل شي بالتفصيل وكيف انها تزرع الطمأنينة بصدرك، وتقلب موازين حياتك، من يومها وانا اصليها وياناس وش اقول وايش اخلي♥️♥️♥️♥️♥️♥️♥️

بعد ماشفت فضلها الرهيب شدتني واستمريت عليها.. وأصبحت ملاذي من بؤس هالعالم، أول ما اشيل هم شيء أو أتضايق من شيء أو أتمنى شيء أقوله بصلاة الوتر، فعلاً أسميها صلاة المستحيلات بفضل الله..

تبي كل شيء يجي بأسرع وقت، وحياتك تتعدل ويتحول حالك إلى أحسن حال مثل ماتخيلت احسن نسخه من نفسك؟
نصيحة محب استمر على الوتر وسورة البقرة يومياً وبشتهد عجب العجائب وعد مني وهذا من تجربتي وتجربة الكثير لدرجة بتقول انا ويني عن هالشيء العظيم من زمان❤️❤️❤️!

وأما عن وقتها فهي من بعد صلاة العشاء لين اذان الفجر، عن نفسي أحب أصليها بالثلث الأخير من الليل لأن الله سبحانه ينزل فيقول هل من داعٍ ف استجيب له؟ اغتنموا هالفرصة وصدقوني همومكم كلها بتروح إذا دعيتوا وأنتم موقنين بالإجابة...

للي مايعرف طريقتها: احفوظها عندكم♥️