#ثريد_يزيد فالتسويق من اهم الاشياء وهو معرفة سلوك المستهلك
لكن تدري انه فيه ٣ عناصر رئيسية في سلوك المستهلك اذا عرفتها خلاص تصير تعرف مين تستهدف
1- ID اد
2- EGO ايقو
3- Supper EGO سوبر ايقو
طبعا كل شخصية لها ميزاتها وسلبياتها
في هذا الثريد راح اشرحلكم كل نوع شخصية

1- اد
هذي الشخصية همها فقط المتعة ومايفكر في اي شي ثاني، يعني يهمه ياكل ويشرب وينام ويعيش حياته نفس ماهي
وهذا النوع من هذي الشخصية هم اسهل ناس تسوقلهم لكن ماعندهم ولاء
يعني عادي كل يوم يجرب شي جديد
اذا هدفك فقط بس بيع هذولي الاشخاص افضل شخصية لك

2- الايقو
هذي الشخصية اللي تكون عقلانية وبالنص بين الاد والسوبر ايقو
تبي تستمتع لكن بنفس الوقت تفكر بالمنطق
مثال شاف منتج عجبه وبيشتريه، لكن يجي تفكير في راسه لو بشتري هذا المنتج بطفر
وهذا النوع سهل تسوقله لكن تحتاج تقنعه زيادة
لكنهم من النوع اللي كل ٦ شهور يجربون شي جديد

3- السوبر ايقو
وهم اصعب ناس وصعب جدا تسوقلهم، لكن لو قدرت تكسبهم راح يصير عندهم ولاء لمشروعك
وهم الناس اللي متمسكه في مبادئهم
مثال زي هذي الشخصية، لو هو جواله ايفون وناقشته عن الجالكسي
يمكن هنا يعصب عليك ويدافع عن الايفون
ودايم نشوف هذي الشخصيات صعب تغير البراند حقها