طيب .. أنا هتكلم تاني عن موضوع سد أثيوبيا .. وأنا بقيت أسميه (سد أبرهة) ، إحنا عمليًا في أصعب فترات ممكن تمر علينا .. أزمة السد ده مش في فكرة حصتنا في المياه بس أو تهديد بإغراقنا .. لأ ، الموضوع أخطر من كده كمان لو ماإتحركناش لمنع الملئ الثاني . ومعلش إستحملوني شوية في الكلام ده
لو ماإتحركناش هيتضغط علينا من دول تانية في مواضيع تانية من تحت لتحت ولو إعترضنا هيقولوا مش كنتم تعترضوا على أثيوبيا الأول؟
لو ماإتحركناش ، أعداء البلد دي الداخليين هيتاجروا بالموضوع وهياخدوها حجة علشان يوقعوا كل حاجة تم إنجازها بفكرة إن كل اللي حصل كان خداع علشان مؤامرة السد تنجح
لو ماإتحركناش ، أعداء البلد دي الداخليين هيتاجروا بالموضوع وهياخدوها حجة علشان يوقعوا كل حاجة تم إنجازها بفكرة إن كل اللي حصل كان خداع علشان مؤامرة السد تنجح
ماينفعش في الموضوع ده حلول وسط أو تأجيلات لأجيال جاية .. طبعًا أنا ملاحظ من ناحية تانية إن البعض بيقول إن كل المطالبات بضرب السد عاملة زي قرارات الستينيات "عصر الزعيم جمال عبد الناصر" .. إحنا حرفيًا في أكبر فتنة .. والموضوع ده من خطورته إن كل الناس بتتكلم فيه
لأ .. إحنا معانا الحق .. ولازم نوصل صوتنا ده للعالم .. ولازم كل واحد فينا بره مصر يتكلم مع اللي حواليه عن خطورة الموضوع ده ... لازم شعبيًاوفي كل دول العالم الناس تعرف الحقيقة إننا كمصر عايزين حقنا وإن أثيوبيا بتكذب وبتماطل علشان تفرض جريمتها كأمر واقع .. وده لايمكن نقبله
لازم الناس كمان تعرف إن إتفاق المبادئ أصلاً في صفنا .. مابيكتفناش ، مفيش مبدأ واحد فيه بيوافق على الجريمة اللي عملتها أثيوبيا .. الإتفاقية دي هدفها كان إثبات حسن النية .. لكن من الأساس أثيوبيا بتبني سد لتخزين المياه . مش لتوليد الكهرباء والسد مخالف للشروط + أثيوبيا رفضت كل الحلول
لازم إحنا كمصريين نتحرك إحنا كمان بشكل مكثف في مواقع التواصل علشان نعرف العالم موضوع السد .. نعرضه على الصفحات العالمية ونأكد إننا بندعم بلدنا بخصوصه .. موضوع السد ده أصلاً الشئ الوحيد اللي فاضل اللي يأكد نجاح ثورة يونيو بنسبة 100٪ .. أيوه ماهي دي ضمن مطالبنا .. وده وقتها خلاص .
ده الموضوع اللي هاممني ومفيش موضوع عام تاني شاغلني غيره .. بتناقش بسببه يوميًا وكأنه بقى مقرر خلاص .. ياريت الكابوس ده يتزاح .. وفي نفس الوقت أنا مقدر صعوبة الموقف وإتخاد أي خطوة غير تقليدية .. بس إحنا معذورين .. ده طبعنا كشعب .. مش عايزين إلا حقنا ومبنسكتش عليه
أنا بتكلم كده لأني بعبر عن اللي أنا حاسس بيه واللي مقتنع بيه . مكنتش تابع لحد ولاهكون .. فكرتي وكلامي من دماغي ومشاعري .. أنا كلي أمل ومراهن إننا هنحل الموضوع ده بإذن الله .. بس برضه أنا مش هقدر أهدأ إلا لما أشوف بعيني
جاري تحميل الاقتراحات...