أبي منكم قبل كل شيء تعرفوا شغلة ، أغلب الي في الإنترنت "المنافسين لكم" ، يسوون أشياء غلط غلط غلط ، مهم جدا تفهم هذي الأشياء غلط ليه ، دائما في التجارة النجاح يأتي من تركك للأشياء الغلط قبل ما أنك تسوي الأشياء الصح ، لابد الترك قبل "فعل الصح!!"
أغلب المنافسين لك يروجون ل "الدروب شيبينق" ، أنا شخصيا كنت من عشاق هذا النوع من التجارة ، أرباح ضخمة في وقت قصير ، مع الوقت حتى رواد كبار في الموضوع تركوه ، مع أن عندهم مادة وفلوس ووقت ، لكن تركوه لعدة أسباب بذكر لكم نموذج من هؤلاء الأشخاص ، وراح أذكر ليه أنت محظوظ
الدروب شيبينق هو من التجارة الاكترونية الي تكون أنك تسوي متجر وتسوي دعاية وتسوي إعلانات ، بدون ماتملك البضاعة ، يطلب العميل البضاعة ويدفع قيمتها ، تروح تطلبها من الصين وتوصل العميل ، هذا نموذج عمل ما أنصح فيه وراح أقولكم ليه وكيف يروج له مشاهير كثير بطريقة غلط👍🏻
أول شي هذا نموذج العمل يحتاج إعلانات فيسبوك مالا يقل عن ٢٠٠٠ دولار ، الي يقولك غير كذا طالع فيه كذا👀 قول "جد والله" وأعرف أن وراه شي ، يا أنه موب فاهم يا أنه يسوق في وراه بلا ، حتى تجرب منتج واحد تحتاج فعلا الى١٠ الاف مابين مصاريف مختلفة ، لو تبي شغل صح ، يعني ١٠ تجارب ب ١٠٠الف
يعني لازم عندك ١٠٠ ألف ريال ماتبيها ووقت طويل حدود سنتين حتى تدرس خفايا هذا البزنس وتتقنه مابين قنوات دفع امريكية مابين تأسيس شركة في أمريكا أو بريطانيا ، ولو تتأخر بضاعتك على العميل من الصين يقفل الفيسبوك بزنسك للأبد ،
حتى أن معلمي ومشرفي Gbrial ، وهو من الناس الي تكسب ملايين منه ، قال ماراح أكمل فيه لسبب أنه تجارة غير مستقرة ، في برامج خاصة فيه للتجسس على المنافسين ويسوون نفس منتجك ويغرقون السوق بالبضاعة وهنا تكره نفسك ، حتى الإعلان حقك يسرقوه .
ماراح أحد يعلم التلاميذ هذا الكلام ، لأن أغلبهم يبي يبع دورة ، مايقول للتلميذ "عندك فلوس" 👀 ، اي احد يقولي بفتح متجر اعطيه العين هذا ، ؟ 👀 عندك ١٠ الاف ماتبيها مستعد تخسرها وتجرب ١٠ مرات ؟ اذا ايه توكل على الله 👍🏻
أنت محظوظ فقط لأنكم دخلتوا نموذج عمل يناسب نقاط قوتكم ، تقدرون تنافسون فيه ، قد يكون مالكم منافسين إلا "مساكين" ضعفاء جدا ، ومن هنا أعلن بداية تعليم تكوين المحتوى ، لاتحتاج فلوس ولا اعلانات ولا ١٠٠ ألف ريال ماتبيها ، فقط تحتاج"تركز معي" وبعلمك تسوي بزنسك الخاص حتى أنا ماتعتمد علي
ولسى ماشفتوا ، هدفي تحققوا ملايين، وهذا الرزق من الله ، قادر الله يرزقكم ويتفضل علينا وعليكم ، يالله نسوي الأسباب ونتوكل عليه ، ونكون سبب في رزق الناس الي حولنا ، نقدم العلم والمعلومة الصح والهدف نحقق احنا وتلاميذنا مثل أرقام الأجانب ملايين وخير 👍🏻😍
جاري تحميل الاقتراحات...