نصيحة للزملاء الأطباء "حديثي التخرج خصوصا" السوشيال ميديا مش مكان تكتب فيه مغامراتك الطبية أو رأيك الشخصي في شكوى مريض جالك محل عملك من أصله ناهيك طبعا عن انك لو زودتها ونشرت اسمه وحالته الصحية او صورته دي جريمة واعتداء على خصوصيته وسر هو الوحيد اللي له حق اعلانه او اخفائه.
بالتالي انت ملكش الحق تكتب سيناريو ما حدث مع مريض ولزق انطباعك الشخصي عن المريض " تصرفه، اخلاقه، تقديره لشكوته " على صفحتك سواء بتعمل كدة للتفاعل او لاثبات شيء طبي .
انا بكتب الكلام ده لأن الدنيا قامت على طبيب " طلع امتياز لسة بادء امتيازه اول الشهر ده " كتب تويتة او بوست عن مريض ما جاء لاجراء طبي ما هو شايفه مايستاهلش فجود بقا في تصرفه الطبي عشان "يربي" المريض دا اللي قاله في البوست.
زملائنا الافاضل حديثي التخرج انت طبيب مش حاجة تانية وعلاقتك بالمريض ماينفعش تشرك فيها حد الا في ظروف المفروض كلنا عارفنها مش ده مجال ذكرها. وبالتالي ما فعله طبيب الامتياز خطأ يستاهل رد الفعل اللي حصل .
انا عارف فتحة صدر البدايات دي كويس بس انت راجل اتفقعت ست سنين دراسة واكيد اتعلمت فيهم سرية بيانات المريض واحترام خصوصية الاجراء الطبي وبالتالي ظيطة السوشيال ميديا وانك تحكي مغامرات ميزو في الاستقبال دي حاجة مش كويسة وكخ حرفيا هتندم عليها وتتكسف من نفسك لما تكبر وتفهم .
ثانيا حتى لو انت طبيب قديم وشاطر ومفيش منك اتنين فلا يصح بأي حال من الأحوال انك تسوق لنفسك على السوشيال ميديا بحالات مرضية عالجتها والاجراءات الطبية اللي اخدتها معاهم لأن ده برضو افشاء لاسرار مريض. حتى لو استأذنته قبل ما تكتب وتنزل صورتك معاه.
لانه بكل بساطة ممكن ينفي تماما معرفته او موافقته على نشر حالته المرضية وصورته وساعتها انت اللي هتخسر .
سوق لنفسك زي ما تحب على السوشيال ميديا بدون ذكر او تصوير مرضى او شرح للي عملته معاهم بطريقة تكشف هويتهم لأن ده تصرف غير طبي وغير اخلاقي.
سوق لنفسك زي ما تحب على السوشيال ميديا بدون ذكر او تصوير مرضى او شرح للي عملته معاهم بطريقة تكشف هويتهم لأن ده تصرف غير طبي وغير اخلاقي.
انت لو مجدي يعقوب" السير عمره ما عمل ولا هيعمل كدة طبعا" لا يحق لك مناقشة حالاتك المرضية على السوشيال ميديا او مغامراتك مع المشرط والانبوبة الحنجرية.
الطب علاقة خاصة بين طبيب ومرضاه عاوز تتكلم في الطب "الطب ، مش مغامرات الاستقبال والست اللي زعلانة من جوزها وعندها واوا ".
الطب علاقة خاصة بين طبيب ومرضاه عاوز تتكلم في الطب "الطب ، مش مغامرات الاستقبال والست اللي زعلانة من جوزها وعندها واوا ".
اخيرا انت "طبيب قصاد حالة مرضية" يعني مش عالم اجتماع ولا عالم دين ولا شيخ جامع ولا مصلح اجتماعي ولا ليك تفتي وتقول رأيك في شخص المريض ومعتقده وطريقة تصرفه مادام ده خارج اطار مسئوليتك وواجبك.
جاري تحميل الاقتراحات...