بسم الله على بركة الله اليوم تبدأون شيء ممتع ، وفيه خير وفيه خدمة للناس ، احسنوا النية فيه ولابئس أن تنووا الخير عن والد أو والده في الخير الي راح تقدمونه ، الله يتقبل منكم ، بداية راح نبدأ نسوي حسابات التواصل الإجتماعي ، بداية تواصلنا مع الناس ، بداية مشروعنا 👍🏻
في البداية اختيار الإسم ، والهوية البصرية ، الألوان لحسابك ، طبعا آخر واحد المفروض يتكلم عن الموضوع هذا أنا 🙏 لأني اخترت شيء بسيط ،اسم بسيط وحطيت صورة أحبها ، لكن الله بارك من فضله في هذي البساطة ، بالنسبة لكم جميل تسوي هوية بسيطة ممكن تسويها بنفسك أو تشتري ب ٥ دولار شعار
مهم جدا تتبع الترند ، هذي في ٥ دقائق سويتها ، فقط للشرح ، اللوقو الأيام هذي دائما يكون نظيف وبسيط ، تعلمت الشيء هذا من زملائي الي سبقوني في التجارة ، تحديدا Gibriap ، شوف كيف يكون شكله شوف لوقو هذا المتجر الي يبيع بملايين شهريا blendjet.com ، حاول تكون كذا تصاميمك
بالنسبة لاخواتنا انتي حرة تبين تسوين باسم نسائي أو اسم تجاري مثلا "اكاديمية التجارة" براند ، أو اسمك الشخصي أو حتى تكوني رجل انتي شوفي الي تحبين ، كثير من المشاهير الأجانب مايستخدموا حتى اسمائهم الشخصية وغيره ، كونوا أحرار في هذي النقطة ، فقط نيتكم الصحيحة + القواعد الصحيحة 👍🏻
مهم جدا يكون حسابك "يشير للشيء الي تقدمه" ، مهم جدا تبتعد عن شراء متابعين ، مهم جدا لاتعصب على الناس 👍🏻 حتى لو أحد قالك نصاب ، أنت حر تاخذ صورة من سبه + تسوي share ، ممكن ترفعه على طول لكلنا أمن والقانون ياخذ مجراه ، وممكن تكسب منه فلوس بعد 👍🏻 هذا حقك وحنا في بلد القانون حمدلله
في حسابك الأصل أنك تحل مشكلة ، في وضعنا ، المشكلة هي = زيادة الدخل ، الحرية المالية ، فالي راح نقدمه هو الوسائل الصحيحة والأحدث والي غالبا ماتكلم عنها أحد لحل مشكلة الجمهور في الحصول على دخل ، هذا المجال "عربيا" ما أخذ حقه ، الي داخل فيه "وضع محزن" وهذا وإن كان سيء لكنه فرصة لكم
مهم جدا في حسابك تقول للناس أنك ماتضمن أي شيء لهم ، وأنه تعلن عن أرقام وطرق لتحصيل الدخل ، تعتمد على الشخص نفسه ، والجهد ، قد يحقق أقل وقد يحقق أكثر ، مهم جدا تقول أنه قد يكون بعض الروابط فيها عمولات بسيطة لك ، وقد تحتوي على مواد إعلانية 👍🏻
حاول تبدأ بسيط فيما يتعلق باللوقو ، عادي بدايتك تكون بسيطة وجميلة ، ركز في المهم ، وممكن تطور بعد كذا عملك ، لكن اذا نجحت في شيء لاتغير كثير عشان ماتسبب "ربكة" لجمهورك والناس الي تعرفك ، وسوي الشيء الصح دائما ، سواء كان يتعلق بالتسويق ، ومصلحة الجمهور أولا 👍🏻
فيه كثير ناس راح تهاجمك في البداية الحقيقة الهجوم ماراح يكون عليك ، مثلا شخص يقول "كذاب" هو يقصد أن السوق مليء بالكذابين ممكن تفتح صفحة في الجوال ، "غالبا شغلنا كله من الجوال " وترد رد محترم مثل كذا ، وتنسخ الرابط هذا كل ماجاك شخص من نفس الهجوم الصق هذا الثريد له 👍🏻
طول بالك طول بالك ، لاتدخل ترد وانت معصب ، شوف وش يقصد الشخص ، واعرف ان الي يمدحك "لاتفرح بمدحه" ولاتتعلق فيه خطورة التعلق بمدح احد مثل خطورة التعلق بالكلام السلبي من احد ، انت تمثل نفسك وجمالك والشيء الرائع الي انت عليه وليس "مدح" لان بكره اذا "ذمك" عادي مافرق مدحه وذمه👍🏻
أنا راح أكون موجود دائما معكم إن شاء الله ، أي سؤال ماتعرفه راح أعلمك كيف تتصرف معه ، أي جانب قانوني ، شخصيا لست قانوني لكن المحامي الشخصي يسألني في كثير من اللوائح الي مرت علي ، وممكن أفيدك ، في كثير من الجوانب في تجارتك الإلكترونية بما أعرفه وبما أتخصص فيه
البزنس حقك راح أخليك تأسسه على أعلى مستوى من الممارسات الجيدة best practice ، والجودة ، وراح يكون قانوني ، وأرباحك راح تكون مثل أي بزنس محترم ، مسجل "في نهاية المرحلة الثانية" ، طبعا راح أعلمك كيف تخلي حسابك يطير بالمتابعين والأرباح في فترة قصيرة جدا جدا ، كيف تقدم "قيمة"
أذكرك بالمرحلة هذي ، المرحلة هذي هي إعداد الحسابات ، تجهيز للمرحلة الثانية ، هي "ماقبل المرحلة الثانية" ، هي للتجهيز والهيئة لأنفسنا وللجمهور ، وراح نسوق فيها "للغير"،ونربح من تسويق العمولة لفترة قصيرة عشان نجمع فلوس المرحلة الثانية ولأي مصاريف للمرحلة الثانية ، وندلعكم شوي لابئس
جاري تحميل الاقتراحات...