[#ثريد] رسائل من عالم آخر :
طلب صداقة في احد مواقع التواصل الاجتماعي في يوم عادي ومحادثة عادية تتحول ل قصة رعب؟
.
⚠️الساعه 10:30pm ⚠️
.
⭕ Like and Retweet ⭕
علشان تجيك الاشعارات اول ما ينزل الثريد
طلب صداقة في احد مواقع التواصل الاجتماعي في يوم عادي ومحادثة عادية تتحول ل قصة رعب؟
.
⚠️الساعه 10:30pm ⚠️
.
⭕ Like and Retweet ⭕
علشان تجيك الاشعارات اول ما ينزل الثريد
![[#ثريد] رسائل من عالم آخر :
طلب صداقة في احد مواقع التواصل الاجتماعي في يوم عادي ومحادثة عادية تتحو...](https://pbs.twimg.com/media/Exqd5z2W8AQ3EVJ.jpg)
طيب ياناس نسبة للجوطة الحصلت حأسرد تويتة تويتة 🙏🏻
-اسمي (محمد) حصلت معاي القصة دي قبل ٣ سنوات وكانت من اغرب الحاجات المرت علي في حياتي كلها لانو ماكنت متخيل حاجة غريبة زي دي تحصل وحتى الان ماعارف دا شنو هل دا هكر ولا دا شنو؟
-في يوم من الايام كنت راجع من الجامعه جاني طلب صداقة من حساب بإسم (Reem...) دخلت الحساب ولقيتو غريب يعني مافي اي اصدقاء مشتركين بيناتنا المهم قبلت الطلب وما اشتغلت بالموضوع كتير
-بعد ما وصلت البيت نمت وصحيت لقيت جاتني رسالة ف الماسنجر من الحساب وكانت ايموجي الجمجمة(💀) استغربت وقعدت اضحك ورديت بدينا نتعرف وكدا ونتونس كانت بت ظريفة شديد وما حسيت ب اي شي غريب ف البداية
-بقينا بنتونس بشكل يومي والموصوع بقا بزيد بنتكلم ريكوردات وونسات لحدي الساعه واحدة واتنين بليل استمرينا بالشكل دا لمدة أسبوعين.
-يوم من الايام وانا راجع من الجامعه جاتني منها رسالة وكانت (كيف كان الامتحان؟) قلت ليها والله تمام الحمد لله لكن كيف عرفتي انو عندي امتحانات انا ماوريتك اصلا ضحكت قالت لي بعرف حاجات كتيرة عنك.
-بعد فترة من الكلام دا كان مرة من المرات قلت ليها ارح ارح نتونس مكالمة رفضت وقالت خلينا كدا احسن ما معروف يمكن لقدام بس هسي لا حتتصدم مني؟ ماعرفت هي قاصدة شنو بس مشيت الموضوع وحبيت اغيرو فا قلت ليها ادعي لي بكرة نتيجتنا.
-قالت لي ايوة الف مبروك؟ قلت ليها الله يبارك فيك لكن على شنو؟ قالت لي ما انت جايب 3.20؟ استغربت قلت ليها هل انتي المسجلة حقت جامعتنا ولا العميد وانا ماعارف؟ ضحكت وقالت لالا حاجة اكبر من كدا. ودعتها ونمت وانا مستغرب لكن التنشنة حقت النتيجة نستني.
-مشيت الجامعه ولمن وصلت البورد اصحابي كانو قاعدين واول ماشافوني كلهم خشو فيني بالاحضان والف مبروك نجحت! لمن عاينت في البورد لقيت تفسي فعلا ناجح اتذكرت كلام ريم معاي امس وكانت هنا الصدمة انو لمن عاينت للمعدل حقي لقيتو فعلا (3.20) ؟؟.
-طلعت التلفون عشان اصور ليها النتيجة واقول ليها عرفتي كيف قبل ما افتح الكاميرا جاتني منها رسالة (قالت لي انا مش قلت ليك؟ وماتسألني عرفت كيف)
-سريع قلت ادق مكالمة اشوف اذا في تلفون زول دقا جمبي دقيت وماكان في اي رد قالت لي ما تحاول تدق اناا مافي جامعتكم وانا بقرا في الرسايل و....
-سريع قلت ادق مكالمة اشوف اذا في تلفون زول دقا جمبي دقيت وماكان في اي رد قالت لي ما تحاول تدق اناا مافي جامعتكم وانا بقرا في الرسايل و....
وبتلفت يمين وشمال عشان اشوف زول ماسك تلفونو في اللحظة ديك وبيكتب وحرفيا ماكان في اي زول كل الناس مركزة مع البورد!؟
وقالت لي ما تحاول انا ما موجودة اساس؟ ماموجودة كيف يعني؟ ماردت
-ما اشتغلت بيها ومشيت شفت باقي اصخابي ونتايجهم.
-ما اشتغلت بيها ومشيت شفت باقي اصخابي ونتايجهم.
بقت بترسل لي رسائل غريبة وريكورات غريبة كلها اصوات غريبة زي شخشخة التلفزيونات القديمة وكلام خارم بارم كدا ما بيتفهم.
وبقيت حاسي انو انا مراقب في اي شي بعملو في الجامعه وفي الحلة بقت كل مرة بتحسسني انو انا شايفاك ما في الجامعه بس حتى لو مشيت السوق وحتى في الحلة وحتى في بيتنا؟؟؟
-قلت انا اوقف الموضوع دا واحظرا فعلا حظرتها بس مجرد ماحظرتها كدا جاتني رسالة من رقم غريب ف الواتس وفيهو ريكورد قالت فيهو حتى لو حظرتني انا عارفة كل شي عنك وحافضل معاك كدا للابد؟؟
-رسلت ريكورد انو منو الاداك رقمي حق الواتس وانو لو الكلام دا هظار ما حيحصل خير. فجاة جاتني صور كتيرة؟
-الصور دي كانت صوري في محلات كتيرة ف الجامعه في الشارع في المواصلات في البيت وانا متاكد الزوايا بتاعت الكاميرات دي مستحيلة تتصور وانا ما شايفها مستحيل يكون في انسان محترف كدا.
-الصور دي كانت صوري في محلات كتيرة ف الجامعه في الشارع في المواصلات في البيت وانا متاكد الزوايا بتاعت الكاميرات دي مستحيلة تتصور وانا ما شايفها مستحيل يكون في انسان محترف كدا.
-قلت يمكن دا هكر ف قررت اعمل فورمات للتلفون حقي وطلعت شريحتي وكسرتها ركبت شريحة قديمة كانت عندي واول ما التلفون اشتغل....
-لقيت حاجة غريبة شديد بتعاين لي من الشباك وضو الشارع خافت ملامح وشها زي الهيكل العظمي وشعرها زي شعر البنات بس منكوش؟
-اول ما عيني وقعت في عيونو اتحرك وكان ظهر صوت مشي يعني انا ما بتخيل ولا بتهيأ. طلعت برا البيت جري عايز الحقو بس مالقيت اي شي.!
-اول ما عيني وقعت في عيونو اتحرك وكان ظهر صوت مشي يعني انا ما بتخيل ولا بتهيأ. طلعت برا البيت جري عايز الحقو بس مالقيت اي شي.!
-رجعت البيت ولقيت ريكورد ف الواتس من رقم مكتوب جمبو Remooz كان صوت ريم وهي بتضحك بدت تقول كلام غريب وفجأة صوتا بقى خشن وبشع شديد بقى زي الاصوات التخينه الفيها صدى مرعب في افلام الرعب ديك.
-رديت بريكورد وقلت ليها مهما حصل انا قريبي ف الجهاز وحاجيبك حاجيبك.
-رديت بريكورد وقلت ليها مهما حصل انا قريبي ف الجهاز وحاجيبك حاجيبك.
-ما نمت لحدي الصباح اول ما الساعه ٧ جات دقيت لقريبي وحكيت ليهو الحاصل كلو واديتو الارقام قلت لي لو فيهم واحد مسجل بأسم ريم ياهو دا قالي خلاص تمام اديني ساعه وبجي معاك نمشي الموقع فعلا بعد فترة جاني في البيت وقالي ارح حددت الموقع ركبت معاهو ومشينا وماكان بعيد مننا.
-وصلنا البيت ودقينا الباب فتح لينا راجل كبير في السن السلام عليكم وعليكم السلام ازيك يا خال والله بخير الحمد لله دا بيت ريم؟ الراجل معالم وشو اتغيرت قالي ايوة يا ابني في اي مشكلة؟ قلت لي حاحكي ليك القصة كلها قام وقفني وقالي اتفضل ادخل دخلنا البيت وضيفونا.
-حكيت ليهو القصة كلها ووريتو المحادثة حقت الفيس والحساب اول ما سمع الريكوردات بدا يبكي...
-قعد يبكي؟
-انا وقريبي استغربنا قلنا ليهو ياخال مالك؟ قالي يا ولدي ريم بتي والله اتوفت قبل ٣ سنوات ودفنتها انا بي يدي!!
-كيف يعني الرقم دا مش حقها ودا حسابها ودا صوتها؟ قال ايوة.
-قعد يبكي؟
-انا وقريبي استغربنا قلنا ليهو ياخال مالك؟ قالي يا ولدي ريم بتي والله اتوفت قبل ٣ سنوات ودفنتها انا بي يدي!!
-كيف يعني الرقم دا مش حقها ودا حسابها ودا صوتها؟ قال ايوة.
-بقينا مستغربين من الحاصل وفي نفس الوقت محرجين ماعارفين نقول شنو وفي نص سكاتنا اتكلم الراجل وقال بالمناسبة انتو ما اول ناس؟؟ قلنا ليهو كيف الكلام دا؟ فقال لينا قبل فترة برضو جات بت ومعاها اهلها وقالو انو بتجي ليها رسائل غريبة بالرقم وبتشوف بت بتتابعا من الشباك بليل وفي كم مكان؟؟؟
-فنص كلامو قاطعتو وقلت ليهو حتى انا حصل معاي موضوع البت الفي الشباك!!
-استئذن مننا الراجل قال دقايق بس مشى وجا وجاب معاهو اوراق كتيرة منها شهادة وفاة فعلا قبل ٣ سنوات بإسم ريم ومعاها كم ورقة حقت مراكز رقية شرعية؟ قال انو ريم في اخر ايام ليها كانت بتحصل معاها حاجات غريبة ممكن م تصدقوني ريم كانت اخر ايام تتعذب وفجأة صوتا بتغير للصوت التخين......
زي الفي التسجيل دا ومرات بنصحى على صرخاتها بليل بنجي ونلقى جسمها كلو كدمات وجروح استمر الحال دا لحدي مافيوم صحينا على صوت امها ولقينا ريم مضبوحة في سريرها؟؟
-اعتذرنا من ابوها ولسة اصر علينا انو لو ما مصدقين ممكن نمشي معاهو المقابر ويورينا القبر قلنا ليهو مافي داعي وطلعنا.
-اعتذرنا من ابوها ولسة اصر علينا انو لو ما مصدقين ممكن نمشي معاهو المقابر ويورينا القبر قلنا ليهو مافي داعي وطلعنا.
طلعنا ونحن في راسنا الف سؤال وسؤال. ودي كانت اكتر لحظة اتحيرت فسها في حياتي كلها حتى الان. قلت ارسل في الحساب لكن اول مافكيت الحظر ظهرت لي اسم الحساب ب Facebook user (الحساب اتقفل) ودقيت ف الرقم وبرضو بقولي ان هذا الرقم موقوف عن الخدمة؟
-من اليوم دا ما حصلت اي حاجة غريبة ولا رسلت لي تاني قفلت التلفون وغيرت ارقامي قلها واشتريت تلفون جديد غيرت ايميلاتي غيرت حساباتي كلها ضمانا ولكن الموضوع بقى عالق في راسي حتى الان بعد مرور تلاتة سنوات.
ولحدي هنا انتهى الثريد بعتذر عن الخطاء الحصل في البداية وان شاء الله ما حيتكرر تاني🙏🏻⭕
.
⭕ لو ماعملت ريتويت اطلع فوق اعمل وري باقي الناس🌚⭕
.
لو عندك قصة حابي تحكيها اتفضل DM انا موجود 🙏🏻❤️
.
ولو بتحب القصص والثريدات فتابعني✨
.
❤️🙏🏻وبحبكم🙏🏻❤️
.
⭕ لو ماعملت ريتويت اطلع فوق اعمل وري باقي الناس🌚⭕
.
لو عندك قصة حابي تحكيها اتفضل DM انا موجود 🙏🏻❤️
.
ولو بتحب القصص والثريدات فتابعني✨
.
❤️🙏🏻وبحبكم🙏🏻❤️
جاري تحميل الاقتراحات...