ليه لما بنسمع صوتنا متسجل بنستغرب و كتيرمننا بيقول دا مش صوتي ..؟
كلنا مرينا بالتجربه دي من ايام مكنا بنسجل صوتنا في شرايط كاسيت و نشغلها .. او لما بنبعت رسايل صوتيه لحد ونسمعها تاني .. والحقيقه ان معظمنا ان لم يكن كلنا بنستغرب لما بنسمع صوتنا .. طب دا بيحصل ازاي وليه .. الدكتور مارتن بيرشال استاذ علم امراض الحنجرة بيقول .. ١
اننا لو قسمنا صوتنا لنوعين .. صوت داخلي والي صادر من جوانا احنا وصوت خارجي الي بنسمعه متسجل او متذاع مثلا في الراديو او التليفزيون فااحنا لما بنستمع لصوتنا الداخلي الي بتصدرة احبالنا الصوتيه والي بيعدي علي تجاويف الحنجرة و الجيوب الأنفية والمساحات الفارغة في الجمجمه .. ٢
و الفم لحد ما يخرج للهواء ويتحول لموجات تنتقل تاني لودنك و تعمل اهتزازات في الطبله ويرجع المخ يترجمها تاني لكلام .. المشوار الطويل دا بيعمل تغير نسبي واثر بيخليك تسمع صوتك بشكل معين دماغك حفظته كدا .. في حين ان النوع التاني وهو صوتك الخارجي .. يعني المتسجل او المذاع ..٣
بتقدر تسمع صوتك بدون كل المشوار دا وبدون التأثير الداخلي زيك زي اي حد بيسمعه فبتكون مستغرب نبرة صوتك .. علشان كدا المذيعين و الممثلين بيعملولهم تيست ويسجلو صوتهم ويرجعو يسمعوه تاني .. الخلاصه بقي .. ان صوتك الي بتسمعه متسجل بيكون صوت حاد شويه وبدون مؤثرات ودمج من مخك .. ٤
ودا الي بيخلينا نستغرب .. يعني الصوت الخارجي دا هو الي بسمعه الناس و متعودين عليه ..؟
طب لما دا صوتي وبدون مؤثرات ودمج والمفروض ان دا الصوت الي بيسمعه الناس .. ليه لما بكلم حد في التليفون بيقولي صوتك متغير عن الواقع .. اقولك انا يا سيدي .. ٥
طب لما دا صوتي وبدون مؤثرات ودمج والمفروض ان دا الصوت الي بيسمعه الناس .. ليه لما بكلم حد في التليفون بيقولي صوتك متغير عن الواقع .. اقولك انا يا سيدي .. ٥
صوتك في الحقيقه والي بيسمعه الناس بردو بتكون داخلاه مؤثرات كتير وعوامل ومستقبلات بتأثر علي نبرة الصوت .. انما في التليفون او الراديو او غيرة بيكون مشابه لصوتك .. مشابه مش هو .. لان عوامل نقل الموجات لحد ما توصل للاذن متغيرة فاطبيعي يكون الصوت مقارب .. مش هو بالظبط .. ٦
طب ياعم انهين صوتي .. هاقولك لا دا ولا دا .. ايوووون زي ما سمعت كدا .. نبرة صوتك الحقيقيه بيدخل عليها متغيرات كتير اوي داخليه وخارجيه بتغيرها لحد ماتوصل لودنك او ودن المستمع ليك وبالتالي النبرة بتكون متقاربه انما مش هي .. طبعا انا مش متخصص و الموضوع اتعمل .. ٧
عليه دراسات كتير وليه نظريات كتير ودي اشهرهم و اكثرهم تقبلا عندي علشان كدا كتبتها في الثريد .. تم .. و شكرا
جاري تحميل الاقتراحات...