الموضوع بكل اختصار عشان الناس ما تعقد تعيد وتزيد في الكلام ساي ، سماح بت جيراننا طفلة عمرها 13 سنة اتقلت على يد ابوها يوم الجمعة الموافق يوم 19/3/2021 يعني قبل 3 ايام من يوم الليلة مكان الجريمة الصالحة ظلط غرب مسجد الخوجة
سماح بتقرا في تامن كل زميلاتها وبنات اهلها اللي هم بنات حلتنا الصغار الكانت بتقرا معاهم اتنقلوا من المدرسة الحكومية الكانوا بقروا فيها لمدرسة خاصة وهي زيها زي زميلاتها اتكلمت مع ابوها أنها عاوزة تكون مع صحباتها فكان رد ابوها أنه المدرسة الحكومية أو البيت
قال ما بقري بنات مدارس خاصة ف سماح اختارت قعاد البيت على أمل أنه ابوها يحن ويسجل ليها في المدرسة الهي راغبة فيها
مر اسبوع وابوها مانعها من الطلعة من البيت لانه شايفها متمردة وكيف تطلب طلب زي دا بعد اسبوع من قعاد البيت والجمعة تحديداً ونقطة مهمة جدا العم مع اني اخجل اقول عنه عم
مر اسبوع وابوها مانعها من الطلعة من البيت لانه شايفها متمردة وكيف تطلب طلب زي دا بعد اسبوع من قعاد البيت والجمعة تحديداً ونقطة مهمة جدا العم مع اني اخجل اقول عنه عم
ابوها الهادي دا معروف على مستوى الحلة أنه إنسان بعنف بناته تعنيف مبالغ فيه وحارمهم من اقل حقوقهن وبضربن ضرب شديد من لما بنات صغار بنات الهادي الوحيدات الما لعبنا معاهم وما عيدنا معاهم يعني ابوهم شيطان وملعون ومطرود من رحمة ربه من زمان
يوم الجمعة طلعت سماح على عجل مشت تودي كرساتها وكتبها لصحبتها بما أنها هي قنعت من حاجة اسمها مدرسة وابوها في الطالعة والنازلة يضرب فيها ، مع زمن الصلاة جرت فاتت ما كانت عارفة أنه ابوها ما فات الصلاة لما ابوها جاء داخل وسأل عنها
قالو ليهو فاتت بيت صحبتها دور عربيته وفتح الباب عاوز يطلع جات سماح داخلة ف طوالي ضربها بالعربية كسر رجلها وكراها دخلها جوا وقفل الباب اخواتها بقوا يصرخوا خت ليهم السلاح في راس كل واحدة وهددهم وبعدها قفلهم في الغرفة ومسك مرته من يدها قال ليها تعالي اشهدي موت بتك اي والله
ضربها الطلقة الاولى لما عاوز يلحقها التانية مرته مسكته ضربها في راسها بي قعر المسدس ووقعت هي بعديها كمل باقي رصاصاته في جسم سماح ودا كله ما شفى غليله طلع عليها بي رجليه في بطنها وهو بقول ليها " انتي لسه عايشة"
الناس سمعت صوت الصراخ وطلق النار كلنا جرينا عليهم سماح رفعها خالها
الناس سمعت صوت الصراخ وطلق النار كلنا جرينا عليهم سماح رفعها خالها
عشان يسعفها بعد ركبها العربية ابوها جراها من شعرها رماها في الأرض أنا ما عارفه اقول شنو عن الاب دا
سماح ماتت وراحت زي الما حصل شي وابوها قاعد بيناتنا وفي نص الحلة في بيته الراجل دا ما اتسجن كيف الله اعلم
لانهم أهل غطوا على الموضوع وقالو ابوها كان ببشر في عرس ود عمها وضربها بالغلط
سماح ماتت وراحت زي الما حصل شي وابوها قاعد بيناتنا وفي نص الحلة في بيته الراجل دا ما اتسجن كيف الله اعلم
لانهم أهل غطوا على الموضوع وقالو ابوها كان ببشر في عرس ود عمها وضربها بالغلط
معقولة تلاتة طلق وواحدة في الرجل بالغلط!!
أنا العاوزة أقوله اولا وين القانون لما اب يقتل بته القاصر بدون أدنى سبب بس لانها طلعت من البيت ويضرب بناته ويطلع منها طلعة الشعرة من العجين وين العدالة ووين المنظمات الحقوقية والإنسانية معقولة حق سماح يمش كدا؟!
أنا العاوزة أقوله اولا وين القانون لما اب يقتل بته القاصر بدون أدنى سبب بس لانها طلعت من البيت ويضرب بناته ويطلع منها طلعة الشعرة من العجين وين العدالة ووين المنظمات الحقوقية والإنسانية معقولة حق سماح يمش كدا؟!
وابوها قاعد بيناتنا ونحن نشوف فيه وساكتين ماف زول واحد بقدر يحرك الرأي العام البلد دي ملانة منظمات حقوقية بس ما بتجيب حق زول
سماح بريئة وطاهرة وطفلة العيب في اهلها الما طالبوا بي حقها والعيب في امها الساكتة واخواتها والعيب فينا نحن ناس الحلة الساكتين
سماح بريئة وطاهرة وطفلة العيب في اهلها الما طالبوا بي حقها والعيب في امها الساكتة واخواتها والعيب فينا نحن ناس الحلة الساكتين
كلنا مستعدين نشهد لو الموضوع دا اتفتح وكل عاوزين حق سماح المسكينة
فعلوا الهاشتاق دا
#حق_سماح
#ابوي_قتلني
فعلوا الهاشتاق دا
#حق_سماح
#ابوي_قتلني
جاري تحميل الاقتراحات...