جنود الحلقه ف العصر المملوكي و ما ادراكم بجنود الحلقه من هم الاول أجناد الحلقه دول كان عددهم ضخم و كانوا بوجه عام مصريين مش مماليك و كانوا بيخدموا فى مختلف الفروع و بيعتبروا قلب الجيش المصرى و عموده الفقرى مش المماليك. و كان فيه فئه تانيه بتنضم للجيش وقت الحروب و هى فئه ممكن
تتسمى " عساكر الإستدعاء " ( الرديف : زى عساكر الإحتياط دلوقتى ) و دول كانوا عامة مصريين بيعيشوا فى قرى فى نواحى مصر بيتم استدعائهم للإنضمام للجيش وقت الحرب و من ضمنهم كان عسكر بينتموا لفئة أجناد الحلقه.
الفئه الثالثه اللى كانت بتنضم للجيش خاصة وقت الغزو الخارجى أو قبل نشوب معارك كبيره زى معركة عين جالوت أو فتح عكا كانت فئة المتطوعين " المتطوعه " و دول اللى كانت بتتوجه لهم دعاية " الجهاد فى سبيل الله " وقت الشده ، فكانوا بيخرجوا بالآلاف من ريف و قرى و مدن مصر للتطوع فى الجيش
للدفاع عن مصر. بتقول المصادر ان عدد المتطوعين فى معركة فتح عكا بقيادة الأشرف خليل كان اكبر بكتير من عدد الجيش النظامى. كان فيه طائفه رابعه و هى طبعاً عسكر الأسطول البحرى أو القوات البحريه.
الاسطول البحرى المصرى فى العصر المملوكى كان اقوى اسطول فى تاريخ مصر فى العصور الوسطى و كان عساكره و بحارته عامة مصريين ، و كانت مهمة الاسطول وقت الحروب الصليبيه بالذات الدفاع عن سواحل مصر و وقت المعارك العسكريه كان بيحاصر ساحل العدو و بيمنع وصول الامدادات ليه ، و فى اوقات
تانيه كان بيتكلف بعمل تجريدات على جزيرة قبرص. من اشهر قادة الاساطيل البحريه المصريه كان الريس ابراهيم التازى و الريس ابن حسون عدد عساكر الجيش النظامى الثابت فى مصر وصل فى عهد السلطان الناصر محمد بن قلاوون لعدد كبير ، فكانوا حوالى 24,000 ، و كان عدد جنود الحلقه حوالى 11.000.
الحروب اللى خاضتها مصر ضد المغول فى عهد السلطان الناصر شاركت فيها جيوش من مصر تعدادها مش اقل من 100.000. مماليك الامرا ما كانوش جزء من الجيش المصرى و هما دول اللي كسروا التتار و الصليبين لان عسكر المماليك انهزم في الشام و العراق لما تحبوا تتكلموا عن تاريخ مصر يا صعاليق
ذاكرو كويس قبلها #نسرين_العيداروس
جاري تحميل الاقتراحات...