الانسان يموت مرتين ..
--
شوف الـ Thread
--
شوف الـ Thread
- الانسان بيموت مرتين ، مرة بموت الجسد و مرة بموت الذكرى ، موت الشخص بيحصل لما يتنفس اخر نفس له و بيحصل لما يتنطق اسمه لاخر مرة في الحياة ، اثر الانسان و ذكراه هو اللي بيفضل عايش بعد موته
- من رسايل فيلم coco ان الانسان بيفنى و يموت نهائياً لو اتنسى و مفيش حد فاكره ، عائلة ميغيل كانت بتخلد ذكرى باقي العائلة المتوفيين ماعدا الجد الكبير اللي محدش عارفه غير coco اللي بدأت تنساه بسبب كبرها في السن لحد ما هيكتور قرب يموت و يفنى نهائياً
- كان فيه سؤال بيقول طب انا هستفاد ايه لما الناس تفتكرني بعد موتي ؟
---
اجابه السؤال ده من منظور ديني ، في حديث النبي ﷺ [ إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له ]
---
اجابه السؤال ده من منظور ديني ، في حديث النبي ﷺ [ إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له ]
- الدعاء من الحاجات اللي بينتفع بيها الميت ، و محدش هيدعيلك لو مش فاكرك او لو ملكش اثر في حياته ، تخيل معايا كدا انك منسي ؟ الناس هتدعيلك ازاي يبقى انت قطعت طريقه تنتفع بيها و انت ميت
- الانسان بيموت نهائياً لما تموت ذكراه ، حتى لو لسه جسده عايش ، لكن محدش فاكره انسان ملوش اي لازمة او تأثير او مجرد ذكرى الناس تفتكره بيها في حياته قبل مماته ، ناس كتير للاسف بتموت و مبتلاقيش حد يصلي عليها و ده بيخليك تشفق عليهم
- اللي بيعيش للانسان هو ذكراه ، تأثيره في حياة اللي حواليه ، اعماله و احسانه و تعاملاته ، كل ده اللي بيعيش ، الاحسان اثره مش بيفنى اثره موجود حتى لو مش هتشوفه قدامك ، [ هَلْ جَزَاءُ الْإِحْسَانِ إِلَّا الْإِحْسَانُ ]
- والذكر للإنسان يعتبر عمر تاني له ، فـ به يذكر فتترحم الناس عليه ، ويدعوا له ، فيتذكر بالخير و احسانه ، فيتم تخليد ذكراه اسمه على مرّ الأيام ، فالحقيقة المؤكدة ان الدنيا هتفنى بأهلها ومش هيتبقى إلا الأعمال
- عايز تشوف صعوبه ده ؟ ، جرب تتعامل مع مرضى الزهايمر ، تخيل ان حد مهم عندك يصاب بالزهايمر و ينساك و ميبقاش عارف انت مين و لا فاكر اي ذكرى بينكم ، جرب قد ايه الموضوع متعب و صعب نفسياً انك تلاقي نفسك منسي من شخص مهم عندك
- و ده يرجعنا لفيلم coco في مشهد النهايه لما ميغيل عرف اخته الصغيرة على اجداده و صورهم ، و ان مهم جدا انك تورث ذكرياتك و اهم الناس اللي في حياتك لاولادك و للاجيال اللي بعدك لان اللي بيعيش هو الذكريات الجسد كلها كام سنه و هينتهي لكن اللي بيطول هي الذكريات
- دايماً بفتكر حكاوي جدي و جدتي و كلامهم عن ذكرياتهم و عن الناس اللي في حياتهم ، كانت الحكايات دي بالنسبالي بقعد اسمعها بشغف لاني بكون عايز ارجع بالزمن و اعيش معاهم عشان اتعامل مع الناس دي من كلامهم عليهم
- remember me
جاري تحميل الاقتراحات...