السلام عليكم، بإذن بتكلّم في هالثريد عن التداول في #العملات_الرقميه مثل ال #بيتكوين و الايثيروم والعملات الثانيه او ما تسمّى بال Alt coins وبعض القواعد والقوانين المهمّة جدًا انك تفهمها قبل تدخل او تفكّر انك تدخلها
في البداية، هالسوق عبارة عن منجم ذهب، بكل ما تحمله الجملة السابقة من معنى، لانّه المستقبل، كثير من الناس يقولون انها بالونه وراح تنفجر وفيه ناس الى الان مقتنعه بهالشيء وهو خاطيء تمامًا، #العملات_الرقميه هي المستقبل.
في نفس الوقت تعتبر مكان جدًا خطير لراس مالك اللي بتدخل فيه، طبعًا كلامي انا كشخص يضارب بشكل يوم في العملات بينما فيه اشخاص يحطون فلوسهم كتخزين لمدة كم سنه قدام وهذا موضوع ثاني يمكن اتكلم عنه بثريد مختلف
طيب توك تقول خطير اجل وش يدخّلني فيها؟ اللي يجيبك هنا انّ فيه قواعد وقوانين معيّنه للمضاربه اليوميه اذا مشيت عليها ولا كسرت اي ركن من اركانها راح تطلع كل يومين من ١٠٪ الى ٢٥٪ من راس مالك اللي بتدخل فيه، وبنفس الوقت اذا كسرتها راح تخسر نفس النسبه من راس المال
نبدا في البداية، بالنسبة لي انا اتداول فيه منصّة #Binance وفيه منصّات كثيره ثانيه مثل كراكين وغيرها كلّها تؤدي نفس الغرض بس انا مرتاح بباينانس لان عمولتهم على كل تداول 0.1% (تعتبر ممتازة) وهي منصة عالمية ومعروفه، ولا عزاء ل @rainfinancial 😡😡
اول شيء لازم تسويه انك تسجّل في المنصة وتصوّر الرخصة والمعلومات اللي طالبينها عشان يوثقون حسابك، وبعدها تروح عند ال p2p تريدنق وتشتري عملة USDT اللي هي الدولار الامريكي او التيثير وتقريبًا تساوي قيمة الدولار الامريكي واختار انك بتشتريها بالريال السعودي
بتطلع لك لستة ناس تشتري منهم بالسعوديه، تحوّل له عالبنك ويحوّل لك العمله في باينانس، نقطة مهمّة: شف لك واحد عدد طلباته كثيره ونسبة النجاح عاليه عشان ما تنزرف. في الصوره حسين وماجد امورهم طيبه
بعد ما تستلم ال USDT تحوله من محفظة ال P2P الى محفظة ال Spot، وبكذا انت تكون جاهز للمضاربه
القاعدة الاولى: انصت للرسم قدامك وافهم وش يقول لك، فيه رسمات ونمط معين اذا شفتها قدامك معناها انّ السهم هذا بيرتفع وما يمنع انك تحط لك مخرج في حالة انه ما ارتفع لان مافيه شخص ممكن يكون متأكد ١٠٠٪ لان الموضوع عرض وطلب وهذي بنجيها بالقاعدة الثانيه
زي ما تشوفون بالصوره اللي قدامكم، عندنا خطين برتقاليه اللي فوق هو عباره عن مقاومه، والخط اللي تحت عباره عن طلب، حاول اول مره يكسر المقاومه بس ما قدر ونزل وارتد عند الطلب ورجع ثاني مره يحاول يكسرها
وهنا قدر يكسرها، بالعادة في المحاولة الثانيه الى الثالثه يكسرها بس حط في بالك ان الطلب اللي تحت ممكن هو اللي ينكسر وبعدها يبدا يدحدر وبرضو بنتطرق لهالشيء في القاعدة الثانيه
اللي صار الآن، المقاومه اللي فوق من اول ما تنكسر تتحول الى طلب، وتنعكس الادوار، ومن الرسم تعرف ان بيصير فيه مقاومة جديده فوق الطلب الجديد من الرسم اللي قبل، وبرضو ما يمنع انّ المقاومه اللي انكسرت وتحولت الى طلب تنكسر علطول وتجيك مديوره للطلب القديم
طبعًا فيه انماط ثانيه برسمها تعتبر نقاط دخول كويسه وفيه انماط اذا شفتها انحش وطبعًا كل الانماط فيه احتماليه تسوي العكس بدال لا ترتفع تنزل وبدال ما تنزل ترتفع لانّ مافيه شيء اكيد ولازم تنتبه
طيّب خلونا نتكلّم عن القاعدة الثانيه وهي مهمّة جدًا جدًا جدًا، وهي عبارة عن ادارة المخاطر او Risk Management، اذا شفت قدامك نمط كوّيس وكلّ المؤشرات تقول ان امورك تمام مو معناته بيمشي الوضع على اللي تتمناه فيه احتماليه يصير العكس وهنا تجي قاعدة ال ٣٪ الذهبية (القاعدة الثانية)
اذا دخلت في نقطة ارتداد او طلب على نمط المثلث الكويّس (طبعًا ما تقدر ترسمه الا فيه على الاقل شمعتين) يعني بتدخل بثالث ارتداد ويمكن فيه ارتداد رابع، لازم تحط طلب بيع في حال نزلت القيمه بنسبة ٣٪ من الارتداد اللي شريت فيه، لانه بهالحاله كسر النمط وبينزل ممكن الى ١٠ او ٢٠٪
ممكن تصير لك اليوم هالحركه مرتين تخسر فيهم ٦٪ وبعدها تدخل ثلاث مرات عالنمط هذا وبنفس القواعد وتطلع ب ٢٠ الى ٣٠٪ وتعوض الخساره، حط في بالك انّك بتخسر، هذا شيء مافيه جدال. الذكي اللي يقلل خسايره ويدور فرص ثانيه يعوض فيها علطول
الثّقه ثم الثّقه ثم الثّقه، الرسم قدامك يتكلم ويقولك اسمع مني وانا بربّحك، امش عالقاعدتين ولا تخاف. في البدايه ادخل بمبلغ قليل عشان تتعلم عالانماط اللي ذكرتها او حتى غيرها في عملية البحث اللي بتسويها، واذا عرفت الحِرفه، بتطلع مبالغ هائلة لانّه فعلاً منجم ذهب وهو المستقبل.
جاري تحميل الاقتراحات...