لغاية يوم الليلة سياسة التعويم بتواجهها تحديات وقصور كبير فيما يتعلق بفتح نوافذ التحويل المباشر من البنوك الخارجية في الخليج وفي غيره للبنوك السودانية، وأغلب القروش الاتحولت في الأيام الفاتت دي كلها من مواطنين في السودان هنا، مع مشاكل تانية متعلق بجودة وسرعة التحويلات البتعملها
الصرافات زي الوسترن يونين وغيرها. في ظل سياسة حرجة زي سياسة التعويم بتعتمد على ثقة المغترب والمواطن في النظام المصرفي، وبتتأثر جداً بأدائك في الفترة الزمنية الأولي ليها، مش مفروض الحكومة تخلي بنك السودان المركزي يركز في شغله وتتابعه وتدعمه عشان الأمور دي تمشي،
مش دا ما تقوله أبجديات الفهم والعقل؟
لا لا لا، حكومتنا الرشيدة بدل تدعم البنك المركزي وتدعم المحافظ (الاختارته هي)، بدل الكلام دا تقوم تخلي واحدة من أفشل اللجان الفاقدة للشرعية القانونية والتي ثبت مراراً وتكرارا أنه القائمين عليها شلة من فاقدي الأهلية والكفاءة والاسمها لجنة
لا لا لا، حكومتنا الرشيدة بدل تدعم البنك المركزي وتدعم المحافظ (الاختارته هي)، بدل الكلام دا تقوم تخلي واحدة من أفشل اللجان الفاقدة للشرعية القانونية والتي ثبت مراراً وتكرارا أنه القائمين عليها شلة من فاقدي الأهلية والكفاءة والاسمها لجنة
إزالة التمكين، في التوقيت الحرج دا تخلي اللجنة الغبية دي تفصل 129 موظف في بنك السودان من غير ما توضح أي مبررات أو معايير للفصل دا، وبعداك تخش في مشاكل مع محافظ بنك السودان ومشاكل مع موظفي البنك نفسهم، وصلة درجة المشاكل أنه المحافظ يطلع بيان يلغي فيه قرار اللجنة، وتجي اللجنة
تاني تطلع قرار مضاد، والليلة تقوم اللجنة الغبية دي تحرش نقابة العاملين في بنك السودان (واللهي لا نقابة شرعية ولا منتخبة ولا أي حاجة) عشان تواصل في المشاكل مع المحافظ.
عليك الله داير المحافظ بتاع بنك السودان وباقي الموظفين فيه يركزوا كيف على شغلهم وفي نجاح سياسة التعويم وفتح منافذ التحويل المباشر مع باقي البنوك وانت مهددهم في أمنهم الوظيفي من لجنة فاقدة للشرعية والأهلية؟ يا ناس البلد دي ماشة وين بالبلادة دي !
جاري تحميل الاقتراحات...