هو عمليًا علشان تبقى عندنا فكرة .. طول مامصر بتعمل حاجة كويسة علشان تصلح ، لازم نلاقي اللي هيقعد يكسر المجاديف بكلامه ، يعني مثال كده لما البعض إتكلموا عن موضوع القروض اللي مصر بتاخدها . فضلوا يقولوا كده هنغرق في الديون وكده هنعيش في التضخم إلى الأبد . ومحدش فيهم قال حل بجد أصلاً
أنا مش خبير إقتصادي ولاهتكلم بأرقام . اللي عايز يدور على الحقيقة يسأل ويبحث . بس هتكلم من الناحية المنطقية " الدول بتجيب الفلوس إزاي؟" . اللي نجحوا في تطوير إقتصادهم عملوها إزاي؟ زودوا مواردهم بالصناعة والتصدير بعد مارفعوا كفاءة البنية التحتية (بعد ماإستلفوا)
هروح لموضوع تاني أنا مش عارف مسماه الحقيقي ، بس هسميه "الثقافة المبدئية المتراكمة" . ودي تطلع إيه؟. دي اللي يمكن مخلية نسبة كبيرة من الناس تعيش في دائرة مغلقة مش مستعدة برضه إنها تتقبل فكرة الخروج منها . على سبيل المثال . لحد دلوقتي فكرة الإنجاب الكثير . ثقافة متراكمة مش في محلها
برضه نقطة تفضيل أي منتج من بلد آخر على المنتج المصري .. وكمان نقطة الظن السيئ في أي إدارة بسبب أو من غير سبب .. دول زائد نقط إن الشباب بائس والتحفيل الموجه بإساءات .. كلها ثقافات متراكمة أساسًا هي شوائب بس بيتم تغذيتها يوميًا على السوشيال ميديا
ثقافات متراكمة مش في محلها برضه .. زي فكرة أهمية الموظف عن العامل .. فكرة إن الفن كله بقى إسفاف وكوارث .. شوفوا ياجماعة ، إحنا محتاجين سنين طويلة علشان نعيد تشكيل الثقافات دي للأمور الصح .. ومش شرط نلاقي نتيجة سريعة .. بس المهم لو عندنا الرغبة فعلاً تصدير الثقافات الصحيحة تستمر
عمليًا أنا بقيت معتقد بنسبة كبيرة إن المؤيد والمدافع عن إيجابيات بيبقى أشجع من المعارض . البعض اللي عمال يزايد ويقول مفيش حرية رأي في مصر . يتفرج على كم الآراء اللي بتطلع كل ساعة عن أي موضوع سلبي أو إيجابي . أنا نادرًا مابلاقي حد في كلامة مقدر بجد اللي بتعمله مصر السنين اللي فاتت
اللي بيقول رأيه لو مش عاجبه شئ محدش بييجي ناحيته .لكن اللي بيدافع؟ يووووه . يتقال عليه مطبلاتي وإنه مش فاهم حاجة ويشبهوه بأحمد موسى (مع إن الراجل يعتبر من القلائل اللي ثبتوا على موقف واحد "لو هنتكلم بأمانة") .فمعلش يعني . الواحد لما بيلاقي حاجة كويسة بيقولها علشان هي تستاهل فعلاً
وأنا حرفيًا إتقال عني كل وصف غريب بسبب الموضوع ده . لأن الثقافة المتراكمة بتخلي أي آراء بعيدة عنها تبقى منتقدة .. يعني عمليًا لو هنتكلم بصراحة .. إحنا بنطالب بمزيد من الحرية في التعبير عن التأييد عن أي حاجة إيجابية بتحصل في مصر . لأن فيه شعب إجتهد علشان يوصل لنتيجة عظيمة النهاردة
المهم ياجماعة إن الإعلام نوعًا ما بدأ يستعيد نوعًا ما من قوته .. كنا بنساعده بهاشتاجات زمان لحد مايقوى ويعتمد على نفسه .. هو محتاج بقى دماغ متكلفة علشان يتوجه إنه يغير الثقافات السلبية المتراكمة .. وتحديدًا الإعلام الرياضي .. لازم يتعمل له فورمات كامل
أنا عمال أتكلم في مواضيع متفرقة بدون روابط أو تمهيدات معلش علشان أنا مش بحضر الكلام قبل مابكتبه . بكتب اللي في دماغي رأسًا للأكاونت اللي بقيت أدخله كل فين وفين لحد ماإتنسيت خالص 🤣 نسيوا خالص لوكال اللي كان بيكتب بالفصحى وفضل يحافظ على علاقات طيبة مع الكل لحد مامشي . معلش دي دنيا
اللي عايز أوصل له من كل الكلام ده إن بجد إحنا في أيام هنلاقي فيه كلام عن حاجات كتير وشخصيات مختفية بتظهر وحاجة في منتهى ال 2009 أو 10. وكأن بايدن ده جايبينه علشان ياخد قالب أوباما أول Version .وأهو موضوع سد أثيوبيا بنشوف فيه بداية تطورات لأن الموضوع دخل في الجد بحكم الشهور الجاية
اللي بيعد الأيام علشان معتبر إن الملئ الثاني هزيمة ، واللي بيحلل تحليلات حسب أي معطيات بيشوفها قدامه .. وكده كده الموضوع أصلاً صعب يتشاف من كل الزوايا ، والله يكون في عون القائمين لمواجهة الموضوع ده .. سياسة معقدة ، الحليف المعلن مصلحجي والعدو الخفي وسيط .. وحاجة محتاجة صحصحة بجد
أديني بشوف الموضوع رايح فين وياترى إحنا هنعمل إيه . بس مبدئيًا كده نغمة (موافقتنا على إعلان المبادئ إدى شرعية لرخامة إثيوبيا) نغمة ساذجة شبه نغمة (العربية الغالية تدي شرعية لسرقتها) . ده إحنا بإعلان المبادئ عندنا دليل يدين إثيوبيا لأن الإتفاق كان على شئ وهي نفذت شئ تاني أصلاً
بس عمومًا أنا الأيام اللي فاتت عرفت معنى جملة "مفيش ثوابت في السياسة" وأظن فهمت أكتر إن توفيق عكاشة كان دماغ والله .. ويمكن فهمنا إحنا ككل من خلاله مبادئ حاجات بتحصل الأيام دي ونوعًا ما فهمنا دوافعها .. أنا كده قلت اللي عندي النهاردة ، نشوف وشكم بخير في وقت تاني الله أعلم بيه
جاري تحميل الاقتراحات...