رتبها

قال رسول الله - صلَّى الله عليه وسلَّم -: ((لقيتُ ليلة أُسري بي إبراهيمَ الخليل -عليه السلام- فقال: يا محمد، أقْرِئ السلام أُمَّتك، وأخبرهم أنَّ الجنة طيِّبة التربة، عَذبة الماء، وأنها قِيعان، وأنَّ غِراسها: سبحان الله، والحمد لله، ولا إله إلا الله، والله أكبر))

تجميعة للتويتات الدينية (قد تكون متجددة):

١- متنسوش إن الدنيا دي كلها اختبار، وراقبوا نفسكم وانتوا بتضيعوا أي وقت فاضي ليكم في الأفلام والمسلسلات والأغاني من غير ما يجي على بالكم خالص إنكم تقضوها في العبادة، وبتحطوا خطط لحاجات وعادات كتير مش منها خالص القرآن أو قراءة تفسيره أو الذكر...إلخ.

٢- خافوا إن قلوبكم تموت، لأننا في زمن فتن الناس فيه استحلّت الحرام وحلّلته كمان لدرجة إنه بقا هوا "العادي"، وبقا في ميوعة في التعامل مع أحكام الدين، وبقا في تجرّؤ صارخ عليه وانتقاد لثوابته اللي متقبلش النقاش عشان ياخدوا من الدين اللي على هواهم بس،

فاتعلّموا دينكم، لأن كتير ميعرفوش إن علم الدين فرض عين أصلاً. (أكاديمية زاد ريكومندد)

٣- المعاصي ليها لذة لكنها لذة محرمة وشه‍وة مصحوبة بالذنب والندم، فادعوا ربنا يحرمكم لذة معصيته ويرزقكم لذة طاعته.
٤- بروفايلاتكم وأكونتاتكم دي من ضمن أعمالكم اللي هتشهد عليكم.

والحرام اللي بتشيروه عليها ده مشكلة من ناحيتين:
١- مجاهرة بالذنب.
٢- إن كل واحد هيشيل وزر اللي هيقلّده ويعمل الذنب ده زيه.
فطهّروا بروفايلاتكم وخافوا إنكم تموتوا فجأة وتفضل من بعدكم مفيهاش اللي يشفعلكم.

وبنفس المنطق مترشّحوش لحد أفلام أو مسلسلات أو أغاني عارفين إنها حرام، أو أضعف الإيمان اتفرجوا عليهم cut على موقع زي familymoviz.

٥- في التوبة وفي الصح متتكسفوش من الناس.
قَال رَسُولُ اللَّهِ صَلَّى اللَّهُ عَلَيْهِ وسَلَّم: (مَنِ الْتَمَسَ رِضَى اللَّهِ بِسَخَطِ النَّاسِ، رَضِيَ الله عَنْهُ، وَأَرْضَى النَّاسَ عَنْهُ، ومنِ التَمس رِضا النَّاسِ بِسَخَطِ اللَّهِ، سخط اللَّهُ عَلَيْهِ، وَأَسْخَطَ عليه الناس)

٦- الشتايم: قال الرسول صلى الله عليه وسلم: «ليس المؤمنُ بالطَّعَّانِ ولا باللَّعَّانِ. ولا بالفاحشِ ولا بالبذيءِ».
٧- الحياء شعبة من شعب الإيمان.

8- الرجوع إلى الحق خير من التمادي في الباطل، وما لا يُدرَك كله لا يُترَك كله.

رحلة الدياثة (وغيرها) من كلمة مرعبة وجزاء مرعب بالحرمان من دخول الجنة لميم ونكتة وسفه.
(وَلَىِٕن سَأَلۡتَهُمۡ لَیَقُولُنَّ إِنَّمَا كُنَّا نَخُوضُ وَنَلۡعَبُۚ قُلۡ أَبِٱللَّهِ وَءَایَـٰتِهِۦ وَرَسُولِهِۦ كُنتُمۡ تَسۡتَهۡزِءُونَ)
وبعضهم حتى بيهيص في الزفة والتريند وخلاص.