رتبها

الشاعر يوسف الدوش
نفس الزول الكاتل ولدك.
حاكم بلدك
نفس الزول القاتل ولدك..
شال لي روحو الفاتحه وقلدك
حاكم بلدك
(رمز سيادة)
شال من ايد الكوز (السوط والسلطه) وجلدك
نفس الكوز في وجه جديد
نفس الكلب في الرقبة (قلادة)
نفس كتائب الظل والغل
#مجزرة_القيادة_العامة

نفس جهاز الامن والخوف
هم بي أمرك (فضو قيادة)
وقامت ثورة
وحصدت لجنة.!
فاخر عيش الوزراء الجونا
بس في الغالب كعبة العجنة
جائز تحكم غصباً أمه
وتقلب كل ايامه ضلمه
ويبقى مصيرك سقطة و(سجنه)
وقامت ثورة
حصدت من ارواح اولادنا الطاهرة
#مجزره_القياده_العامه
#القصاص_ااشهداء

لمن زاد الغل في نفوسهم
رسمو الخرطة هناك في القاهرة..
سمو شيهدنا الباسل (شاذ)
وسمو البت مطلوقه وقاهرة..
دسو العيش والخير والجاز..
ونامت عين الشرطة الساهرة..
وقامت ثورة..
#مجزره_القياده_العامه
#القصاص_ااشهداء

إلى الشاعر يوسف الدوش
من عبد القادر مروي
نفس الزول..
الحابس نفسك
نفس الزول الشالك
وحبسك
نفسو هو نفسو
العامل حرسك!!!
اهديناك يايوسف
وردة وحُب..
والغنوات متوالي
تَصُب...
لو يرموك..
يايوسف جوه الجُب
ح تمر القافلة..
وباقة الشعرا..
ونصبح ليك غيمات
وسُحُب
كَمِّل نَصَّك

وافتح باب الغنية
وقول.
شَيِّد بيت بيتين
وتلاتة وعشرة
وزيد في
الطول..
ما اصلو الغنية
سلاح للطقمة.
وحصة وطلبة.
ودار وفصول.
قول يايوسف.
وارمِ قميصك
نار وحروف....
خلي الوطن
العينو بياض...
يتعافى يشوف..
قول
وكل القافلة ح
تهتف ليك..
وتقوم القافية
الحان وكفوف
5/مارس 2021

كتب الشاعر يوسف الدوش
انا ما جبان
لا بترهبني العساكر
لا بخاف من طلقه.. بنبان
لا السجون بتقيد(حروفي)
لا الدبابير الهوان
ما احتميت بي (بدلة)
او بي (كُرسي)
اوبي (سُلطة)
او ضميري في لحظة خان
والاهم في الدنيا كلو
ماني (وسخان)
الكلاشات يوم دورت
#نفس_الزول!
#يعني_في_زول_ماعارف؟

اعتصام..
ورا.. اعتصام!
الفلاشات كان (صورت)
ونحن شاهدنا (البيان)!
إنقلاب رسمي وعديل
إنقلاب على راسو أركان
الله عارف ونحن عارفين
الكتل كِشة وصحابوا
هسه خايفين
الدموم سالت ميادين
واعلي راس في السلطة (غرقان)
اللبس كان (زيّكم)
واصلو فاضح
#نفس_الزول!
#يعني_في_زول_ماعارف؟

والجريمه دليله واضح
اصلو ما محتاجه (برهان..!)
واللبس توب الفضيلة
وجوة غاطس في الرزيلة
نحن ياخ شايفنوا (عريان)..
والمغطى.. على _الله_ كاشف!
والبعادي الشعب خسران..!
وبرضو
#نفس_الزول!
#يعني_في_زول_ماعارف؟

رد على قصيدة نفس الزول الكاتل ولدك
نفس الزول الداير حقو
قالع حقك
شايل خير البلد الشانها
بي رصاصو استشهد ولدك
رموز وسيادة
رُتب وقيادة
يشيب الراس
من عيبها؛ فسادها
وأية عار أكتر من إنو
في قدامها يكتلو وِلادها!
وفي بيت الله يجامعوا بناتها!
#مجزرةالقيادةالعامة
#لن_ننسى_ولن_نغفر

ومعروفين
اللوحاتهم (قاف دال سين)
والفي الشرطة وفي التأمين
والجياشة الفكت قاشها
وسابت للرابطة اخواتها
لو في سيادة
حامد و ودصديق يترقوا
ماكباشي ولا البرهان
ولو في سيادة
مافي خيم قدااااام مبناكم
#MOHAMED_IBRAHIM-6-3-2021
#مجزرةالقيادةالعامة
#لن_ننسى_ولن_نغفر

بي من فيها تقوم نيران
ولو في سيادة
ما بالغصب العسكر يشارك
وفرضاً يحكم للسودان
ولو في سيادة
تبقي حلايب سودانية
وتبقي الفشقة أمان في أمان
قامت ثورة
قامت شان الزي #الدوش
كان بأذوهم بشه وقوش
كان بحموهم قول الحق
#MOHAMED_IBRAHIM
MARCH-6-2021
#مجزرةالقيادةالعامة
#لن_ننسى_ولن_نغفر

وكان تعذيب ترهيب بالدق
وكان اشباح حيطان دون حوش
ورغم الكان
ثبتوا الفرسان
من ماكور ومهندس طارق
ودالصادق؛ والدكتور
لاعن عظمة المات بي طوله
وخلّف خلفه الشعب جيوش؛
ولي يوم ٦ الفرتقو #حامد
خلى كتائب بشه تدوش
ولي يوم مات عباس مع كشه
وقتها ناس دفعولها قروش
شان ما تعيث في الأرض فساداً

ويبقي العيد بيت بكاء مفروش
ما حتقيف من شاعر كلمة؛
يانا الصوت للغبش آ سادة
ودام ما بقيتوا رموز وقيادة
خلاص ورونا؛ صبرنا سنين
إتنين وزياده
منو الفضاهو أمام أنظاركم؟؟؟
بالساعات ادونا إفادة
وليه إسعافكم ماشفناهُ
وليه فضيتو معانا شراكة
وقلتو طوارئ مافي وساطة
وليه لي أسي الأمن مزعزع

مش ياكم لساتكم قادة!!!!!!!
كلنا #يوسف
لو في الجُب ترمونا جميعاً
أو في السجنِ الأصبح بلدك
نفس الزول الداير حقو؛ قالع حقك؛
شايل خير البلد الشانها
بي رصاصو استشهد ولدك
#MOHAMED_IBRAHIM
MARCH-6-2021
#مجزرةالقيادةالعامة
#لن_ننسى_ولن_نغفر
@rattibha
مع الشكر

الكلب
سألوه في قيادة البلد
قاصد شنو بي ده
الكلب
مش حاجة توجع في القلب
كل القيادة
مجتمعة تسال عن كلب
ما هو الكلاب مالية البلد
تاكل دقيق الناس غصب
ترفع سعر كل المواد
حتى الجنيه وزنه انعدم
أصبح عدم
وراس البلد
مجلس سيادة
أصبح وهم
اتلم يسال شاب كتب
تقصد شنو بي ده الكلب

يمكن يكون كلب اللعب
في ليدو
أو في سيجة
ما خلاص
صفرجت ونحن في عز اللعب
نادوه شان دون قصيدة
ما سألوه عن حال البلد
والجنجويد
والجونا شايلين السلاح بدل السلام
سألوه عن معنى القيادة
خايفين يكون بقصد بلادة
رأس البلد
لو جد بتعرف للقيادة
امرق العملوا الاباده
مجزرة فض اعتصام

مش لو سألتوا
أو اعتقلتوا
حتظل معلقة
في رقاب كل الكلاب
هذي الجريمة
بي كل تفاصيلها الأليمة
قدام حرسنا وقلنا جيشنا
يحمينا من الجنجويد
وكتابب الظل اللئيمة
لكنه نام
هي دي القيادة
وإلا عنبر جودة في شكل الخيام
والناس صيام
وواحدين قيام
والعيد على الأبواب

قامت على الناس القيامة
من غير دلايل أو علامة
وواحدين نيام
وبرضو قدام القيادة
والان بتسأل عن كلب!!!
وتبقى الإجابة
نفس الزول
شال اوراقك وفتش فيها
مش حاجة تمغص للقلب؟!!!
د. محمد حسن
(عارف الكلب) من يوم فض الاعتصام
وحتى تاريخ يوم السؤال
والناس امام الحق وقوف
١١مارس ٢٠٢١

مليون تحية حب للدوش الكبير وللدويش الصغير
اللذان جمع بينهما الإبداع وغزل الحروف...
الدوش الصغير كتب قصيدة نفس الزول الكاتل ولدك !!!
والدوش الكبير كتب .
يا تلاميذى العُزاز
بسم الله . بسم المجد
فى أحضان سُعاد
اكتبوا التاريخ
خمستاشر ربيع أول
والمُوافِق
موِلد الايقاع على خطوات

سُعاد
والمُرافِق للصباحات
المناحات
واخضرار الغيم وفقدان الشُعاع
ارتفاع الموجهْ لى صدر الشراع
يا تلاميذى العُزاز
خلِّى بينك وبين زميلك
زى مسافَهْ
قَدْر أيه؟
قَدْر المسافَهْ البين عيونى وبين سُعاد
قَدْرِ آلاف الفواجع فى انهيارات الحصاد
قدْرِ مسحوق الأنين فى تواريخ البُعاد
اكتبوا

ودَيَّه أيه يا اْستاذ يكون؟
دا المُجنن طه اسألأوا ودْ سكِينَهْ
اسألوا الريح المسافر فى تجاعيد السكينَهْ
شاوِرِوا الموج اللِّى ساكِن فى مسافات السفينَهْ
تسألونى عن سُعاد
اكتبوا العنوان بخط ممشوق وواضح
احذروا اللحظ البيضحك وهو جارِح
مُرْكَب على الله ويلأّ نجتاز الحدود

مل
اكتبوا العنوان بِخَط مستور وفاضح
(رقصة الموج الأخيرَهْ جُموح نُهودِك يا سُعاد)
عنوان طويل
يا تلاميذى العزاز
كِلمَهْ..كِلمَهْ على مهلْكُم واكتبوا
والصيف طويل لمْلَم العُشاق مواعين الرحيل
نجمَهْ شاردَهْ وغيمَهْ هاجدَهْ
ضَمَّهْ ضَمَّهْ ضَموا شرف المستحيل
جَوهَرُوا الحزن الكحيل

مُركَب على الله ويلأّ نجتاز العويل
بانت سُعاد
غامت ملامح السكَّهْ وانكتم المكان
رَقَصتْ سُعاد
فى خانَة الأصفار وميلاد الزمان
جمّعتْ من كل زهرَهْ مواجع الحُب المُهان
مُركب على الله ويلأّ نجتاز الدّثخان
يا تلاميذى العزاز
خلّوا بينكم وبين رنين الضحكة صرخَهْ
حُب مُهان والصبر أولىَ

خلُّوا بينى وبين جنون الخيبَهْ شَوْلَهْ
واكتبوا عاشَ فى زمن المذلًهْ المدعو طه ودْ خدوم
باع تفاصيل الكآبَهْ عشان يفرِّغ وتانى يمْلاَ
جاع وخيرِك يا سُعاد مرْدُوم رَدوم
عاش المدرِّس ود خدوم
كأنو نكْبَهْ -كأنو شُوم
عاش المدرِّس ود خدوم
تسْقُط حكايات الهموم
الأزاهِر والدفاتِر

والمتاجِر والمقابِر
والخافر والمشاعر والنجوم
عاش المدرِّس ود خدوم
يا تلاميذى العُزاز
من كانَ حاضِر أو تَوَلَى
يقفِل الكرّاس ويلأّ
نشوف بداية المهزلَهْ
***
يا تلاميذى العُزاز
فى صيف طويل مبطوح على صدر الزمن
من ظُلمَة الشوق ابتدا
فى حضرَة الحُب اندَفن
والنيل مدامِع للنجوم

والصبر مُفتاح للشجن
والحِلَّهْ مبتورَهْ وكسيحَهْ ومُهْملَهْ
بانت بداية المهزلًهْ
بانت سعاد بانت تفاصيل الشجون
والجنون والمقصلَهْ
بانت سُعاد
وقفتْ على خِصر الجبل
فتَحت مشارع للظنون والأسئلَهْ
رقدَت على شَعَر السهل
ضفَرت ملايين القُبل
"والجو صفا والنيل هَدَا
وغاب الأتر"

وأنا يا سُعاد
فى الحِلَّهْ معجون من رماد من حسرَهْ
مقطوع من شَدَر
يا تلاميذى العُزاز
لازوايَهْ لا قوس لا وتَر
وأنا يا سُعاد
فتّشتَ ساحات الأمانى
ناصيهْ ناصيهْ
حجر حجر ، ما لقيتْ إلاّك زمن
مالقيت إلا بِلاد
وأنا يا سُعاد
يا شهوَة الحُب للعِناد
يا شهقَة الفرح المُعَاد

خلِّينى فى بالك نغم
وأنا يا تلاميذى العُزاز
مخلوق بسيط من شوق وغَم
وأنا يا سُعاد مخلوق بسيط من شوق وغم
قامت سُعاد من رقدتهْا
الكون جميع كان انحصر مابين
قيامَهْا ووقفتَهْا
النخلَهْ والهجليجَه والسيّالَهْ
والشوق والمطر
الغابَهْ والهم القديم
الفرحَهْ والذُّل والخطر

كلُّو انْجَمَع فى كفّتهْا
قامت سُعاد من رقدتهْا
قامت قيامة العُمْدهْ مليون اتجاه
اشتَّتتْ كل الجموع
من كلِّ أنَّهْ وكلِّ آه
ومشيتْ عليكْ أنا يا سُعاد
حتَّة مُعلَّم مُبتدىء
غاوِى وبسيط
ولو ما خَدوم
كان من زمان محْسوب لقيط
ما آصلى مولود لللَقِيط
أو مُغفّل أو مبهدَل أو عبيط

يا زعيطاً يا معيط
ومشيت عليك أنا يا سُعاد
شُبّاك على النار انفتَح
درويش نحيل
فى صُرَّهْ شال حزنو وسَرَح
سيلاً تقيل
وسَّع خطاويهو وكَسَح
ومشيت عليك أنا يا سُعاد
مربوطهْ عينى على خُطاك
فى عيونك اتجمّع كلام
فى صوِتك اتجمّع ظلام
حسيتو فى الحَشَا والعِظام
وقريتو فى سعف النخيل

ولمحتو فى طوق الحمام
فى العفهْ والخُصْلهْ الحنِينَهْ
اللفْتهْ والتوب والحِزام
بارَت مواعيد الغرام
ونزرْتُو حُبِّك للزنازين
والمساجين والهوام
والعُمدهْ فوق راس الفرح
جمّع جريوْاتو ونبح
(مسئول كبير زاير البلد)
قُتْ ليهو يا عمدهْ اختشى
مسئولك الزاير الكبير
يا ريتو بس لو شاف سُعاد

كان رسم للعفَّهْ
أوصافا وتقاطيعا ومقاسا
كان دخل للحِلَهْ من بابا وشبابيكا وأساسا
كان اتْوَلد برَّهْ المُتاجرهْ
والمحاورَهْ والمصاهرَهْ والخساسهْ
كان تاب
وباع للصدقِ مجدو وذمّتو
يمرُق جديد
من حَر دهاليز النِخاسَهْ
من هدومِك يا مرازِل
يا مزابِل
يا مباخر للتعاسَهْ
يا مناكر
يا عساكر

يا ، سُعـــــاد
*****
فِك علَى كلب الحراسَهْ
يا تلاميذى العُزاز
فى يوم طويل مبطوح على صدر الزمن
اتلمّت الحِلَهْ
الحنينْه عشان وداعَك يا غروب
حُزن فارس
وكيف يصير فى لحظَهْ مولَى
كيف يجوز
يا عمدَهْ كيف؟
الذُّل مُصان
والحّب مُهان
والسجن أولى؟
كيف لقيت يا عُمدهْ كيف

للمجازر والخنازير والخناجر
فى رموش الغيم مَحَلَّهْ؟
كيف بنيت يا عُمدهْ كيف
من رماد حزن المآتم
من تُراب غضب المآتم
ليكْ ولى ضيفَك مَظلَّهْ
حِلَّهّ حادَّه
وإنتَ تزْرع فوق ضُوع الوادي حفْلَهْ؟
كيف يجوز؟
قد يجوز وقد يجوز
يا تلاميذى العُزاز
اكتبوا التاريخ
خمِستاشر سُعاد أوّل

ونفس الزول
نفس الإبداع
الدوش ياهو الدوش
رغم الفرق في العمر وعدد السنين والتحية لكل الدوشاب
#حكم_العسكر_مابشكر
@rattibha
رتبها مع الشكر

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد