واحد بحكي قال كنا قاعدين كلنا سوا في عزومة حقت صاحبنا، ولمت خلاص اتغدينا وشربنا الشاي وطبعًا ما شاء الله الصيوان حق العرس كان مليان ناس كبار وأطفال وكمية من الشباب بمختلف الأعمار ، المهم شفت صحبي طلع سجارة ولمن جاء يولعها عاين في الصيوان كدا ودخلها في جيبو قبل ما ينتبه ليو زول،
وقام مشى في حتة بعيدة من الصيوان وولع سيجارتو وشربها بمزاج.
قال لما سالتو عن السبب اكتشفت إنو صحبي ما دخّل السجارة عشان ما وقتها، أو يمكن خايف زول يشاكلوا من الناس الكبار ويقول ليو احترمنا زي ما كنت مفتكر، مع إنو من خلقو كدا ما بدخن قدام الناس الكبار
قال لما سالتو عن السبب اكتشفت إنو صحبي ما دخّل السجارة عشان ما وقتها، أو يمكن خايف زول يشاكلوا من الناس الكبار ويقول ليو احترمنا زي ما كنت مفتكر، مع إنو من خلقو كدا ما بدخن قدام الناس الكبار
لكن كان جنبنا أطفال وخايف أولع السيجارة قدامهم بكرة يمشو يحاكوني بي ورقة وبعدها بي سيجارة عديل وما معروف الحكاية تمش لي وين بي سبب، وأكون ضريت الأولاد بدون قصد وعلمتهم حاجة كعبة.
وحده حكت قالت :مشيت ناس صحبتي عشان طالعين عرس زميلتنا في الشغل، وجيت عند صحبتي نتمكيج مع بعض ونطلع نمشي الصالة زي ما بنعمل في أي عرس، وكالعادة طبعًا لمن أجي طالعة بسوق معاي تبيان بت اختي صغيرة كدا
بتحب تمش معاي اي حتة، المهم خشيت بيت صحبتي ومعاي تبيان، سلمت علينا وادتنا موية وقالت لي ارح سريع عشان نتمكيج ونطلع، بس قبل ما نبدأ ساقت تبيان مني وطلعتها برا وقالت ليها تعالي لي خالتو اللي هي أم صحبتي تونسك، طبعًا استغربت بس ما سألتها اتمكيجنا وطلعنا العرس.
قالت: لمن جينا راجعين من العرس سألت صحبتي قلت ليها لي سوقتي تبيان مني لمن جينا نتمكيج، وريني لإنو من قبيل الموضوع شاغلني لكن ياداب فضيت اسألك،
ردت لي :
ردت لي :
إنتِ قايلة المكياج دا حق الناس الصغار كمان، كان نحن ربنا يمكن ابتلانا بي حب المكياج - بالرغم من إنو ما مكياج فاضح- دا ما بخلينا نتمكيج قدام البت الصغيرة دي لإنو الأطفال عندهم حب التقليد وبكرة أو بعد بكرة تقعد تحاكي فينا وتتعلق بالمكياج بي سببنا نحن.
أكيد الموقفين ديل خلوك وقفت كتير واسترجعت عادات يمكن اكتسبتها من زول وإنتَ صغير بدون ما تحس، بس ما أظن تكون انتبهت لي حاجة نبهنا ليها الإسلام، تعال أذكرك بحديث رسول الله ﷺ
(من سن في الإسلام سنة حسنة فله أجرها وأجرمن عمل بها من بعده من غير أن ينقص من أجورهم شيء ومن سنَّ في الإسلام سنَّة سيئة فعليه وزرها ووزر من عمل بها من بعده من غير أن ينقص من أوزارهم شيء)
مهما كان خطأك بسيط ماتخلي طفل صغير اوكبير يتعلق بيه عشان ماتكسب سيئتك وسيئة غيرك بحاجة بسيطه
مهما كان خطأك بسيط ماتخلي طفل صغير اوكبير يتعلق بيه عشان ماتكسب سيئتك وسيئة غيرك بحاجة بسيطه
جاري تحميل الاقتراحات...