| ثريد
| المخيم مع بنات خالاتي🚫‼️
| المخيم مع بنات خالاتي🚫‼️
((اي السالفه صارت لي انا ياجويل ))السالفه قبل شهر ونص تقريباً بين الترمين طالعين المخيم مع خوالي وقررنا ننام ثلاث ايام واصلاً المخيم حق واحد من خوالي المهم يوم جاء يوم الثلاثاء ونروح المخيم ومبسوطين وسوينا فقرات الهبه كلها لين جاء تقريباً ساعه 11 او 12 بالليل
(طبعاً قبل مااكمل المخيم مره مره مره كبير يعني حرفيا تضيعين فيه غير انو فيه اكثر 20 خيمه وبعضها مهجوره يعني حاطينها شكل فقط )يوم جاء الساعه تقريبا 11 او 12 ناموا اهلي كلهم مابقى الا احنا البنات وعيال خالاتي ف جت اختي قالت بنات شرايكم نطلع الجووو يجنن ويمكن يجي مطر
وحده من بنات خالاتي ذروق مررره تخاف وماغير تقول بنات تكفون لا بالليل يخوف ومدري وش واختي وبنت خالتي مصرين يطلعون مايبون يجلسون وتعرفون اختكم جويل مايهمها شيء اهم شيء بتجيبون اكل بطلع معكم مارح تجيبون مارح اطلع المهم
المهم بنت خالتي مره رفضت تطلع وعصبت ونامت وقامت تدعي علينا تفلنا عليها وطلعنا انا واختي وثلاث من بنات خالاتي طلعنا وقعدنا فيه الدكه ومشغلين اغاني ومستمتعين فجاءه نسمع صوت مشي اللتفتنا شفنا خالي قال وش مقعدكم بالبرد ؟
طبعاً الي قرا ثريد الحجر اي حبايبي هو نفسه خالي ذا المهم قلت مالك شغل رح ناشب لنا هنا بعد قال انتي مين هرجك وبدينا نسفل بعدها سئل وين هديل ؟ قلنا المريضه خايفه ونامت قال هاوووو ؟ ومشى واحنا كملنا هبالنا اللين صار الساعه 2 تقريباً شفت الباب حق المخيم الي قدام يتحرك يمين بالله
طبعاً استغربت قلت شكله هواء وسكت وكملت بعدها بديت اركز بالمكان عرفتوا الي شاكه فيه احد وشاكه انو هواء المهم دقيت على خالي الي حقه المخيم مو الحقنه الي اتهاوش معه قلت له خال الخيمه الي قدام الدكه يتحرك الباب فيها احد قال لا بس يمكن العامل بياخذ الحطب منها قلت اكيد قال ....
قال مدري بس انا موصيه يجيب حطب عشان الصبح يشبه لكم قلت اوكي وسكت وسكرت على الموضوع وحطيت في بالي انو العامل بعدها قالوا البنات جوعانين شرايكم نسوي فطور قلت تممم جوي جوي المهم دخلنا المطبخ وقعدنا نحوس وقالو جويل جيبي الولاعه من خالتي مغبيته عشان الاطفال مايلعبون فيه قلت تمام
وتوني طالعه من المخيم الا اللمح احد يمشي من ورى المخيم جسمه اسود وراس ابيض مدري ماركزت لانه لمحه عرفتوا انا هنا تعرفون الي جسمكم صار حار من الروعه ولا ودي اقول للبنات بيقعدون يصارخون وبذات اختي عليها صوت تقوم الي مايتقوم بعدها مشيت وانا يدي بقلبي خايفه مرررره
وبعدها توقعت خالي الحقنه مسوي كذا عشان يخوفنا واركض الكرفان ابي اتاكد اذا مو موجود يعني هو اذا موجود والله يعني مدري مين بس بصارخ المهم واركض وادخل الا اشوف خالي الحقنه قدامي وتطير عيوني وشفايفي صارت بيضاء حتى هو ارتاع قال وش فيك انتي !!!!!
قلت خال والله شفت احد يمشي قال وين شفتي قلت بالخيمه قدام الدكه خيمة الحطب الباب تحرك وتو يوم طلعت من المطبخ شفت احد يمشي ويمين بالله اصيح صياح اشاهق وفجاءه اشوف يضمني مو من عادته المهم واصيح قال لاتعلمين احد طبعاً بوريكم المكان الي شفته منه الشخص الي يمشي 👇🏻هاذا المكان
المهم قال لاتعلمين احد لاتروعينهم يمكن انتي تتوهمين قلت والله مااتوهم واصيح منقهره انو ماصدقني وبنفس الوقت خايفه قال امشي نشوف ونتاكد وتونا نمشي دقوا بنات خالاتي وينك طولتي قلت لهم شويه وبجي بالحمام انا الله يكرمكم المهم ونمشي وانا اصور عشان اثبت بعدين انو فيه احد وبعدها....
وبعدها لمحت احد وقعدت اثبت جوالي واصارخ واقول خاللللي شففففف ويشوف ويسمي ويقرا قران قسم بالله عندي الصوره ف اذا شفت فيه تفاعل رح انزل وبكمل وش صار واذا ماشفت رح اوقف لين هنا 🛑🛑
مع الاسف مافيه تفاعل ولا زياده بالفولوا وبالعكس قاعد يقل ف احتمال مارح يصير فيه تكمله 💔🛑 لكن سوو رت ومنشنوا الي عندكم وروحوا للهوامير وحطو ثريدي يمكن يصير فيه تفاعل وزياده بالفولوا واكمل 🤍🤍
وفيه صوره ل شيء الي شفته على فكره واذا كملت رح انزل الصوره
واذا كملت رح اخلي حسابي برايڤت ف اذا ماسويتوا فولوا سوو
المهم ونمشي ونقرا قرآن وانا اصيح ومرتاعه وكان الي نشوفه شبه يركض وهاذي الصوره 👇🏻وانا اصيح وخالي يروح لكن ويقرا قران وانا اقوله وقف تكفى وقف واللله بيسوي فينا شيء وهو صامملللللل بيروح ويقرا قران لين راح والي تشوفونه ذا وقف وفجاءه..
اسفه لكن والله مره كثيرين قالوا لي خلي التكمله بالليل ف تكمله بتكون ساعه 12 بالليل ف فعلوا عشان اول ماانزل يجيكم ولاتخافون مارح ازعجكم مارح انزل الحين ولا شيء بس اذا جت الساعه 12 بكمل الثريد 🤍🤍عاد جهزوا القهوه
موجودين اكمل ؟ لاتخافون رح اكمل بدون مقاطعه 😭😭😭
وفجاءه وقف وقفنا احنا وسمينا بالله وسأله خالي من انت مايرد علينا قال خالي تبي شيء؟ولا يرد كان منظره غريب ياجماعه والله غريب مظهره لكن تحسونه شايب المهم وقف دقيقه ومشى ونحاكيه ولا يرد علينا اللتفت خالي قالي شكله شايب بعدها
بعدها انا قاعده اصيح من الروعه واخرها صياح ويبي خالي يواسي ولا عرف اللتفت علي قال واخزياه وين عبايتك او شالك طالعه عند الرجال كذا قلت وين العبايه واقعد اهبده واجلده ابي اطلع الحره الي فيني وهو ياعمري يبي يواسيني 😭😭😭
وكانت ذيك اللحظه اول مره نقعد انا وخالي مانتهاوش جاء عندي وقعد يقنعني ويحاول ينسيني الموضوع وتطرقنا على مواضيع الدين والقصص وخلاص حسيت الموضوع عادي يعني ومن بعدها صرت اهتم ب اذكاري ليل ونهار 🤍🤍 وعاد توني سائلته عن شايب وكان رده لي 👇🏻
لحد يجي ويقول خالك حليل لا حبايبي بس لايغركم تراه يسفل فيني ليل ونهار هههههههه😭😭😭😭😭😭😭😭 وبس والله وانتهى الثريد ونسيت الموضوع وجاء على بالي وقلت خلني اقوله لكم وان شاءللله استمتعوا وزياده تكفون اقروا اذكاركم ليل ونهار 🤍وتصبحون على خير
جاري تحميل الاقتراحات...