مساءكم فل ❤️
عايز اكلمكم النهاردة ف ثريد مطبخي هام لكن فى البداية عايز اقولكم ان ٧ من كل ١٠ من اللى هيشوفو الثريد ده عندهم " رُخامة " مطبخ بخامة من ال 4 دول او قريب منهم 👀
اما ال 3 من ال 10 الباقيين ف بيطلعو صواني البطاطس على خامات تانيه ف تعالو احكيلكم كده مين دول كلهم
عايز اكلمكم النهاردة ف ثريد مطبخي هام لكن فى البداية عايز اقولكم ان ٧ من كل ١٠ من اللى هيشوفو الثريد ده عندهم " رُخامة " مطبخ بخامة من ال 4 دول او قريب منهم 👀
اما ال 3 من ال 10 الباقيين ف بيطلعو صواني البطاطس على خامات تانيه ف تعالو احكيلكم كده مين دول كلهم
اولا خلونا نتفق ان الناس معادن و خامات ف هتلاقي الشخص الحساس و اللى بيتجرح و اللى بيتكسر واللى قادره عالتحدي و المواجهة واللى مش قادر خالص و كذلك خامات النهاردة ☝️
نبتدي بقي ب اول اكذوبة امهاتنا و اجدادنا ضحكو علينا بيها و هي انهم سمو طاولة الاعتراف اللى فى المطبخ دى ب رُخامة المطبخ و اللى هي باحتمال كبير جدا معمولة اساسا من خامة الجرانيت "المصري" المحترم اللى تعب و شقي عشان ياخد المكانة دى تعالو اقولكم ليه
الجرانيت المصري الجدع الطبيعي ذو البشرة الملساء -فى الاغلب- ضيق المسام رباني بدون سكين كير روتين او فلاتر لذلك على عكسك عزيزي المتابع هو عاشق لمياه و صابون المواعين و لا يهاب ولا يخاف من اي كيماويات
صلابة سطحه خليته يجرح ولا ينجرحش تقطع عليه مايتخربشش تنزل عليه بساطور و ميتدشملش ومن هنا نقول ان الجرانيت المصري هو صديق المطبخ الاجدع على الاطلاق لانه
يستحمل رش المايه و مش شايفها عداوة
يستحمل التجريح و ميقلش ادبه
يستحمل المواد الكيماوية و ميبقعش
والاهم ان سعره حنين جدا
يستحمل رش المايه و مش شايفها عداوة
يستحمل التجريح و ميقلش ادبه
يستحمل المواد الكيماوية و ميبقعش
والاهم ان سعره حنين جدا
واحد يقولي طب و ليه مبنستخدموش علطول اقوله كلنا مليانين عيوب يابني و عيب الرخام المصري هو ان استغفر الله العظيم شكله صعب حبتين بسبب الحبيبات بتاعته و اشكاله المحدوده ف اللى مهتم بالشكل اكتر من قوة التحمل مش هيحبه
والناس دي زي القرع تمد لبره ف قررت تروح تدور بره و تروح لمنافسه 😱
والناس دي زي القرع تمد لبره ف قررت تروح تدور بره و تروح لمنافسه 😱
عشان انا مصري دمي حامي ف مش هطول مع المنافس وهو الجرانيت المستورد ابو عين ملونه وهو اهدا حبتين من المصري و فى منه اشكال و الوان اكتر - الصورة عينات- ولكنه اقل مقاومة للبقع عن الرخام المصري الجدع و اغلي منه كمان و هنا نكون خلصنا اهم خامة بتستخدم فى سطح المطبخ و نروح لتاني خامة 🤸♂️
نرحب بقي بدلوعة الخامات اللى راس ماله فى شروخه و جراحه محبوب الجماهير وهو الرخام
الرخام اشيك بكتير من الجرانيت واشكاله اكتر بكتير منه - اللى فى الصور عينات برضه مش كلهم طبعا - و بتليق علي ديزانات - اه جمع ديزاين - اكتر و لكنها مش الخامة المحبذة اوي للمطبخ و تعال هنا اقولك ليه ☝️
الرخام اشيك بكتير من الجرانيت واشكاله اكتر بكتير منه - اللى فى الصور عينات برضه مش كلهم طبعا - و بتليق علي ديزانات - اه جمع ديزاين - اكتر و لكنها مش الخامة المحبذة اوي للمطبخ و تعال هنا اقولك ليه ☝️
الرخام مساماته واسعه ف بيخاف من المواعين و المايه خاصة لو تجزيعاته كتير و بيسوس و يضعف وكمان النوع الفاتح منه حساس زيادة كمان ف محتاج معامله خاصة مع الكيماويات و الحرارة عشان بيبقع و بيبهدل الدنيا نقدر نقول ان الرخام واحد من التجمع شكله شيك و مهتم بنفسه لكن مبيشتغلش تحت ضغط 🤦♂️
الخامة القادمة هي ليك ياصديقي مفتقد الدفئ و الحنان و سبب الثريد ده كله وهي الخشب الطبيعي - ال mdf او الصناعي ده كارثة ف سطح المطبخ مش هتكلم عنه -
الخشب شكله حلو جدا و بيدي شعور حلو بالحميمية و الدفئ في المطبخ و اشكاله متنوعه و تجزيعات و حركات و تكات و لكن ☝️
الخشب شكله حلو جدا و بيدي شعور حلو بالحميمية و الدفئ في المطبخ و اشكاله متنوعه و تجزيعات و حركات و تكات و لكن ☝️
الخشب فيه مسام حتي و ان تم معالجتها مع الاستخدام هتفتح ف هو مش احسن مقاوم للمايه -ماعدا نوع اسمه تك- ولا الحرارة
ف الخشب خامة مرهفة و بتنجرح بسرعة ف متقرصش عليها ف الاستخدام عشان هتفرقع منك و هتجيبلك حشرات و هتبهدلك ف ممكن تستخدمها ف كاونتر بعيد عن الماية وشقاوة المطبخ دى
ف الخشب خامة مرهفة و بتنجرح بسرعة ف متقرصش عليها ف الاستخدام عشان هتفرقع منك و هتجيبلك حشرات و هتبهدلك ف ممكن تستخدمها ف كاونتر بعيد عن الماية وشقاوة المطبخ دى
خلصنا الخامات الطبيعي بقي نخش فى ابداعات الانسان و نخش ف خامة مهمة و هى الراعي الرسمي لكل مطاعم العالم و اللى ياما حطيت فلوسك عليها مقابل حصولك على شهوة البيج تايستي كومبو لارج احب اعرفك على على اقرب اصدقائك اللى متعرفهوش وهو الكوووريااان او الرخام المصنع ☝️
الكوريان مادة فمنتهي الحلاوة هى بنفس حلاوة و اشكال الرخام بس مش مساميه و مضادة للبكتيريا و الاهم من ده كله انها "عجينة" و عندها مرونة ف التعامل اكتر مننا احنا شخصيا تشقلبها بقي تعمل منها الحوض ف الرخامة زي مانت عايز و لكن 🤦♂️
الكوريان مضاد ممتاز للمايه و البكتيريا عشان كده بيستخدم اكتر ف الحمامات و الكاونترات و لكنه مرهف الحس و بيتجرح و بيتلوسع من الحرارة ف هتحتاج تجيب البتاع المدورة اللى عندنا و مش عارفين اسمها دي او تبعد عن وش امه الحرارة و السكاكين و جو شيف شربيني ده عشان هو غالي سيكا و مش وش بهدله
من باب انى اكون لميت اكبر عدد من اسطح المطابخ و اخد نفسي فى النص برضه عشان لسه فى خامات تانيه
كان فى حد سألني عن مطابخ ايكيا ف احب اقوله انى زمان نزلت ثريد كامل عن ايكيا و اتكلمت فيه عن المطابخ كمان تقدر تشوفه من هنا 👇
كان فى حد سألني عن مطابخ ايكيا ف احب اقوله انى زمان نزلت ثريد كامل عن ايكيا و اتكلمت فيه عن المطابخ كمان تقدر تشوفه من هنا 👇
فى والعياذ بالله ناس بقي بتعمل الكاونتر توب بتاع المطبخ سيراميك او موزاييك و دول يعنى الله يكون ف عونهم مع مرور الوقت عراميس السيراميك هتبقي مزارع بكتيريا و مش هتبقي نضيفه و يعنى مش عارف ليه حد ممكن يعمل ف نفسه كده بس ساعات بيبقى شكلها حلو هى موفره جدا صباح الفل يعنى
فى خامة بقي انا سقعت و انا بكتبلكم عنها والله هى عمليه جدا فى مطابخ المطاعم الكبيرة تحديدا اللى فيها هرس كتير بقي و هي الستانليس و دى مادة مقاومة للصدأ و بتاعت مهام صعبه خبط و رزع بقي و لكن طبعا شكلها مش احسن حاجة و بتتجرح و تحسك داخل تقطع جثة لسه قاتلها من خمسايه
فى ناس بتستخدم الازاز السيكوريت وهو شكله لطيف و مقاوم للخدش و فى ناس بتحط تحتيه طباعة او لون و بيكون ب سمك كبير عشان يبقى مقاوم للحرارة و عشان مراتك متقدرش تشيله تكسره فوق دماغك و يستحمل يتفتح فيه احواض و اللاذي منه
و ننتقل الان الى اخر خامة وهى الخامة الاقوي على الاطلاق 💪💪💪
و ننتقل الان الى اخر خامة وهى الخامة الاقوي على الاطلاق 💪💪💪
الخامة اللى لو الدنيا كلها جت عليها تشيلها و تقولك زود
اللى لو شتمت فيها للصبح عمرها ماتتجرح
اللى واخدة جمدان الجرانيت و حلاوة الرخام و نضافة الكوريان
الخامة اللى ان شاء الله @yasminesabri هتشجعني و تعمل كوت و تطلع مستخدماها فى مطبخها و هى
الكوارتز - الجرانيت المصنع - 🥳🥳
اللى لو شتمت فيها للصبح عمرها ماتتجرح
اللى واخدة جمدان الجرانيت و حلاوة الرخام و نضافة الكوريان
الخامة اللى ان شاء الله @yasminesabri هتشجعني و تعمل كوت و تطلع مستخدماها فى مطبخها و هى
الكوارتز - الجرانيت المصنع - 🥳🥳
اقول فيه ايه ولا ايه كامل الاوصاف ياجدعان مقاومة مايه على بكتيريا على مقاومة حرارة على صلابة على شياكة وهو اساسا حجر طبيعي و اضافو عليه شوية مركبات كيميائة و كل ما هو لذيذ لحد ماطلعلنا هذا السطح الاملس الحليوة اللى يستاهله كل مطبخ ف الدنيا و لكن 😭
الكوارتز مفيهوش الا عيبين واحد منهم عادى وهو انه مش بنفس ليونة الكوريان لانه صلب ف بيتقطع الواح زيه زي الرخام كده و الجرانيت كده و فواصله بتبان ف ده مش عيب اوي يعنى
و العيب التانى انك عمرك ماهتعرف تشتريه عشان غالي فاااهشخ 😭
اكيد ابو هشيمة مش مستخسرها ف بيته
و العيب التانى انك عمرك ماهتعرف تشتريه عشان غالي فاااهشخ 😭
اكيد ابو هشيمة مش مستخسرها ف بيته
و بس كده الموضوع سرح مني و حبيت اقولكم كل اللى انا عارفه و فى خامات اختصرتها كده و اكيد طبعا فى منكم ناس عارفه اكتر كمان و ابقو اعملو كوت وروني مطابخكم فيها اى نوع من اللى قلتهولكم ده 👀
يارب يكون الثريد عجبكم و كملتوه للاخر و اشوفكم الثريد الجاي ❤️
يارب يكون الثريد عجبكم و كملتوه للاخر و اشوفكم الثريد الجاي ❤️
فى خامات انا مجبتش سيرتها عشان متعاملتش معاها و فى حاجات مينفعش تتذكر اصلا
حاجة زى الاكريليك المجلفن ده بيبقى مكبوس على mdf اصلا ده ضعيف جدا ضد المايه وبينفش ومش مقاوم للحرارة هو منظر بس
و الايبوكسي متعاملتش معاه قبل كده بس فكرته قريبه من الكوريان
وال wpc مشفتوش ف مطابخ قبل كده
حاجة زى الاكريليك المجلفن ده بيبقى مكبوس على mdf اصلا ده ضعيف جدا ضد المايه وبينفش ومش مقاوم للحرارة هو منظر بس
و الايبوكسي متعاملتش معاه قبل كده بس فكرته قريبه من الكوريان
وال wpc مشفتوش ف مطابخ قبل كده
جاري تحميل الاقتراحات...