كثير منا عنده مبلغ بسيط ووده يدخل عالم الاستثمار لكن ما يعرف كيف يبدأ,هل يدخل عالم الأسهم؟العملات الرقمية؟هل المضاربة او الاستثمار طويل الأجل افضل؟هذا الثريد بتكلم عن كيف تبدأ بالأستثمار وتبني خطة استثمارية و تحدد استراتيجيتك هذا الثريد مهم لكل شخص يبي يبدأ او يفهم عالم الأستثمار
ملاحظة: لابد ان تكون فاهم شيء اساسي وهو ان كل شخص له اوضاع تختلف عنك, ومافيه شيء في الأستثمار دائما صحيح, وكل واحد له توقعات ووجهات نظر مختلفة ومدارس استثمارية هو يتبعها, فالأفضل لك ان ماتتبع اي شخص يعطيك اقتراحات او توصيات من دون ماتتعمق وتفهم سبب التوصية.
اولا: قبل ماتبدأ في عالم الأستثمار لابد ان يكون عندك هدف أساسي لدخولك للتداول, هل تبي تحافظ على رأس مالك؟ ودك تشتري بيت ؟ توزيعات دورية ؟ تجمع فلوس لبعد التقاعد؟ لازم يكون عندك هدف انت تحطه لأن لكل هدف معين لازم يكون له خطة واستراتيجية مختلفة تتبعها.
ثانيا: بعد ماتحدد هدفك لابد ان تضع لك فترة زمنية محددة " اطار زمني " , فتقول مثلا انا ابي احط فلوسي لمدة 20 سنة او 10 سنوات, 6 شهور, والمهم انك تلتزم التزام قوي وماتطلع فلوسك اللي استثمرتها الا بعد ماتنتهي الفترة اللي انت محددها.
ثالثا: في هذا الخطوة من بناء خطتك لازم تحدد وضعك المالي من عدة نواحي مثل, كم الكمية "اللي ماتحتاجها من راتبك"اللي ودك تدخل فيها,كم راح تاخذ من راتبك كل شهر لتدخله في محفظتك, كم السيولة اللي تحتاجها في المحفظة, هذي الاسئلة تعطيك تصور اكبر وتساعدك على انك تسوي ميزانية جيدة لأموالك.
رابعا: تحملك للمخاطر: هذي الخطوة مرتبطة بأهدافك. القاعدة الأساسية هي " كل ماكانت الفترة الزمنية للوصول لهدفك طويلة , اصبح تحملك للمخاطر أعلى, اما اذا كان هدفك قصير الأجل لابد ان يكون تحملك للمخاطر اقل". لأن كلما كان الوقت اطول كان تعويضك لخسايرك احتماليته اكبر على مرور السنين
فمثلا لما يكون عمرك 20, فسهولة انك تعوض خسايرك اعلى من شخص عمره 59 وقريب من التقاعد, فكل ماكان عمرك اصغر كل ماكان قدرتك على تحمل المخاطر اعلى ,وكل ما كان عمرك اكبر كان المفروض اختيار استثمارات اقل خطورة .
الصورة الأولى توضح لك الأستثمارات من الأقل الى الأكثر خطورة " كلما كثرت الخطورة زادت العوائد" الصورة الثانية تشرح لك بناء على عمرك وعلى اهدافك كم مقدار العوائد وقدرتك على تحمل الخطورة والسيولة اللي تحتاجها اللي من الأفضل ان تبنيها لأستراتيجيتك الأستثمارية
معلومة اضافية: تحملك للمخاطر تعني انك تستطيع ان تدخل في استثمارات ذات تقلبات قوية, والخطورة في عالم الأستثمار لاتدل على امر سيء. فعندما نقول استثمار خطير فهذا يعني ان الأرتفاع او الأنخفاض في السعر راح يكون جدا عالي , فربحك ممكن يكون عالي او خسارتك تكون عالية.
خامسا: بعد ماتحدد اهدافك والإطار الزمني وتحدد تحملك للمخاطرة, تجي هنا وتحدد استراتيجيتك للأستثمار, فلما يكون عندك تصور واضح لخطتك هنا تقدر انت تتعلم اكثر بالأساليب والأستراتيجيات اللي تدعم نجاح خطتك. فتقدر تقسم محفظتك وتجعل كل مبلغ يمثل اسلوب
فمثلا اذا كانت فترة استثمارك طويلة وعمرك صغير من الممكن انك تخصص مبلغ بسيط للمضاربة او للبتكوين ( 10% مثلا من قيمة المحفظة) " لأن خطورتهم عالية " اما اذا كنت مقبل على التقاعد او عندك التزامات اخرى, فمن الأفضل لك ان تختار استثمارات خطورتها اقل لتجنب التذبذبات والخساير العالية
سادسا واخيرا لاتنسى تشيك كل فترة على استثماراتك اذا كانت وفق معايير الخطة المرسومة وتتأكد ان النتايج وفق اهدافك اللي وضعتها في الخطوات السابقة, وبكذا تقدر انت تطور نفسك بنفسك وتعرف كيف تلتزم بخطتك وتستثمر صح.
وأخيرا :من المهم انك تلتزم دائما بخطتك اللي رسمتها ولا تشيل هم الأحداث اللي تصير بالسوق بما انك واثق في خطتك وأهدافك. وبدلا من انك تسأل عن التوصيات وتقول وش افضل سهم, تكون انت عارف "بناء على خطتك " هل السهم هذا جيد اني اجعله في محفظتي او انه يخرب الخطة اللي انا راسمها.
جاري تحميل الاقتراحات...