رتبها

Husam

11 تغريدة 20 قراءة Mar 03, 2021

اولاً، شكراً جزيلاً للمشاركة...
في الثريد دا حنقوم ننظر لموضوع دراسة السوق بشكل عام تحت مثال "السوق العقاري السكني"، واللي هو جزء من دراسة بنعمل فيها، بعد تخلص ح اشير الجزء الغير مضر بال #بزنس بتاع ال clients...

عامة، دراسة السوق الغرض منها هو الوصول لتلاتة حاجات رئيسية:
١. بروفايل الزبون، بمعنى الزبون اللي حيشتري المنتج او الخدمة، نوعه شنو؟ وقاعد وين؟ ومعاه كم؟ والبيشده شنو؟
٢. بروفايل المنافس، بمعنى منو المنافسين، سواء في نفس المجال او بينافسه المجال على جيب الزبون؟
٣. حجم السوق...

طيب، اول حاجة بتتعمل، ودي الكانت في الاستبيان دا، هي ال echo، واللي هي الاسئلة اللي بتخلينا نحن العاملين الاستبيان نستعدل مسلماتنا، عشان نعمل استبيان غير متأثر بافكارنا الشخصية...
وتحليلها كالاتي 👇🏿

الاسئلة دي تقاطعها بيودي لان معظم الناس الجاوبت بتقبل مفهوم المجمعات السكنية المتكاملة، او "المدن الصغيرة" على اساس انهم عايزين يكونوا في "بيوت" مستقلة وتعتبر داخل المدينة (ودا الخاضع للتسويق) بتعريفها البيضعه المسوق او المطور...

وتقاطع الاسئلة التلاتة دي مفاده ان العقار السكني عنده اولوية عالية عند الزبون، ودا بيدي المسوق القوة في ان يطرح منتجات او خدمات خصماً على تفضيلات الزبون اعتماداً على طرح خيارات محدودة مستقوي بالرغبة الشديدة في مفهوم الامتلاك نفسه...

السؤال دا اجابته مثيرة للاهتمام بالنسبة لي، ارتباط تفضيل الموقع ب "الحي اللائق" اداة تسويق مثالية، باعادة تعريف "اللائق" دي لمصلحة #البزنس ...

تقاطع الاسئلة التلاتة دي في حد ذاته ملفت لنظر المؤسسات العندها قروش، بشكل اكبر من البنوك، ولو كنت مسوقاً الحاجة دي، لاتجهت لمؤسسات زي الاجهزة الاستثمارية للهيئة القومية للاتصالات، والضمان الاجتماعي، وشركات التأمين الاستثمارية...

نتيجة السؤال دا مدهشة بالنسبة لي، ومؤكده للنتيجة الاولى فوق

تقاطع الاسئلة التلاتة دي دليل على ان كل المساحات الفاضية حول العاصمة بمدنها التلاتة، تصلح لان تكون "مدن صغيرة" اذا توفر فيها شروط انها "مدن". يعني مخدومة بالكامل...