ليه ما تسوي حاجة غلط حتوصلك لنتيجة صح؟!

ياريت نفرق أول حاجة بين الغلط والحرام.. كل حرام غلط، بس ما كل غلط حرام 🌚

المهم في عبارة دائما بأرددها ما عارف جبتها من وين، اسمها زراعة القيم، وأسهل طريقة إنك تزرع في نفسك قيمة، هي إنك تكذب كذبة وتصدقها ببساطة..
في كل موقف ردد في نفسك أو في العلن جملة " كلام الناس ما بيفرق معاي" حتى لو كلام الناس بيأثر فيك شديد، كذب الكذبة.. ومع الوقت فعلا حتلقى نفسك

بقيت ما مهتم بكلام الناس زي زمان لأنك صدقت كذبتك.
مثال تاني بس على النقيض تماما، لو فجأة قررت تكذب على نفسك وتقول أنا إنسان منعزل وبأحب الوحدة، مع الوقت حتلقى نفسك صدقت كذبتك وبقيت تقعد مع نفسك معظم الوقت، وحتى لو كنت منعزل فعلا من الأساس، حتلقى نفسك بعد ما بقيت تردده زاد انعزالك

رتب @rattibha