صباح الخير ..
التعرض الدائم لآراء الناس الكتيرة ف اي حوار يفسد القلب ويشتته ..
هياخد جزء كبير من وقتك علي ما تعرف تعمل mix بين رأي الشيخ الي شايف إن المرأة محيراه ، وسيشن لناس مانعرفهاش بقينا نحلله ونحرمه ، وتريند لصورة من فيلم مالوش ستين لازمة بقي يتنشر ف اي موقف فرح او حزن

ويتحط عليه نصايح دينية كمان
وموسوعة من العك الفكري ، بين مؤيد ومعارض إنتي مهروسة ف حين إن حياتك مش هتتغير للاحسن خالص لما تعرفي رأي فلان ف حاجة إنتي ما تعرفيهاش أصلا !
وبقي اي حد يحط رأيه ويصب شخصيته ف استيت او ف بوست ودي حرية طبعا بس إنت

نقي نوع قعادك ع السوشيال ، «التصفح» مش نيّة لفتح الداتا بتاعة تليفونك ، تخيل تمشي ف الشارع تسأل كل واحد عن رأيه ف حاجات غريبة!
ودينك ما بيتاخدش من بوست ، ما بيتاخدش من رأي شيخ ماتعرفوش ع صفحة رد ع رسايل الآسك ، دينك وشخصيتك مش ملطشة ، دة غير طبعا نشر السلبية وحالات الكاتينج

والاغاني الحزينة والدموع الي انت مش حاسس قد ايه هم بيشوهوك أصلا وبيأثروا عليك سلبا..
وترجع تقول ، مش حاسس بالصلاة .. مش عارفة أذاكر ، *مخنوق منغير سبب* والسبب مش بيبقي حد معين ولا إنك تقلت ف الغدا ، دة إجهاد لعقلك وقلبك ف حاجة حرفيا مالهاش أي لازمة

ف بما إن لبدنك عليك حق ف صحتك النفسية والجسمانية مسؤوليتك وتفريطك فيها خسران كبير
راجعي اولوياتك من كل موقع من مواقع التواصل واللي مالوش لازمة غير «التصفح» يتحذف فورا ..