جاية عليك امتحانات وكاتمة شديد؟ كل فتره بتقوم من القراية وتمشي المطبخ تشرب مويه وتاكل ليك حاجة وتجي راجع؟ رايك شنو اساعدك واوريك كيف تدخل حاجات مفيدة في الموضوع ، كيف تعرف تختار تاكل أكل يقلل من توتر القراية والقلق ويحافظ على تركيزك 💅😌..
ركز معاي
يلا نبدأ 👇
ركز معاي
يلا نبدأ 👇
اعتقد الحاجة دي خلال الفتره الجاية ح تكون متوفره جداً الا لو كنت سنغل وما عندك زول يجيبها ليك في الفلانتاين.. الشوكولاتة حبيبه الملايين بتساعد جدا في محاربه القلق وهي مضادّ طبيعي للاكتئاب، بسبب غناها بمواد شبيه من الأمفيتامينات وخصوصاً الشوكولاتة الداكنة، فا شنو كترو منها
والمادة التانية العايزة تظهر لبست اصفر، حبيبنا الموز، معروف انو مهدئ عام للجسم، ويعمل على معالجة المصران ،و تنظيم ضربات القلب وتوازنها بفضل غناه بالبوتاسيوم الذي يعمل على زيادة نسبة الأوكسيجين في الجسم ويطرد السموم، كتروهو في سلطه الفواكه لانو معروف الموز بالمعالق يمنع الملاحق
المثير للاهتمام انو حتى البرتقال ممكن يقلل الاضطرابات النفسية والتوتر، يعني ناس برتقال مركز واحد جنيه ممكن يخلوك ترجع البيت وانت ناسي سخانه العربي، وعليه كبايه برتقال قبل القراية بتخليك سوبرمان قدام المراية
مستحيل نجيب سيرة البرتقال وننسى ود عمو الجزر، اغلب المواد المتوفره في دا متوفره في التاني عشان كدا الاتنين بزيدو التركيز عن طريق يخلوك تقلل التوتر ، ما تنسى المرة الجاية شيل معاك جزرة، ورجاءً ما تاكل بي صوت لمن يكون معاك اصحابك
تاني عندنا العلاج السحري لي حاجات كتيرة، طبعا ما المورينغا عشان م تسرح بعيد.
العلاج هو الشاي الأخضر، ي جماعة بعيداً عن ثريد القراية دا بس الشاي الأخضر دا حاجة فوق الوصف كترو منو في اي حاجة خصوصاً الزمن دا الكلو اكل بسمم وفيهو كيماويات فااا شنو عليكم بالشاي الأخضر لمستقبل أخضر
العلاج هو الشاي الأخضر، ي جماعة بعيداً عن ثريد القراية دا بس الشاي الأخضر دا حاجة فوق الوصف كترو منو في اي حاجة خصوصاً الزمن دا الكلو اكل بسمم وفيهو كيماويات فااا شنو عليكم بالشاي الأخضر لمستقبل أخضر
انا عارف الرطل غالي بس ي جماعه اللبن مفيد ضد الاكتئاب والقلق وتوتر الامتحانات، اللبن مليان بكتريا بروبايوتيك، م تخاف دي بكتريا كويسه بتزبط ليك البطن كويس ومعروف اصلا انو البطن لمن تتزبط الراس براهو بزبط.
بس اختو اللبن الزايدنو موية عشان نتيجتك م يزيدوها مويه
بس اختو اللبن الزايدنو موية عشان نتيجتك م يزيدوها مويه
في تاني حاجات تانيه بس منو العندو أفوكادو في البيت أو سمك السلمون او التوت البري وفي برضو حاجات م قلناها لانو ضد الدين وكدا يعني
فا شنو العقل النصيح في البطن الفسيح في الأكل المليح ينجيك سوء التصحيح والشغل القبيح
فا شنو العقل النصيح في البطن الفسيح في الأكل المليح ينجيك سوء التصحيح والشغل القبيح
جاري تحميل الاقتراحات...