تعالوا كدي نصبح بموضوع الكهرباء ده شوية، ونوريكم حاجة بتخلع الزول من السجم، بس طبعاً حكومة السجم ماقاعدة تتكلم عنها خالص، وهي: مشكلة توزيع الكهرباء.
طبعاً نبدأ بمقدمة بسيطة بخصوص ٢٠٢٠؛ واللي فيها كان أقصى طلب ٣٣٣٠ ميغاواط، و طبعاً أنا بي كل سذاجة كنت متوقع حنقدر نولد في وقت (١
طبعاً نبدأ بمقدمة بسيطة بخصوص ٢٠٢٠؛ واللي فيها كان أقصى طلب ٣٣٣٠ ميغاواط، و طبعاً أنا بي كل سذاجة كنت متوقع حنقدر نولد في وقت (١
الذروة ٢٩٠٠ ميغاواط، بس طلع نحنه ولدنا ٢٥٠٠ ميغاواط بي عجز ٨٠٠ ميغاواط. وضيفوا فواقد كمان بتساوي ٢٠٪.
نمشي للمهم هنا، وهو موضوع التوزيع، وقدر شنو هو مهم ونسأل: هل عندنا مشاكل فيهو؟ السؤال هو بالعكس، ومفروض يكون: هل كان مرة عندنا توزيع كويس؟ (٢
نمشي للمهم هنا، وهو موضوع التوزيع، وقدر شنو هو مهم ونسأل: هل عندنا مشاكل فيهو؟ السؤال هو بالعكس، ومفروض يكون: هل كان مرة عندنا توزيع كويس؟ (٢
أ) نحنه سجمانين جداً في التخطيط، وعندنا مشاكل في تحديد الصناعي، السكني، والزراعي. وكمان أصحابنا في شركة التوزيع بيلقوا مشاكل في أنه الخرائط البتجيهم مامخططة زاتو. ومابس كده، الناس ديل بتعاملوا مع العمران زي تعامل الحاج مع الآيفون، قايل أنه مامحتاج Update، و كأنها مافي أحمال (٣
بتزيد، ودي نقطة حنجيها في موضوع أسلاكنا الناقلة السجمانة، وكمان حبايبنا -وده بتعبير المدير العام لشركة النقل نفسه، المهندس أمين عثمان- بيعتبروا أنه حي الدرجة الثالثة "تحوّل بقدرة قادر لحي درجة أولى، والبيت تحوّل لعمارة". يعني إنته كمواطن، قايلنك قاعد ساي. (٤
ب) نجي لي موضوع الأسلاك السجمانة والشبكات، طبعاً شبكاتنا معظمها هوائية و منتهية في معظم المناطق، و طبعاً الشبكة بتتعمل وبتتوصل بدون ماحبايبنا يشوفوا هي مطابقة المواصفات ولا لأ. كمان فيه مشكلة أنهم مفلسين، بعيد عنك!!
ج) إستعمل عدادك كويس، و أوعك تبوظه؛ لأنه أصحابنا ديل مفلسين (٥
ج) إستعمل عدادك كويس، و أوعك تبوظه؛ لأنه أصحابنا ديل مفلسين (٥
وطبعاً صناعة العدادات اللي بتحتاج مواد خام و أولية، ودي حسبتها «بالضولار»، ماعندهم ليها طريقة. وكمان، ياحبة، عندك مشكلة كمان في الأعمدة، فشنو، أعملوا حسابكم وماتكسروا عمودكم لأنه مصنع الموردة بتاع الأعمدة الكهربية، واللي بتصنع الأعمدة ذات المواصفات، واقف ليهو زي ٦ شهور 😂 (٦
وطبعاً السبب معروف: الفلس الشديد. وطبعاً مافي اول يعتقد أنه تعديل التعريفة حيجيب حلول؛ لأنه التعرفة الحقيقية لسه قليلة، وكمان ياحبة بتنباع بالخسارة لو هي توليد حراري، وبأقل من ١سنت للكيلواط، وهي تكلفتها ٢٠ ضعف ده. وكمان المشاكل دي شركة وحدة بس تابعة للشركة القابضة، وحالة الفلس (٧
داقة ومبشتنة الشركة القابضة للكهرباء و أتباعها ال٤، ونحنه بنتناقش مشاكل شركتي النقل والتوزيع بس هسي 😂😂 .
د) وعلى سيرة الفلس، هل تعلم أنه الناس دي عندها مشكلة أنه أسطول السيارات التابع ليهم منتهي؟ جد والله، مابهظر، وده بيعني أنه لما تكونوا دايرين صيانة لعمود، أو تصلحوا حاجة (٨
د) وعلى سيرة الفلس، هل تعلم أنه الناس دي عندها مشكلة أنه أسطول السيارات التابع ليهم منتهي؟ جد والله، مابهظر، وده بيعني أنه لما تكونوا دايرين صيانة لعمود، أو تصلحوا حاجة (٨
عادي جداً إنته تمشي لي الشركة و تجيب الميكانيكي ده براك، وعادي جداً مستقبلاً تأجر شاحنة براك وتنقل فيها المعدات عشان تصلح مشكلتك دي 😂 ومابس كده، الشركة القابضة كان عندها مشروع لخفض إستهلاك الحكومة للكهرباء، وكان عندهم مشاريع مكثفات و إضاءة للمباني الحكومية بإستهلاك اقل، وطبعا (٩
ده كله مامجاني، والموضوع ده بيكلف + مشاريع تانية للترشيد الحكومي، قريب ال١٨٨ مليون دولار و كسر، وطبعاً ماف قروش لكلام زي ده. هو نحنه نص مليار بنلم فيها بنكون مامصدقين، خليك من الحكومة تدي مبلغ زي ده لحبايبنا في الشركة القابضة.
ودي مجرد تسليكات، و جزء من مشاكل شركة وحدة (١٠
ودي مجرد تسليكات، و جزء من مشاكل شركة وحدة (١٠
من أصل أربعة شركات تابعة للشركة القابضة للكهرباء. وكمان، بعد سنتين، حتجيهم شركة جديدة بتاعت طاقة شمسية إن شاء الله. ونبشركم من هسي، حيكون عندها نفس مشكلة حبايبنا ديل: ماف قروش حتى للرواتب. شركة النقل براها عشان تجيب عربات طوارئ + أنظمة تحكم، دايرة ٧١ مليون «ضولار» (١١
و كمان ده برنامج ٢٠٢١ بس + ال١٨٨ مليون دولار التانية. والتكلفة دي عشان تستعيدها + فوائد محتملة كونك حتقترض ميلغ زي ده، ده كله "رقيص ماعندك ليهو جزمة". طبعاً لو وريناكم مشكلة شركة التوليد الحراري الكواريك حتقتلكم، بس حنكتفي بمشاكل النقل. ونختم: العجز في الذروة السنة دي حيكون (١٢
ما أقل من ١٥٠٠ ميغاواط، وإنته إنتاجك أقل. وده بيعني أنه بسبب «مافي ضولارات»، وممان عندك مشاكل صيانات و قطع غيار للتوربينات + مافي بترول للتوليدين الحراري و المائي —ديل شركتين براهم، وبي سجمهم ورمادهم، كمان عندك مشاكل النقل والتوزيع 😂
دمتم سالمين (١٣
دمتم سالمين (١٣
جاري تحميل الاقتراحات...