القطوعات في وقت الذروة حتكون مابين يومين ويوم، و ماحتكون أبداً متواصلة ليوم كامل. في صيف ٢٠٢٠، كان العجز وقت الذروة أكتر من ٨٠٠ ميغاواط. في صيف ٢٠٢١، متوقع العجز أكثر من ١٥٠٠ ميغاواط، ولاحظوا، ده يعادل نصف الطلب الإسمي و أكثر، واللي هو ٣١٠٠ ميغاواط. شنو سبب ده كله؟ بسيطة، (١
مافي دولارات. وده الخلاهم يكونوا غير قادرين على القيام بالصيانة الدورية، و فشلوا في تأمين قطع الغيار والإسبيرات. وكمان، ماننسى، بترول ماف، والتوليد الحراري بياكل ٤٠٪ من البترول البنستورده سنوياً تقريباً. القطاع ده إنهار مالياً، وبالكامل، ومافي تواصل مع الناس ولا فيه إخطار (٢
للناس بمعضلة مشكلة الكهرباء والإنهيار المالي اللي أصاب الشركة السودانية للكهرباء. طبعاً تعديل التعريفة، أو رفع الدعم عن الخدمة بالمجمل مابيحل الناس دي، المطلوبات المالية كتيرة. ثم إن التعرفة الحقيقية بتزيد مع انهيار العملة، والمستهلك بدفع بالجنيه، وللتوسع وصيانة ”عاوزين ضولار“.(٣
نعمل شنو؟ قولوا واي بس. العنده قرايب مغتربين، وعندهم أهل في الأقاليم، بعده يتخاتتوا و يبدو يجيبوا بطاريات و ألواح طاقة شمسية. نشد الأحزمة للإنهيار بس، وماشين لهاوية. وطبعاً الناس حتكون مغبونة في الشتاء، وحتحرق الأخضر واليابس + بعد أغسطس فيضان النيل السنوي حيكابس الناس. (٤
٢٠٢١ حتكون من أصعب السنوات في حياة أي زول في السودان، و مامتوقع أي تقدم في أي ملف أو قضية، بل و متوقع فشل. و مؤمل فقط أنه مانختم ٢٠٢١ بحرب أهلية. الله يعين الناس السنة دي والله يعين السودانيين.
" شعب قدم وقدم ولم يلقى شيئاً " (٥
" شعب قدم وقدم ولم يلقى شيئاً " (٥
جاري تحميل الاقتراحات...