وحشني اوي التصحيح وانا بفك طلاسم الكتابة او بحاول أكوِّن جملة مفيدة من إجابات مبتبقاش عارف هي مكتوبة بالانجليزي ولا العربي، والكتابة عالسبورة بخطي الوحش وانا بكتشف في أخر المحاضرة ان القلم اللي بكتب بيه طلع permenant مش whiteboard
والطلبة اللي بلاقيهم متجمعين قدام القاعة مببقاش عارف دول مطرودين ولا جايين متأخر فالدكتور مش عايز يدخلهم، والحضور اللي باخده في أخر المحاضرة وانا بنادي بالاسم الأول واسم الأب علشان معظم الألقاب مبعرفش أنطقها صح ولو حاولت العيال هيضحكوا عليا
ومعمل المايكرو لما الواد يبقى فرحان وهو بيناديني علشان اشوف البكتيريا اللي طلعها تحت الميكروسكوب (على حسب كلامه) وأكتشف انه كان شايف رموشه في العدسة
واسانسير مبنى ٩ في البوابة الغربية شطر الطالبات اللي عنده جرس تحت برن عليه علشان أطلع الاقي الليدر مستنياني واللي لو ملقيتهاش هضطر أخرج برا المبنى كله علشان ابعتلها من مكان في شَبكة موبايل
دلوقتي كل اللي بعمله create session، start recording، end session، صوتي واضح يا جماعة؟ لو مش واضح أكتبولي في الشات، وطول مانا بشرح Ahmed joind/Ahmed left مبتبقاش عارف أحمد ده مش عاجبه كلامي ولا النت عنده تعبان😔
جاري تحميل الاقتراحات...