#برنامج_العيش_الطيب
قوود مورننج ♥️🌬️عندي لكم قصه قصيره او ممكن طويله علي حسب الالهام😁
كان يامكان سيده مثقفه وجميله ومرحه وام محترمه.. هذي السيده المحترمه اللي يصادقها او يعاشرها يتونس بصحبتها سواليف وهروج وضحك وحكم ودايما عندها شي جديد تطرحه للمناقشه متجدده💃
قوود مورننج ♥️🌬️عندي لكم قصه قصيره او ممكن طويله علي حسب الالهام😁
كان يامكان سيده مثقفه وجميله ومرحه وام محترمه.. هذي السيده المحترمه اللي يصادقها او يعاشرها يتونس بصحبتها سواليف وهروج وضحك وحكم ودايما عندها شي جديد تطرحه للمناقشه متجدده💃
لكن عندها مشكله عميقه مخفيه عن عيون البشر.. وهي تعرفها ولكن تحس إنها عادي تأجل حلها او تحط لها حلول سطحيه تمشي الحال لحد ماتتفرغ الحبيبه وتحلها حل جذري.. مشكلتها ممكن بسيطه وحلها سهل لكن بالنسبه لها عويصه ومتعبه وممله.. الا وهي تنظيف بيتها والاهتمام بعيالها نفسيا🌚
بيتها كل اثاثه غالي وانيق وعيالها متفوقين ومؤدبين.. كل شي تمام خارجيا.. لكن تعالوا شوفوا المخزن معفن وزحمه.. شوفوا زوايا المطبخ وسخه ومدهنه ويدبي فيها الدود.. وغرفه عيالها زباله يأكلون ويلعبون ويدرسون وينامون فيها مختلط الحابل بالنابل.. تفتح الكبت المللابس معتفسه.. الجواتي وسخه.
العيال ماتتكلم معاهم الا ادرس اكل نام اسبح اذلف انطم 😂😂ابوهم هي وياه صراع الديكه🐓كلن يحط الغلط علي الثاني لانهم داخلهم يدرون فيه شي غلط وراح ينفجر وكلن خايف منو اللي بيتحمل النتيجه🌚.. تروح تدوج من بيت لبيت عشان تخفف علي نفسها احساسها بالتأنيب واللوعه والالم 😒😔
تدور أحد يمدحها ويخفف عليها مشاعرها المتلخبطه.. ترجع البيت ويرجع الشعور الزفت قدامها بيتها وسخ مقرف لازم يتنظف عشان ترتاح.. الريحه فايحه والبيت فوضي والعيال كلن عايش منعزل عن الثاني 😢والابو هاج برا البيت..كل يوم عن يوم يزيد كرهها لبيتها وغضبها عليه فتروح تشتري اثاث جديد
تحط التحفه الجديده واو روعه.. روعه فقط بالمحل 😭بيتها من كثر ماهو لوعه مايرقع فيه اي شي.. التحفه طلعت فيه تلوع الجبد ولا حسنت فيه ذره.. اوك تتجاهل هذا الشعور وتقول بنفسها لا أكيد انها مومناسبه لاثاثي بغيرها بلون ثاني يلوق اكثر.. تبدلها وتطلع ازفت من اللي قبلها😂توهق البطل😆
تتوصل لقرار انه لازم تبيع البيت او توسع فيه وتهدم طوفه وتوسع الصاله وتحط ديكور فخم عشان تحس بالراحه.. زوجها يرفض تتهاوش معاه كالعاده انه هو السبب بقرفها من بيتها وماعمره ساعدها عشان تعدل بهالبيت المزعج. تحسد صديقاتها علي بيوتهم النظيفه.. تطالع بالسوشل ميديا البيوت الرايقه وتنقهر
طيب ي بنت الحلال نظفي بيتج وعدلي الموجود.. هذا كلام الناصحين المحبين.. تبدا الاعذار ماأقدر بروحي.. تعب.. ملل... ماادري من وين أبدا.. بيتي لو نظفته ماراح يرضيني لازم اغيره.. عيالي مهملين. زوجي مايساعد. ماعندي خدامه.. ماعندي وقت.. التنظيف يطول ويزهق.. مو جووي.. انا ملوله.. كسلانه😑
لوتفحطون كل مالقيتوا لها حل الا تلقي فيه عذروب وسبب انه ماراح يضبط.. خلوها تولي هي ووساختها.. ملوا منها الناصحين اذلفي لا تتشكين علينا زهقنا من شكاويج.. 😐يوم من الايام المجيده وصل الموضوع حده وزارتها وحده فجأه وشافت البيت المعفن وانقرفت منها وسمعتها كلام يجمد علي الشارب😩😭
في مجلس حريم تكلمت عنها بنغزات جارحه وعن وساخه بيتها وفشلتها.. كلن فهم ان السالفه عليها.. وجرحتها بالحقيقه المره والكلام اللي كانت تقوله لنفسها لما تشوف بيتها.. وسخه مهمله قذره كسلانه تلوع الجبد الله يعين زوجها وعيالها.. قالته بجمعه الحريم اللي تروح له هروب من واقعها وبيتها
حطمتها بمكانها اللي تحس فيه انها محبوبه ولها مكانه.. خلتها هي والنعال واحد.. تحطمت وبجت وانهارت وحبست نفسها ببيتها الوسخ.. مالقت الا بيتها يستقبلها ويحضنها علي انها اهملته.. جلست بإكتئاب حاد وتواجهت مع كل شي كانت تصد عنه وتتجاهل وهو يحتاج حل وانتباه.. الحين تواجهت مع شبحها
شبحها اللي طول عمرها تهرب منه.. جابت ورقه وقلم وكتبت شلون شنو تسوي عشان تتفاهم مع شبحها المخيف.. اول حل انها تبحث عن احد خبره يعلمها وين تبدأ. ثاني حل انها تبدا تطبق اللي تعلمتها حبه حبه.. ثالث حل انها تستمر وماتوقف.. رابع حل انها ماترجع لعوايدها القديمه وتبني عوايد تنفعها
كل مكان بالبيت يبيله تنظيف عميق ووقت وبعدها تنظيم وبعدها محافظه علي نظافته وتجديده.. هذي قصتنا جميعا مع مشاعرنا وألمنا وماضينا ومستقبلنا.. نتجاهل شعورنا اللي يلح علينا ونتجاهل ألمنا الداخلي ومعاناتنا ونتوجه نعدل الخارج عشان نرتاح مؤقتنا.. نتجاهل نصايح اللي سبقونا بالوعي
لاننا مانبي نتواجه مع هذي المشاعر المؤلمه وننظفها ونصبر عليها لين تتحرر.. ونتعذر ان وضعنا حنا غير ومشاكلنا عويصه ومالها حل.. اعذار واعذار فنانين بالاعذار محد يغلبنا👏🤭اللي يعرف انه عنده مشكله ويبدأ اول الحل انه يشترك بالبرنامج هذا انسان شجاع..👏
واللي يستمر بالتطبيق لو طال وماشاف نتيجه واو هذا شجاع وصادق.. النتيجه تراكميه مع الوقت مثل تنظيف البيت حبه حبه تنظف الغرفه وتبين ملامحها وجمالها.. واللي يطبق ويستمر ولاشاف نتيجه بالمره ويحبط ويبدأ من جديد ويحرر شعور الاحباط والملل ويبدأ من الصفر هذا شجاع وصادق وقوي♥️👏👏
قوي ماتهزمه مشاعر الاحباط والملل وطول الوقت دايما يذكر نفسه شوراي ماوراي شي اهم من نفسي..كتل الالم مرات ثقيله ونفقد قوتنا قدامها ولا لنا خلق نسمح لها ونتعامل معاها فنخلق شعور هروب لاواعي الا وهو الملل والزهق والتعب.. هذي مشاعر هروب حرروها لاتصدقونها..خطوط حمايه يحطها اللاواعي
يحكميك فيها من مواجهه اكثر شي تكرهه وتخاف منه.. فيقولك زهق ملل مافيه نتيجه عشان يحميك من مواجهه اشباحك 👻💀ولا بعد لما اكون محرره موضوع وحاطته بالجدول شهر كامل وانا واياه تحرير وتصفيه.. ويرجع ثاني مره انجن انا شفيني هذا حررت شيبي جاي الله لايحيه😂😂عادي تعيشَوا وتاكلوا غيرها
مثل البيت بالضبط اذا نظفته هل معناه اتركه يتوسخ واقول خلاص انا تعبت وانا انظفه.. لا حبيبتي يبيله متابعه كل توسخ شوي نظفي علي الخفيف ماراح يكون طبعا نفس تنظيفج الاولي المتعب العميق.. لكن ممكن يحتاج ترتيب وتنظيف ومتابعه بين الحين والاخر وبخري وطيبي يوميا بالتأمل والاسترخاء 😁
النتيجه تستاهل لما تشوفون بيتكم الداخلي نظيف وخفيف ولطيف وريحته حلوه وانتم فيه مستمتعين ومنسجمين.. ابدوا ببيوتكم الداخليه(مشاعركم) واتركوا الخارج مؤقتا(الناس) لين تحسون انكم نظفتوا اغلبه.. وانطلقوا للحياه وانتم منسجمين مع اهم واحلى شي ذواتكم الجميله وكل شي بيزين ويتعدل 🌹❤️
طبعا صديقتنا هذي تعبت من تنظيف بيتها وبجت وانقرفت من كميه الوسخ اللي شافته وفيه ايام وقفت تنظيف من القرف والالم والتعب ولكنها رجعت وشجعت نفسها انها ماعاد تبي هذي الحياه ولاعاد تقدر تتقبلها لنفسها.. مؤلم نعم مواجهه آلمنا الداخليه وصعب مرات اننا نسمح لها ونعيشها
لكن اذا نبي حياه ممتعه لازم نمر بهالمرحله.. كل ركن بالبيت له تنظيف وترتيب مختلف.. كل غرفه بالبيت تمثل شعور قديم اهملناه وتجاهلناه ولاسمحنا له وبعد كرهناه وقاومناه باننا ماندخل هالغرفه ونسكر بابها ونطفي ليتاتها عشان مانشوف ألمنا.. كل غرفه بالبيت تمثل ألم من ماضينا وشعور مغموت
شعور يصيح يبي نحرره وكل ماسكرنا عليه الغرف تعاظم وتضخم وكل ما كرهناه وقاومناه كل ما صار أقوي واستعد يهاجمنا بشراسه😡😈.. بيتنا هي رمز لعالمنا الداخلي والغرف المعفنه فيه هي مشاعرنا المغموته المحبوسه.. وحنا نسكر البيت ونطلع اغلب الوقت برا هالبيت هروب من هالمشاعر مامدري شنو سببها
ولما عرفنا طريقه الحل وشلون نحررها وتواجهنا لاول مره معاها بعض منا هرب وسكر الغرف ثاني مره من كميه الالم اللي شافه.. خاف.. لكن الخوف وهم.. خلقناه لحمايتنا من مواجهه تحرير مشاعرنا.. صاحبتنا انحدت انها تنظف لان كل بيبان المتعه اللي تهرب لها تسكرت.. تسكرت غصب عنها
ماعاد لها وجهه تروح لصديقاتها ولحد الآن ألم الصفعه اللي وجهتها لها صديقتها اللي فضحتها موجع ومؤلم ونار بصدرها. اول أيامها كانت تسب رفيجتها الملعونه اللي فضحتها وتحط عليها كل سبب ألمها. مع الوقت عرفت انها مجرد نتيجه لاهمالها لبيتها.. تماما مثلنا لما مابحثنا عن الوعي الا لما تصفعنا
تصفعنا من ناس نحبهم.. صفعه صحتنا علي ألم ومشاعر مخربطه مثل الغرف الوسخه.. بالبدايه غضبنا عليهم انهم خونه وظلمه. ووو.. ولما نظفنا وعشنا الوعي بسبب صفعتهم شكرناهم انهم صحونا😁👏مثل صاحبتنا بالعمق لما شافت بيتها نظف وعيالها تعدلت نفسياتهم وصاروا مروقين ببيتهم وزوجها صار يقعد معاهم
وصار عندها بيت نظيف واسره متجمعه علي سفره وحده ومشاعر حميمه.. بقلبها قالت شكرا ي صديقتي المروحه اللي صفعتني وصحتني وعشت حياه كنت احسها مستحيله وبعيده المنال.. وانا أقول شكرا لكل من صحانا من نومنا ووعانا سواء بألم او بانه رساله لطيفه.. شكرا عشنا بفضلكم حياه كنا نشوفها ومانستشعرها
شكرا لمعليمنا اللي سهلوا علينا وعلي راسهم معلمنا @_abdala122 وشكرا لطاقتكم الداعمه وشكرا للوعي وشكرا علي نعمه السوشيل ميديا وشكر أخير للزفته اللي عطتني الكف اللي صحاني، 😂😂لازم اسبها.. عادي اشكرها بس لحد الآن ماوصلت لمرحله الحب.. الله يساعدنا ونوصلها بكل يسر وسهوله♥️
وتوته توته خلصت الحتوته😁ماأدري شفيني اليوم.. نمت بدري وحلمت حلم من حلقات 😂كل ماقلبت علي جنب تبدا حلقه جديده.. زهقت وقعدت من النوم قبل الفجر وجاني الهام اكتب لكم وادردش معاكم.. صباحكم فل وسعاده ونظافه😝بحاول ارجع انام واكمل مسلسلي🤣
جاري تحميل الاقتراحات...