حاكتب الكلام دا وبتمنى يصل للناس المعنيين.. وكتبتو في الوقت المتأخر دا عشان حانسى..
على كم مرة بجي بشارع الوادي أمدرمان بصادف شاب من ذوي الاحتياجات الخاصة "متلازمة داون" بيحاول يقطع شارع الزلط وبيكون مرعوب ومتردد.. تلاتة مرات تحديدا..
+

الزلط بين الحارة الخامسة وحي الروضة جهة مخبز "عيني على سيقا" أول مرة قبل شهر كنت ماشة اجيب طلب فول من "أبو غالب" فانتبهت ليه واقف بالزبط بين المسارين ومرعوب وأنا داخلة يسار، اضطريت أنادي شاب كان مبركن قلت ليهو قطعو الزلط.. المرة التانية لمحتو من بعيد في الشارع وانا سايقة..

المرة التالتة اليوم، كنت واقفة قدام المخبز على جهة "حي الروضة" وهو كان واقف في صف ما طويل وانا منتظرة المعاي يجيب رغيف، شال الرغيف ومشي يقطع ومتردد وخايف وبقى ينادي في الناس يساعدوه ومافي زول انتبه ليهو لانو اكيد كانوا حيساعدوهو لو انتبهوا..

اضطريت انزل من العربية، وبقول اضطريت لاني مارقة من حجر بس لابسة كمامة وعقمت ايديني، ومشيت قطعتو الزلط وكان مكنكش فيني خايف..
كتبت البوست عشان اقول لأهله انتبهوا ليهو ..مفهوم إنكم دايرينو يشارك ويقوم بدور في البيت، بس الزول دا بخاف عديل وخوفو دا ممكن يتسبب في حادث ليهو

وأنتو بتعرفوا شارع الوادي بقى خطر كيف..
لو وصف المكان والشخص اتطابق مع شاب بتعرفه أرجوكم نبهو اهله لانو يمكن ما مدركين خوفو من قطع الزلط..