رتبها

- من حوالي عشرة أيام لما اتكلمنا هنا عن أهمية مشروع #القطار_الكهربائي وبالذات عن مرحلته الأولى"العين السخنة-العلمين"قلنا وقتها ان الهدف الرئيسي واللي أساسا اتعمل عشانه المشروع الضخم ده هو نقل البضائع من ميناء العين السخنة على البحر #الأحمر لميناء جرجوب على البحر #المتوسط
يتبع👇👇

وقلنا وقتها بالحرف ان المشروع ده في حقيقته ما هو إلا «قناة سويس برية» جديدة لربط البحرين الأحمر والأبيض ، وطبعا واضح هنا الأهمية الاستراتيجية للمشروع ده ، وانه مش مجرد مشروع سياحي لنقل البشر ، ولكنه شريان تنمية غرضه الأساسي نقل البضائع بين البحرين في نهر كهربي جديد 👇

ويأتي نقل الأفراد كهدف ثانوي له
.
- من يومين أكد الفريق أسامة ربيع رئيس هيئة #قناة_السويس صحة استنتاجنا لما قال في لقاء تليفزيوني مع الإعلامي حمدي رزق انه حتى الآن لم يظهر مشروع ينافس قناة السويس ، لكن قد يظهر في الأفق البعيد مشروع مثل مشروع #عسقلان 👇

اللي بتخطط «تل أبيب» لإقامته خلال ال5 سنوات القادمة والمتوقع إنه هيأثر على سفن البترول المارة من قناة السويس بنحو 16%!!
- واللي مش عارف مشروع «إيلات -عسقلان» فده مشروع قديم جدا بيرجع لسبعينات القرن الماضي ، وكان أصلا بالتعاون بين إيران الشاه واسرائيل👇

وكان في الأصل بيتكون من شبكة خطوط أنابيب لنقل النفط والغاز من أماكن استخراجه في الخليج العربي لكي يصل لكل الموانئ البحرية اللي بتصل لكل العالم مش بس لمنطقة الشرق الأوسط ، فلما قامت ثورة الخميني وسقط الشاه إنهار المشروع👇

ولكن تبقى الجزء الاسرائيلي منه واللي مخطط له أن يكون بطول 158 ميل من ميناء إيلات على البحر الأحمر حتى ميناء عسقلان على البحر الأبيض المتوسط ، والهدف هو توفير بديل أرخص لقناة السويس وده السبب إنه ممكن يأثر عليها مستقبلياً بنسبة 16% زي ما أعلن رئيس هيئة قناة السويس👇

اللي يهمنا دلوقتي مصر هترد على الكلام ده أو بمعنى أصح على المخطط اللي بيستهدفها وبيستهدف إقتصادها وأمنها القومي إزاي ؟
- مصر بالفعل قامت بالرد ، بس ناس كتير مش واخدة بالها ،بس خلينا الأول نوضح حاجة مهمة وهي إن «مشروع عسقلان»👇

من ضمن تفاصيله اللي تم الإعلان عنها إنه هيشمل قطار لنقل البضائع ، وده اللي يهم «تل أبيب» في الموضوع لإستهداف قناة السويس لأن خطوط النفط هتكون غير مؤثرة بسبب وجود خط أنابيب «سوميد» اللي أنشأته مصر في نهاية الستينات واللي بيصل ما بين ميناء «العين السخنة» على البحر الأحمر👇

وميناء «سيدي كرير» غرب الاسكندرية على البحر المتوسط واللي بتبلغ سعته ضعف سعة خط أنابيب «إيلات -عسقلان» وأيضا بسبب تفضيل ناقلات النفط لميناء «سيدي كرير» المصري الأقرب لأوروبا واللي سعته أكبر وبيستوعب ناقلات عملاقة ميقدرش يستوعبها ميناء «عسقلان » 👇

وبالتالي مش هيقدر يستهدف قناة السويس من خلال خطوط أنابيب نقل النفط والغاز اللي هتكون غير مؤثرة ..
- هو عايز يستهدفك من خلال التأثير عليك في نقل البضائع ، علشان كده أُعلن إن مشروع « إيلات -عسقلان» هيشمل خط سكك حديدية لنقل البضائع 👇

وهو ما يعرف بـ مشروع «إيـلات - أشدود» أو "خط إيلات الحديدي السريع High-speed railway to Eilat" الإسرائيلي اللي بيتضمن انشاء خط سكك حديدية لتسيير «قطار بضائع ».. يبدأ من ميناء إيلات على خليج العقبة.. ومنه إلى «ديمونة Dimona» ومن ديمونة إلى «بير شيفع Beersheba» 👇

لينتهي بميناء «أشدود Ashdod» على البحر المتوسط مباشرة
- فالرد المصري كان عن طريق الإعلان عن خط القطار الكهربائي من العين السخنة للعلمين ، وهيكون على أربع مراحل وهيشمل برج العرب والأسكندرية لربط موانئ البحر الأحمر بموانئ البحر المتوسط 👇

و زي ما وضح قبل كده الفريق كامل الوزير إنه هيكون لنقل البضائع أكتر منه لنقل الركاب
- ولاحظ إن الرئيس #السيسي أصر في اتفاقه مع شركة «سيمنز» على أن تنتهي الشركة من تنفيذ المرحلة الأولي للقطار خلال سنتين فقط ، ومشروع «إيـلات - أشدود» اللي بتخطط له «تل أبيب»👇

لو قررت البدء فيه حالياً هيحتاج حوالي 5 سنين على أقل تقدير ، يعني بنسبة كبيرة مشروع «إيـلات - أشدود» مش هيشوف النور ، وهيتم حفظه في الأدراج بعد ما انت ضربته في مقتل من قبل ما يبتدي بالاعلان عن بدء تنفيذ مشروع القطار الكهربائي 👇

وبالتالي أصبح المشروع الاسرائيلي مالوش أي جدوى أو تأثير على قناة السويس ... يعني انت خلصت الجيم وقلتلهم كش ملك من قبل الجيم ما يبتدي أصلا
- لازم نكون فاهمين ان معظم المشروعات اللي احنا بنشوفها في مصر أو اللي بيتم الإعلان عنها 👇

بالإضافة لجدواها الإقتصادية بيبقى لها جوانب استراتيجية خفية تخص أمن مصر القومي وبيكون هدفها القضاء على مخططات بتستهدف مش بس إقتصادها ، ولكن أمنها القومي ووضعها في الإقليم 👇

- عرفتوا بقى ليه السيسي بيسابق الزمن لإنجاز المشروعات اللي بيتم الإعلان عنها ؟ ، وليه مفيش عنده رفاهية تأجيل المشروعات دي لوقت تاني أو للسنين اللي جاية ؟
.
#تحيا_مصر ✌️🇪🇬
#mohamed_ibrahim✍️✍️✍️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد