رتبها

أهلاً أهلاً، عارفة اليوم الخميس وويكند عشان كذا إخترت موضوع سهل جِداً بس عشان نكمل لكم رحلة كيس الدم 🩸

✨ الحين بعد ما المتبرع تبرع بالدم وبعد ما أخذنا الكيس وفصلنا المكونات الكيس بيتوجه إلى المرحلة الأخيرة وهي مرحلة الفحص 🩸

طبعاً كل التست اللي نسويها في البلود بنك هدفها إني أتأكد من فصيلة دم المتبرع عشان كذا أنا أسوي له blood grouping أكثر من مره وأشوف مدى توافقها مع دم المريض اللي محتاج الكيس

✨اليوم بس بتكلم عن ABO system
فيه عندنا أربع فصايل A, B, AB, O

خلينا نعرف بدايةً شلون إحنا نتوارث الفصايل، A و B جينين سائدين وO جين متنحي، كيف يعني؟ يعني لو امك فصيلتها o وابوك A راح تكون فصيلتك A ونفس الشيء بالنسبة للِ B

عشان تصير فصيلة دمي o لازم الطرفين الام والاب تكون فصيلتهم O, طيب لو واحد منهم A والثاني B شنو بيصير؟ اثنينهم جينين سائدين وعشان نرضيهم اثنينهم الفصيلة بتكون AB 🤝

طيب شسالفة H gene؟؟ بإختصار شديد H gene موجود على الكرموسوم ١٩ بيسوي اشارة لانزيم معين عشان يحول لي مادة موجودة على سطح الخلايا الحمراء إلى H antigen

وبعد ماصار عندي H antigen بيجون A and B genes عن طريق انزيمات بيحولون لي ال H antigen إلى A and B antigens
طبعاً اللي فصيلتهم A or B بيكون H antigen اللي عندهم أقل مقارنة بِ O

لأن حضرتهم قاعدين يستهلكون H وهم يحولونه لِ A or B عكس الO اللي مريح نفسه وماعنده انتجين ف ال H بيكون عنده كثير

فيه شيء إسمه Se gene مابدخل بتفاصيله أبداً لكن هو المسؤول انه يسوي expression for H gene in secretions

شلون الطريقة اللي أختبر فيها فصايل الدم؟
فيه عندنا ثلاث طرق: Slide method, tube method, gel card method

🌿 طبعاً الإختبار يا اما أسويه Forward وفكرتها إني أشوف الAG اللي موجودة على الخلايا الحمراء أو Reverse وهنا بستخدم بلازما المريض عشان بشوف AB اللي عنده

✨ ١- السلايد ميثود: زي ماذكرت طريقتها سابقاً
باخذ ثلاث قطرات من دم المريض وبحط على وحده anti-A والثانية anti-B والثالثة anti-D

طبعاً السلايد والتيوب ميثود نعملها Forward يعني أنا باخذ من الخلايا الحمراء وأحط عليها ال AB عشان أشوف شنو الAg اللي عنده ومنها أقدر أحدد فصيلة دمه

AG and AB بينهم علاقة عكسيه
يعني لو انا مثلاً فصيلة دمي A بيكون على سطح الخلايا الحمراء حقتي Ag A بس لو أخذت البلازما حقتي بشوف AB B، الأنتجين اللي موجود على سطح الخلايا حقتي بيكون عندي أنتي بودي في اللي ضده

✨ التيوب ميثود: نفس طريقة السلايد تقريباً
بجيب ثلاث تيوبات وبحط في وحدة anti-A والثانية anti-B والثالثة Anti- D وبحط فيهم كلهم قطرات من الدم وبعدها أحطهم في السنترفيوچ وأقرا الريسلت
لو تكونت معاي جلطة بتكون + ولو مافيه -

✨ وآخر طريقة اللي هي Gel card
طيب شنو فكرته؟ فكرته ان لو صار فيه تفاعل بين AB + Ag بيمسكون بعض وبيصير فيه خط فوق
اما لو مافيه تفاعل الخلايا بتنزل لتحت

وطريقته برضوا سهله، هِنا بنقدر بالكرت نسوي الطريقتين Forward + reverse
اللي على اليسار مأشر عليه بالأصفر هنا بنسويه بطريقة Forward

بنحتاج نحضر suspension " أحط diluent 2 مع شوي RBC's “ وأخلطهم وبعدها أحط على أول أربع من اليسار بداية من A الأزرق إلى الكنترول، أحط في كل واحد قطرة من ال suspension اللي سويته

🌿 واللي مأشر عليه بالوردي آخر ثنتين هذي نسويها بِ reverse يعني أبي أشوف AB فَ هنا بحتاج البلازما مو ال RBCs، بحط cell A, cell B جاية جاهزة من الشركة.
وبعدها قطرة بلازما في A وقطرة في B

لو صار فيه تفاعل مثلاً في A معناها إن هالشخص عنده AB ضد A والانتجين اللي على سطح الخلايا حقته بيصير B ف فصيلة دمه B

✨ طيب شلون أقرأ الجل كارد؟ لما الخط يرتفع لفوق معناها صار تفاعل يعني + ولما يصير تحت يعني مافيه تفاعل وهو -
الكنترول لابد إن يكون دايماً - لو صار + معناها الكرت فيه مشكلة

🌿 وشيء ضروري إن forward + reverse يكونون عكس بعض، يعني مثلاً هنا لما أجي أقرا هالكرت
قلنا اليسار Forward وبِما إن A + D صار فيهم تفاعل
يعني هالشخص عنده أنتجين A على الخلايا حقته يعني فصيلته A+

وفي اليمين أجي أشوف الانتي بودي اللي عنده، الانتي بودي حقه هنا B، بما انهم عكس بعض يعني أموري تمام ومعناها فصيلته A+

✨ طيب ياترا كل فصيلة شنو الفصايل اللي تقدر تتبرع لها؟ عشان أجاوب هالسؤال لازم أفكر كل شخص شنو الانتجين والانتي بودي اللي عنده

يعني شخص فصيلته B الانتجين حقه B والانتي بودي حقه A ما اروح وأعطيه كيس فصيلته A!!! لان الجسم عنده انتي بودي ضده وبيعتبره شيء غريب وبيهاجمه.
ف أعطيه كيس شخص فصيلة دمه B

معلومة مهمه إن الشخص اللي فصيلته - يقدر يعطي الأشخاص - و + يعني كريم يعطي الكل بس بِنفس الوقت عزيز نفس ماياخذ الا من الأشخاص - .
يعني لو شخص فصيلة دمه + مايصلح يتبرع للأشخاص ال- فقط يعطي ال+

شوفوا هِنا هالصورة فيها شرح لكلامي، شوفوا O- مسكين يعطي الكل بس ماياخذ الا من شخص O- 😟
وAB مثلاً يشفط كل أنواع الدم بس مايعطي الإ للِ AB 😒